Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
10. Kakudha Vagga

Sutta 99

Siha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Siho bhikkhave migaraja sayanhasamayam asaya nikkhamati.|| ||

Asaya nikkhamitva vijamhati.|| ||

Vijamhitva samanna catuddisam anuviloketi.|| ||

Samanta catuddisam anuviloketva tikkhattum sihanadam nadati.|| ||

Tikkhattum sihananadam naditva gocaraya pakkamati.|| ||

So hatthi'ssa ce pi paharam deti,||
sakkaccann'eva paharam deti||
no asakkaccam.|| ||

Mahisassa ce pi paharam deti,||
sakkaccann'eva paharam deti||
no asakkaccam.|| ||

Gavassa ce pi paharam deti,||
sakkaccann'eva paharam deti||
no asakkaccam.|| ||

Dipissa ce pi paharam deti,||
sakkaccann'eva paharam deti||
no asakkaccam.|| ||

Buddakanam [122] ce pi pananam paharam deti||
annamaso sasabilaranam pi,||
sakkaccann'eva paharam deti||
no asakkaccam.|| ||

Tam kissa hetu?|| ||

Ma me yoggapatho nassati.|| ||

'Siho' ti kho bhikkhave,||
Tathagatass'etam adhivacanam arahato samma sambuddhassa.|| ||

Yam kho bhikkhave Tathagato parisaya dhammam deseti,||
idamassa hoti sihanadasmim.|| ||

Bhikkhunam ce pi bhikkhave Tathagato dhammam deseti,||
sakkaccann'eva Tathagato dhammam deseti||
no asakkaccam.|| ||

Bhikkhuninam ce pi bhikkhave Tathagato dhammam deseti||
sakkaccann'eva Tathagato dhammam deseti||
no asakkaccam|| ||

Upasakanam ce pi bhikkhave Tathagato dhammam deseti,||
sakkaccann'eva Tathagato dhammam deseti||
no asakkaccam.|| ||

Upasikanan ce pi bhikkhave Tathagato dhammam deseti,||
sakkaccann'eva Tathagato dhammam deseti||
no asakkaccam.|| ||

Puthujjananan ce pi bhikkhave Tathagato dhammam deseti||
antamaso annaharanesadanampi,||
sakkaccann'eva Tathagato dhammam deseti||
no asakkaccamta.|| ||

Tam kissa hetu?|| ||

Dhammagaru bhikkhave Tathagato dhammagaravo" ti.|| ||


Contact:
E-mail
Copyright Statement