Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

N-O-T  Y-E-T   P-R-O-O-F-R-E-A-D

Anguttara Nikaya
Pancaka Nipata
8. Yodhajiva Vagga

Sutta 78

Dutiya Anagatabhaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[103]

[1][than][pts] Savatthinidanam|| ||

Panc'imani bhikkhave anagatabhayani sampassamanena alam eva bhikkhuna|| ||

Appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya.|| ||

Katamani panca?|| ||

Idha, bhikkhave, bhikkhu iti patisancikkhati:||
"aham kho etarahi daharo yuva susu ka'akeso bhadrena yobbanena samannagato pathamena vayasa hoti kho pana so samayo yam imam kayam jara phusati.|| ||

Jinnena kho pana jaraya abhibhutena na sukaram buddhanam sasanam manasikatum.|| ||

Na sukarani aranne vanapatthani pantani senasanani patisevitum pura mam so dhammo agacchati anittho akanto amanapo.|| ||

Handaham patigacce va viriyam arabhami appattassa pattiya anadhigatassa adhigamaya asacchikatassa sacchikiriyaya yenaham dhammena samannagato jinnako pi phasum viharissami" ti.|| ||

Idam, bhikkhave, pathamam anagatabhayam sampassamanena alam eva bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya.|| ||

Puna ca param bhikkhave bhikkhu iti patisancikkhati:||
'aham kho etarahi appabadho appatanko samavepakiniya gahaniya samannagato natisitaya naccunhaya majjhimaya padhanakkhamaya.|| ||

Hoti kho pana so samayo yam imam kayam vyadhi phusati.|| ||

Khyadhitena kho pana byadhabhibhutena na sukaram buddhanam sasanam manasikatum.|| ||

Na sukarani aranne vanapatthani pantani senasanani patisevitum pura mam so dhammo agacchati anittho akanto amanapo,||
handaham patigacce va viriyam arabhami appattassa pattiya anadhigatassa adhigamaya asacchikatassa sacchikiriyaya- [104] yenaham dhammena samannagato byadhitopi phasum viharissami' ti.|| ||

Idam, bhikkhave, dutiyam anagatabhayam sampassamanena alam eva bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya.|| ||

Puna ca param bhikkhave bhikkhu iti patisancikkhati:||
'etarahi kho subhikkham susassam sulabhapindam,||
sukaram unchena paggahena yapetum.|| ||

Hoti kho pana so samayo yam dubbhikkham hoti dussassam dullabhapindam,||
na sukaram unchena paggahena yapetum.|| ||

Dubbhikkhena kho pana manussa yena subhikkham tena sankamanti tattha sanganikaviharo hoti akinnaviharo.|| ||

Sanganikavihare kho pana sati akinnavihare na sukaram buddhanam sasanam manasikatum.|| ||

Na sukarani aranne vanapatthani pantani senasanani patisevitum.|| ||

Pura mam so dhammo agacchati anittho akanto amanapo handaham patigacceva viriyam arabhami appattassa pattiya anadhigatassa adhigamaya asacchikatassa sacchikiriyaya-yenaham dhammena samannagato dubbhikkhe'pi phasum viharissami' ti|| ||

Idam, bhikkhave, tatiyam anagatabhayam sampassamanena alam eva bhikkhunaappamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya.|| ||

Puna ca param bhikkhave iti patisancikkhati:||
etarahi kho manussa samagga sammodamana avivadamana khirodakibhuta annamannam piyacakkhuhi sampassanta viharanti.|| ||

Hoti kho pana so samayo yam bhayam hoti atavisamkopo.|| ||

Cakkasamaru'ha janapada pariyayanti.|| ||

Bhaye kho pana sati manussa yena khemam tena sankamanti.|| ||

Tattha sanganikaviharo hoti akinnaviharo [105] sadganikavihare kho pana sati akinna vihare na sukaram buddhanam sasanam manasikatum.|| ||

Na sukarani aranne vanapatthani pantani senasanani patisevitum.|| ||

Pura mam so dhammo agacchati anittho akanto amanapo,||
handa'ham patigacceva viriyam arabhami||
appattassa pattiya,||
anadhigatassa adhigamaya,||
asacchikatassa sacchikiriyaya - yenaham dhammena samannagato bhaye'pi phasum viharissami' ti.|| ||

Idam, bhikkhave, catuttham anagatabhayam sampassamanena alam eva bhikkhuna appamattena atapina pahitattena viharitum||
appattassa pattiya||
'anadhigatassa adhigamaya asacchikatassa sacchikiriyaya.|| ||

Puna ca param bhikkhave bhikkhu iti patisancikkhati:||
"etarahi kho sangho samaggo sammodamano avivadamano ekuddeso phasum viharati.|| ||

Hoti kho pana so samayo yam sangho bhijjati.|| ||

Sanghe kho pana bhinne na sukaram buddhanam sasanam manasikatum.|| ||

Na sukarani aranne vanapatthani pantani senasanani patisevitum.|| ||

Pura mam so dhammo agacchati anittho akanto amanapo,||
handa'ham patigacceva viriyam arabhami appattassa pattiya anadhigatassa adhigamaya asacchikatassa sacchikiriyaya,||
yenaham dhammena samannagato bhinne'pi sanghe phasum viharissami" ti|| ||

Idam, bhikkhave, pancamam anagatabhayam sampassamanena alam eva bhikkhuna appamattena atapina pahitattena viharitum appatassa pattiya anadhigatassa adhigamaya asacchikatassa sacchikiriyaya.|| ||

Imani kho bhikkhave panca anagatabhayani sampassamanena alam eva bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya' ti.|| ||


Contact:
E-mail
Copyright Statement