Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
14. Raja Vaggo

Sutta 134

Khatatiya-Raja Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Pancahi bhikkhave angehi samannagato raja khattiyo muddhavasitto yassam yassam disayam viharati,||
sakasmim yeva vijite viharati.|| ||

Katamehi pancahi?|| ||

2. Idha, bhikkhave, raja khattiyo muddhavasitto ubhato sujato hoti matito ca pitito ca,||
samsuddhagahaniko,||
yava sattama pitamahayuga,||
akkhitto anupakkuttho jativadena;|| ||

addho hoti mahaddhano mahabhogo paripunnakosakotthagaro;|| ||

balava kho pana hoti caturanginiya senaya samannagato assavaya ovadapatikaraya;|| ||

parinayako kho pan'assa hoti pandito viyatto medhavi patibalo atitanagata paccuppanne atthe cintetum;|| ||

tass'ime cattaro dhamma yasam paripacenti.|| ||

So imina yasapancamena dhammena samannagato yassam yassam disayam viharati,||
sakasmim yeva vijite viharati.|| ||

Tam kissa hetu?|| ||

Evam h'etam bhikkhave hoti vijitavinam.|| ||

 


 

Evam eva kho bhikkhave pancahi dhammehi samannagato bhikkhu yassam yassam disayam viharati vimuttacitto viharati.|| ||

Katamehi pancahi?|| ||

3. Idha, bhikkhave, bhikkhu silava hoti patimokkhasamvarasamvuto viharati acaragocarasampanno,||
anumattesu vajjesu bhayadassavi,||
samadaya sikkhati sikkhapadesu.|| ||

Raja' [152] va khattiyo muddhavasitto jatisampanno.|| ||

Bahussuto hoti sutadharo sutasannicayo.|| ||

Ye te dhamma adikalyana||
majjhekalyana||
pariyosanakalyana||
sattha savyanjanam kevalaparipunnam parisuddham brahmacariyam abhivadanti,||
tatharupassa dhamma bahussuta honti dhata vacasa paricita manasanupekkhita ditthiya suppatividdha.|| ||

Raja'va khattiyo muddhavasitto addho mahaddhano mahabhogo paripunnakosakotthagaro.|| ||

Araddhaviriyo viharati akusalanam dhammanam pahanaya||
kusalanam dhammanam upasampadaya,||
thamava dalhaparakkamo anikkhittadhuro kusalesu dhammesu.|| ||

Raja'va khattiyo muddhavasitto balasampanno.|| ||

Pannava hoti, udayatthagaminiya pannaya samannagato ariyaya nibbedhikaya samma-dukkhakkhayagaminiya.|| ||

Raja'va khattiyo muddhavasitto parinayakasampanno.|| ||

Tass'ime cattaro dhamma vimuttim paripacenti.|| ||

So imina vimutti-pancamena dhammena samannagato yassam yassam disayam viharati,||
vimuttacitto viharati.|| ||

Tam kissa hetu?|| ||

Evam h'etam bhikkhave hoti vimuttacittanan" ti.|| ||


Contact:
E-mail
Copyright Statement