Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
11. Phasuvihara Vagga

Sutta 106

Ananda Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than] Evam me sutam:|| ||

Ekam samayam Bhagava Kosambiyam viharati Ghositarame.|| ||

Atha kho ayasma Anando yena Bhagava ten'upasankami.|| ||

Upasankamitva Bhagavannam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

"Kittavata nu kho bhante,||
bhikkhu-sanghe viharanto phasum vihareyya" ti?|| ||

"Yato kho Ananda [133] bhikkhu attana silasampanno hoti||
no ca param adhisile sampavatta hoti.|| ||

Ettavata pi kho Ananda bhikkhu-sanghe viharanto phasum vihareyya" ti.|| ||

"Siya pana bhante,||
anno pi pariyayo,||
yatha bhikkhu-sanghe viharanto phasu vihareyya" ti?|| ||

"Siya Ananda.|| ||

Yato kho Ananda bhikkhu attana silasampanno hoti||
no ca param adhisile sampavatta hoti,||
attanupekkhi ca hoti,||
no paranupekkhi.|| ||

Ettavata pi kho Ananda bhikkhu-sanghe viharanto phasum vihareyya" ti.|| ||

"Siya pana bhante,||
anno pi pariyayo,||
yatha bhikkhu-sanghe viharanto phasu vihareyya" ti?|| ||

"Siya Ananda.|| ||

Yato kho Ananda bhikkhu attana silasampanno hoti,||
no ca param adhisile sampavatta hoti,||
attanupekkhi ca hoti,||
no paranupekkhi,||
appannato ca hoti,||
tena ca appannatakena,||
no paritassati.|| ||

Ettavata pi kho Ananda bhikkhu-sanghe viharanto phasum vihareyayya" ti.|| ||

"Siya pana bhante,||
anno pi pariyayo,||
yatha bhikkhu-sanghe viharanto phasu vihareyya" ti?|| ||

"Siya Ananda.|| ||

Yato kho Ananda bhikkhu attana silasampanno hoti,||
no param adhisile sampavatta hoti,||
atatanupekkhi ca hoti,||
no paranupekkhi,||
appannato ca hoti,||
tena ca appannatakena||
no paritassati,||
catunnan ca jhananam abhicetasikanam dittha-dhamma-sukha-viharanam||
nikamalabhi hoti akicchalabhi akasiralabhi.|| ||

Ettavata pi kho Ananda sanghe viharanto phasum vihareyya" ti.|| ||

"Siya pana bhante,||
anno pi pariyayo,||
yatha bhikkhu-sanghe viharanto phasu vihareyya" ti?|| ||

"Siya Ananda.|| ||

Yato kho Ananda bhikkhu attana silasampanno hoti,||
no ca param adhisile sampavatta hoti,||
attanupekkhi ca hoti,||
no paranupekkhi,||
[134] appannato ca hoti||
tena ca appannatakena,||
no paritassati,||
catunnam jhananam abhicetasikanam dittha-dhamma-sukha-viharanam||
nikamalabhi hoti akicchalabhi akasiralabhi,||
asavanam khaya||
anasavam ceto-vimuttim||
panna-vimuttim||
ditth'evadhamme sayam abhinna||
sacchikatva upasampajja viharati.|| ||

Ettavata kho Ananda bhikkhu-sanghe viharanto phasum vihareyya.|| ||

Imamha caham Ananda phasuvihara||
anno phasuviharouttaritaro va panitataro va||
n'atthi ti vadami" ti.|| ||


Contact:
E-mail
Copyright Statement