Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
14. Raja Vaggo

Sutta 131

Pathama Cakkanuvattana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Pancahi bhikkhave angehi samannagato raja cakkavatti dhammen'eva cakkam pavatteti,||
tam hoti cakkam [148] appativattiyam kenaci manussa-bhutena paccatthikena panina.|| ||

Katamehi pancahi?|| ||

3. Idha, bhikkhave, raja cakkavatti atthannu ca hoti,||
dhammannu ca,||
mattannu ca,||
kalannu ca,||
parisannu ca.|| ||

Imehi kho pancahi angehi samannagato raja cakkavatti dhammen'eva cakkam vatteti,||
tam hoti cakkam appativattiyam kenaci manussa-bhutena paccatthikena panina.|| ||

4. Evam eva kho bhikkhave pancahi dhammehi samannagato Tathagato araham sammasambuddho dhammen'eva anuttaram dhammacakkam pavatteti,||
tam hoti cakkam appativattiyam samanena va brahmanena va devena va marena va brahmuna va kenaci va lokasmim.|| ||

Katamehi pancahi?|| ||

Idha, bhikkhave, Tathagato araham sammasambuddho atthannu,||
dhammannu,||
mattannu,||
kalannu,||
parisannu.|| ||

Imehi kho bhikkhave pancahi dhammehi samannagato Tathagato araham sammasambuddho dhammen'eva anuttaram dhammacakkam pavatteti,||
tam hoti cakkam appativattiyam samanena va brahmanena va devena va marena va brahmuna va kenaci va lokasmin" ti.|| ||


Contact:
E-mail
Copyright Statement