Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
11. Phasuvihara Vagga

Sutta 110

Aranna Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Pancahi bhikkhave, dhammehi samannagato bhikkhu alam aranne vanapatthani pantani senasanani patisevitum.|| ||

Katamehi pancahi?|| ||

Idha, bhikkhave, bhikkhu silava hoti,||
patimokkha-samvarasamvuto viharati||
acaragocara-sampanno,||
anumattesu vajjesu bhayadassavi,||
samadaya sikkhati sikkhapadesu.|| ||

Bahussuto hoti sutadharo sutasannicayo.|| ||

Ye te dhamma adikalyana||
majjhekalyana||
pariyosanakalyana||
sattham savyanjana kevalaparipunanam parisuddham brahmacariyam abhivadanti,||
tatharupassa dhamma bahussuta honti dhata vacasa parivita manasanupekkhita ditthiya suppatividdha.|| ||

araddhaviriyo viharati.||
Akusalanam dhammanam pahanaya,||
kusalanam dhammanam upasampadaya,||
thamava dalha-parakkamo anikkhittadhuro kusalesu dhammesu.|| ||

Catunnam jhananam abhicetasikanam dittha-dhamma-sukha-viharanam nikamalabhi hoti akicchalabhi akasiralabhi.|| ||

Asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampaja viharati.|| ||

Imehi kho bhikkhave, pancahi dhammehi samannagato bhikkhu alam aranne vanapatthani pantani senasanani patisevitunti.|| ||

Phasuviharavaggo pathamo


Contact:
E-mail
Copyright Statement