Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
11. Phasuvihara Vagga

Sutta 101

Sekhavesarajja Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Panc'ime bhikkhave sekhavesarajjakarana dhamma.|| ||

Katame panca?|| ||

Idha, bhikkhave, bhikkhu saddho hoti,||
silava hoti,||
bahussuto hoti,||
araddhaviriyo hoti,||
pannava hoti.|| ||

Yam kho bhikkhave assaddhassa sarajjam hoti,||
saddhassa tam sarajjam na hoti.|| ||

Tasmayam dhammo sekhavesarajjakarano.|| ||

Yam bhikkhave dussilassa sarajjam hoti,||
silavato tam sarajjam na hoti.|| ||

Tasmayam dhammo sekhavesarajjakarano.|| ||

Yam bhikkhave appasutassa sarajjam hoti,||
bahussutassa tam sarajjam na hoti.|| ||

Tasmayam dhammo sekhavesarajjakarano.|| ||

Yam bhikkhave kusitassa sarajjam hoti,||
araddhaviriyassa tam sarajjam na hoti.|| ||

Tasmayam dhammo sekhavesarajjakarano.|| ||

Yam bhikkhave duppannassa sarajjam hoti,||
pannavato tam sarajjam na hoti.|| ||

Tasmayam dhammo sekhavesarajjakarano.|| ||

Ime kho bhikkhave panca sekhavesarajjakarana dhamma" ti.|| ||


Contact:
E-mail
Copyright Statement