Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata Gilana Vagga

Sutta 127

Vapakasa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][bd] EVAM ME SUTAM.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Pancahi bhikkhave dhammehi samannagato bhikkhu nalam sanghamha vapakasitum.|| ||

Katamehi pancahi?|| ||

Idha, bhikkhave, bhikkhu asantuttho hoti itiritarena civarena,||
asantuttho hoti itaritarena pinadapatena,||
asantuttho hoti itaritarena senasanena,||
asantuttho hoti itaritarena gilanapaccayabhesajjaparikkharena,||
kamasankappabahulo ca viharati.|| ||

Imehi kho bhikkhave pancahi dhammehi samannagato bhikkhu nalam sanghamha vapakasitum.|| ||

Pancahi bhikkhave dhammehi samannagato bhikkhu alam sanghamha vapakasitum.|| ||

Katamehi pancahi?|| ||

[146] Idha, bhikkhave, bhikkhu santuttho hoti itaritarena civarena,||
santuttho hoti itaritarena pindapatena,||
santuttho hoti itaritarena senasanena,||
santuttho hoti itaritarena gilanapaccayahesajjaparikkharena,||
nekkhammasankappabahulo ca viharati.|| ||

Imehi kho bhikkhave pancahi dhammehi samannagato bhikkhu alam sanghamha vapakasitunti.|| ||


Contact:
E-mail
Copyright Statement