Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
14. Raja Vaggo

Sutta 136

Dutiya Patthana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Pancahi bhikkhave, angehi samannagato ranno khattiyassa muddhavasittassa jettho putto oparajjam pattheti.|| ||

Katamehi pancahi?|| ||

Idha, bhikkhave, ranno khattiyassa muddhavasittassa jettho putto ubhato sujato hoti matito ca pitito ca,||
samsuddha gahaniko,||
yava sattama pitamahayuga.|| ||

Akkhitto anupakkuttho jativadena.|| ||

Abhirupo hoti dassaniyo pasadiko paramaya vannapokkharataya samannagato mata-pitunnam piyo hoti manapo.|| ||

Balakayassa piyo hoti manapo.|| ||

Pandito hoti viyatto medhavi patibalo atitanagatapaccuppanno atthe cintetum.|| ||

Tassa evam hoti:|| ||

'Aham kho'mhi ubhato sujato matito ca pitito ca, samsuddhagahaniko, yava sattama pitamahayuga akkhitto anupakkuttho jativadena.|| ||

Kasmaham oparajjam na pattheyyam?|| ||

Aham kho'mhi abhirupo dassaniyo pasadiko paramaya vananapokkharataya samannagato.|| ||

Kasamaham oparajjam na pattheyyam?|| ||

Aham kho'mhi mata-pitunnam piyo manapo.|| ||

Kasamaham oparajjam na pattheyyam?|| ||

[155] Aham kho'mhi balakayassa piyo manapo.|| ||

Kasmaham oparajjam na pattheyyam?|| ||

Aham kho'mhi pandito viyatto medhavi patibalo atitanagatapaccuppanne atthe cintetum.|| ||

Kasmaham oparajjam na pattheyyanti?|| ||

Imehi kho bhikkhave pancahi angehi samannagato ranno khattiyassa muddhavasittassa jettho putto oparajjam pattheti.|| ||

 


 

Evam eva kho bhikkhave pancahi dhammehi samannagato bhikkhu asavanam khayam pattheti.|| ||

Katamehi pancahi?|| ||

Idha, bhikkhave, bhikkhu silava hoti patimokkhasamvarasamvuto viharati acaragocarasampanno, anumattesu vajjesu bhayadassavi samadaya sikkhati sikkhapadesu. Bahussuto hoti sutadharo sutasannicayo.|| ||

Ye te dhamma adikalyana majejhakalyana dhata vacasa paricita manusanupekkhita ditthiya suppatividdha, catusu sati patthanesu supatthitacitto hoti.|| ||

Araddhaviriyo viharati akusalanam dhammanam pahanaya, kusalanam dhammanam upasampadaya, thamava dalahaparakkamo anikkhittadhuro kusalesu dhammesu.|| ||

Pannava hoti udayatthagaminiya pannaya samannagato ariyaya nibbedhikaya samma dukkhakkhayagaminiya.|| ||

Tassa evam hoti:|| ||

Aham kho'mhi silava patimokkhasamvara samvuto viharami, acaragocarasampanno anumattesu vajjesu bhayadassavi samadaya sikkhami sikkhapadesu.|| ||

Kasmaham asavanam khayam na pattheyyam?|| ||

Aham kho'mhi bahussuto sutadharo sutasannicayo 'ye te dhamma adikalyana, majjhekalyana pariyosanakalyana sattha sabyanjana.|| ||

Kevalaparipunanam parisuddham brahmacariyam abhivadanti, tatharupa me dhamma bahussuta honti.|| ||

Dhata ca vacasa paricita manasanupekkhita ditthiya suppatividdha.|| ||

Kasmaham asavanam khayam na pattheyyam?|| ||

Aham kho'mhi catusu satipatthanesu supatthitacitto.|| ||

Kasmaham asavanam khayam na pattheyyam?|| ||

Aham kho'mhi araddhaviriyo viharami akusalanam dhammanam pahanaya, kusalanam dhammanam upasampadaya, thamava dalhaparakkamo anikkhittadhuro kusalesu dhammesu.|| ||

Kasmaham asavanam khayam na pattheyyam?|| ||

Aham kho'mhi pannava udayatthagaminiya pannaya samannagato ariyaya nibbedhikaya [156] samma dukkhakkhayagaminiya.|| ||

Kasmaham asavanam khayam na pattheyyanti?|| ||

Imehi kho bhikkhave pancahi dhammehi samannagato bhikkhu asavanam khayam pattheti' ti.|| ||


Contact:
E-mail
Copyright Statement