Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
VI: Nivarana Vagga

Sutta 54

Asamaya - Samaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[65]

[1][pts][bodh] Evam me sutam.|| ||

Ekam samayam Bhagava Savatthiyam viharati Jetavane Anathapindikassa Arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.

Bhagava etad avoca:|| ||

"Panc'ime bhikkhave asamaya padhanaya.|| ||

Katame panca?|| ||

[66] 2. Idha, bhikkhave, bhikkhu jinno hoti jaraya abhibhuto.|| ||

Ayam bhikkhave pathamo asamayo padhanaya.|| ||

3. Puna ca param bhikkhave bhikkhu vyadhito hoti vyadhina abhibhuto.|| ||

Ayam bhikkhave dutiyo asamayo padhanaya.|| ||

4. Puna ca param bhikkhave dubbhikkham hoti dussassam dullabhapindam na sukaram unchena paggahena yapetum.|| ||

Ayam bhikkhave tatiyo asamayo padhanaya.|| ||

5. Puna ca param bhikkhave bhayam hoti atavisankepo cakkasamarulha janapada pariyayanti.|| ||

Ayam bhikkhave catuttho asamayo padhanaya.|| ||

6. Puna ca param bhikkhave sangho bhinno hoti.|| ||

Sanghe kho pana bhikkhave bhinne annamannam akkosa ca honti,||
annamannam paribhasa ca honti,||
annamannam parikkhepa ca honti,||
annamannam pariccajana ca honti.|| ||

Tattha appasanta c'eva na ppasidanti.|| ||

Pasannanan ca ekaccanam annathattam hoti.|| ||

Ayam bhikkhave pancamo asamayo padhanaya.|| ||

Ime kho bhikkhave panca asamaya padhanaya" ti.|| ||

 


 

7. "Panacime bhikkhave samaya padhanaya.|| ||

Katame panca?|| ||

8. Idha, bhikkhave, bhikkhu daharo hoti.|| ||

Yuva susu kalakeso bhadrena yobbanena samannagato pathamena vayasa.|| ||

Ayam bhikkhave pathamo samayo padhanaya.|| ||

9. Puna ca param bhikkhave bhikkhu appabadho hoti appatanko samavepakiniya gahaniya samannagato natisitaya naccunhaya majjhimaya padhanakkhamaya.|| ||

Ayam bhikkhave dutiyo samayo padhanaya.|| ||

10. Puna ca param bhikkhave subhikkham hoti susassam [67] sulabhapindam,||
sukaram unjena paggahena yapetum.|| ||

Ayam bhikkhave tatiyo samayo padhanaya.|| ||

11. Puna ca param bhikkhave manussa samagga sammodamana avivadamana khirodakibhuta annamannam piyacakkhuhi sampassanta viharanti.|| ||

Ayam bhikkhave catuttho samayo padhanaya.|| ||

12. Puna ca param bhikkhave sangho samaggo sammodamano avivadamano ekuddeso phasu viharati.|| ||

Sanghe kho pana bhikkhave samagge na c'eva annamannam akkosa honti.|| ||

Na ca annamannam paribhasa honti.|| ||

Na ca annamannam parikkhepa honti.|| ||

Na ca annamannam pariccajana honti.|| ||

Tttha appasanna c'eva pasidanti.|| ||

Pasannanan ca bhiyyobhavo hoti.|| ||

Ayam bhikkhave pancamo samayo padhanaya.|| ||

Ime kho bhikkhave panca samaya padhanaya" ti.|| ||


Contact:
E-mail
Copyright Statement