Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
14. Raja Vaggo

Sutta 135

Pathama Patthana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Pancahi bhikkhave angehi samannagato ranno khattiyassa muddhavasittassa jettho putto rajjam pattheti.|| ||

Katamehi pancahi?|| ||

3. Idha, bhikkhave, ranno khattiyassa muddhavasittassa jettho putto ubhato sujato hoti matito ca pitito ca, samsuddhagahaniko yava sattama pitamahayuga,||
akkhitto anupakkuttho jativadena;|| ||

abhirupo hoti dassaniyo pasadiko,||
paramaya vannapokkharataya samannagato;|| ||

mata-pitunnam piyo hoti manapo;|| ||

negamajanapadassa piyo hoti manapo;|| ||

yani tani rannam khattiyanam muddhavasittanam sippatthanani hatthismim va assasmim va rathasmim va dhanusmim va tharusmim va tattha sikkhito hoti anavayo.|| ||

[153] Tassa evam hoti:|| ||

"Aham kho'mhi ubhato sujato matito ca pitito ca, samsuddhagahaniko, yava sattama pitamahayuga, akkhitto anupakkuttho jativadena.|| ||

Kasmaham rajjam na pattheyyam?|| ||

Aham kho'mhi abhirupo dassaniyo pasadiko paramaya vannapokkharataya samannagato.|| ||

Kasmaham rajjam na pattheyyam?|| ||

Aham kho'mhi mata-pitunnam piyo manapo.|| ||

Kasmaham rajjam na pattheyyam?|| ||

Aham kho'mhi negamajanapadassa piyo manapo.|| ||

Kasmaham rajjam na pattheyyam?|| ||

Aham kho'mhi yani tani rannam khattiyanam muddhavasittanam sippatthanani hatthismim va assasmim va rathasmim va dhanusmim va tharusmim va,||
tattha sikkhito anavayo.|| ||

Kasmaham rajjam na pattheyyan" ti?|| ||

Imehi kho bhikkhave pancahi dhammehi angehi samannagato ranno khattiyassa muddhavasittassa jettho putto rajjam pattheti.|| ||

 


 

4. Evam eva kho bhikkhave pancahi dhammehi samannagato bhikkhu asavanam khayam pattheti.|| ||

Kamehi pancahi?|| ||

Idha, bhikkhave, bhikkhu saddho hoti saddahati Tathagatassa bodhim:|| ||

"Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi Sattha deva-manussanam buddho Bhagava" ti;|| ||

appabadho hoti appatanko,
samavepakiniya gahaniya samannagato natisitaya naccunhaya majjhimaya padhanakkhamaya;|| ||

asatho hoti amayavi,
yathabhutam attanam avikatta Satthari va vinnusu va sabrahmcarisu;|| ||

araddhaviriyo viharati akusalanam dhammanam pahanaya,
kusalanam dhammanam upasampadaya,
thamava dalhaparakkamo anikkhittadhuro kusalesu dhammesu;|| ||

Pannava hoti,
udayatthagaminiya pannaya samannagato ariyaya nibbedhikaya sammadukkhakkhayagaminiya.|| ||

 

 

Tassa evam hoti:|| ||

'Aham kho'mhi saddho,
saddahami Tathagatassa bodhim:
"Iti pi so Bhagava araham sammasambuddho vijjacarana sampanno sugato lokavidu anuttaro purisadmmasarathi sattha deva-manussanam buddho Bhagava" ti.|| ||

Kasmaham [154] asavanam khayam na pattheyyam?|| ||

Aham kho'mhi appabadho appatanko samavepakiniya gahaniya samannagato natisitaya naccunhaya majjhimaya padhanakkhamaya.|| ||

Kasmaham asavanam khayam na pattheyyam?|| ||

Aham kho'mhi asatho amayavi yathabhutam attanam avikatta3satthari va vinnusu va sabrahmacarisu.|| ||

Kasmaham asavanam khayam na pattheyyam?|| ||

Aham kho'mhi araddhaviriyo viharami akusalanam dhammanam pahanaya kusalanam dhammanam upasampadaya, thamava dalhaparakkamo anikkhittadhuro kusalesu dhammesu.|| ||

Kasmaham asavanam khayam na pattheyyam?|| ||

Aham kho'mhi pannava udayatthagaminiya pannaya samannagato ariyaya nibbedhikaya samma dukkhakkhayagaminiya.|| ||

Kasmaham asavanam khayam na pattheyyanti?'|| ||

Imehi kho bhikkhave pancahi dhammehi samannagato bhikkhu asavanam khayam pattheti ti.|| ||


Contact:
E-mail
Copyright Statement