Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
11. Phasuvihara Vagga

Sutta 103

Maha Cora Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Pancahi bhikkhave, angehi samannagato mahacoro||
sandhim pi chindanti,||
nillopam pi harati,||
ekagarikam pi karoti,||
paripanthe pi titthati.|| ||

Katamehi pancahi?|| ||

2. Idha, bhikkhave, mahacoro,||
visamanissito ca hoti,||
gahananissito ca,||
balavanissito ca,||
bhogacagi ca,||
ekacari ca.|| ||

3. Kathan ca bhikkhave, mahacoro visamanissito hoti?|| ||

Idha bhikkhave mahacoro nadividuggam va nissito hoti pabbatavisamam va.|| ||

Evam kho bhikkhave mahacoro visamanissito hoti.|| ||

 

 

4. Kathan ca bhikkhave, mahacoro gahananissito hoti?|| ||

Idha bhikkhave mahacoro tinaghanam va nissito hoti||
rukkhagahanam va||
rodham va||
mahavanasandam.|| ||

Evam kho bhikkhave mahacoro gahananissito hoti.|| ||

 

 

5. Kathan ca bhikkhave, mahacoro balavanissito hoti?|| ||

Idha bhikkhave mahacoro rajanam va||
rajamahamattam va||
nissito hoti.|| ||

Tassa evam hoti:|| ||

'Sace mam koci [129] kinci vakkhati,||
ime rajano va||
rajamahamatta va||
pariyodhaya attham bhanissanti' ti.|| ||

Sace nam koci kinci aha,||
tyassa rajano va||
rajamahamatta va||
pariyodhaya attham bhananti.|| ||

Evam kho bhikkhave mahacoro balavanissito hoti.|| ||

 

 

6. Kathan ca bhikkhave, mahacoro bhogacagi hoti?|| ||

Idha bhikkhave mahacoro addho hoti mahaddhano mahabhogo.|| ||

Tassa evam hoti:|| ||

'Sace mam koci kinci vakkhati,||
ito bhogena patisantharissami' ti.|| ||

Sace nam koc kinci aha,||
tato bhogena patisantharati.|| ||

Evam kho bhikkhave mahacoro bhogacagi hoti.|| ||

 

 

7. Kathan ca bhikkhave, mahacoro ekacari hoti?|| ||

Idha bhikkhave mahacoro ekako niggahanani katta hoti.|| ||

Tam kissa hetu?|| ||

'Ma me guyhamanta bahiddha sambhedam agamamsu' ti.|| ||

Evam kho bhikkhave mahacoro ekacari hoti.|| ||

Imehi kho bhikkhave, pancahi angehi samannagato mahacoro||
sandhim pi chindanti,||
nillopam pi harati,||
ekagarikam pi karoti,||
paripanthe pi titthati.|| ||

 

 

8. Evam eva kho bhikkhave,||
pancahi dhammehi samannagato papabhikkhu,||
khatam upahatam attanam pariharati,||
savajjo ca hoti sanuvajjo vinnunam,||
bahun ca apunnam pasavati.|| ||

Katamehi pancahi?|| ||

9. Idha, bhikkhave, papabhikkhu,||
visamanissito ca hoti,||
gahananissito ca,||
balavanissito ca,||
bhogacahi ca,||
ekacari ca.|| ||

10. Kathana bhikkhave, papabhikkhu visamanissito hoti?|| ||

Idha bhikkhave papabhikkhu,||
visamena kayakammena samannagato hoti,||
visamena vacikammena samannagato hoti,||
visamena manokammena samannagato hoti.|| ||

Evam kho bhikkhave papabhikkhu visamanissito hoti.|| ||

 

 

11. Kathan ca bhikkhave, papabhikkhu gahananissito hoti?|| ||

[130] Idha bhikkhave papabhikkhu,||
micichaditthiko hoti,||
antaggahikaya ditthiya samannagato.|| ||

Evam kho bhikkhave papabhikkhu gahananissito hoti.|| ||

 

 

12. Kathan ca bhikkhave, papabhikkhu balavanissito hoti?|| ||

Idha bhikkhave papabhikkhu,||
rajanam va,||
rajamahamattam va nissito hoti.|| ||

Tassa evam hoti:|| ||

'Sace mam koci kinci vakkhati,||
ime me rajano va,||
rajamahamatta va,||
pariyodhaya attham bhanissanti' ti.|| ||

Sace nam koci kinci aha,||
tyassa rajano va,||
rajamahamatta va,||
pariyodhaya attham bhannti.|| ||

Evam kho bhikkhave papabhikkhu balavanissito hoti.|| ||

 

 

13. Kathan ca bhikkhave, papabhikkhu bhogacagi hoti?|| ||

Idha bhikkhave papabhikkhu,||
labhi hoti civara-pindapata-senasana-gilana-ppaccaya-bhesajja-parikkharanam.|| ||

Tassa evam hoti:|| ||

'Sace mam koci kinci vakkhati,||
ito labhena patisantharissami' ti.|| ||

Sace nam koci kinci aha,||
tato labhena patisantharati.|| ||

Evam kho bhikkhave papabhikkhu bhogacagi hoti.|| ||

 

 

14. Kathan ca bhikkhave, papabhikkhu ekacari hoti?|| ||

Idha bhikkhave papabhikkhu,||
ekako paccantimesu janapadesu nivasam kappeti.|| ||

So tattha kulani upasankamanto labham labhati.|| ||

Evam kho bhikkhave papabhikkhu ekacari hoti.|| ||

Imehi kho bhikkhave, pancahi dhammehi samannagato papabhikkhu,||
khatam upahatam attanam pariharati,||
savajjo ca hoti sanuvajjo vinnunam,||
bahun ca apunnam pasavati" ti.|| ||


Contact:
E-mail
Copyright Statement