Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
15. Tikandaki Vaggo

Sutta 144

Tikandaki Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Sakete viharati Tikandakivane.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Sadhu bhikkhave bhikkhu kalena kalam appatikkule patikkulasanni vihareyya.|| ||

Sadhu bhikkhave bhikkhu kalena kalam patikkule appatikkulasanni vihareyya.|| ||

Sadhu bhikkhave bhikkhu kalena kalam appatikkule ca patikkule ca patikkulasanni vihareyya.|| ||

Sadhu bhikkhave bhikkhu kalena kalam patikkule ca appatikkule ca appatikkulasanni vihareyya.|| ||

Sadhu bhikkhave bhikkhu kalena kalam appatikkulram ca patikkulam ca tadubhayam abhinivajjetva upekkhako vihareyya sato sampajano.|| ||

 


 

3. Kathan ca bhikkhave bhikkhu atthavasam paticca appatikkule patikkulasanni vihareyya?|| ||

"Ma me rajaniyesu dhammesu rago udapadi" ti.|| ||

Idam kho bhikkhave bhikkhu atthavasam paticca appatikkule patikkulasanni vihareyya.|| ||

 

 

4. Kathan bhikkhave bhikkhu atthavasam paticca patikkule appatikkulasanni vihareyya?|| ||

"Ma me dosaniyesu dhammesu doso udapadi" ti.|| ||

Idam kho bhikkhave bhikkhu atthavasam paticca patikkule appatikkulasanni vihareyya.|| ||

 

 

5. Kathan bhikkhave bhikkhu [170] atthavasam paticca appatikkule ca patikkule ca patikkulasanni vihareyya?|| ||

"Ma me rajaniyesu dhammesu rago udapadi" ti.|| ||

"Ma me dosaniyesu dhammesu doso udapadi" ti.|| ||

Idam kho bhikkhave, bhikkhu atthavasam paticca appatikkule ca patikkule ca patikkulasanni vihareyya.|| ||

 

 

6. Kathan bhikkhave bhikkhu atthavasam paticca patikkule ca appatikkule ca appatikkulasanni vihareyya?|| ||

"Ma me dosaniyesu dhammesu doso udapadi.|| ||

Ma me rajaniyesu dhammesu rago udapadi" ti.|| ||

Idam kho bhikkhave, bhikkhu atthavasam paticca patikkule ca appatikkule ca appatikkulasanni vihareyya.|| ||

 

 

7. Kathan bhikkhave bhikkhu atthavasam paticca appatikkulam ca patikkulam ca tadubhayam abhinivajjetva upekkhako vihareyya sato sampajano?|| ||

"Ma me kvacini katthaci kincana rajaniyesu dhammesu rago udapadi,||
ma me kvacini katthaci kincana dosaniyesu dhammesu doso udapadi,||
ma me kvacini1 katthaci kincana mohaniyesu dhammesu moho udapadi" ti.|| ||

Idam kho bhikkhave bhikkhu atthavasam paticca appatikkulam ca patikkulram ca tadubhayam abhinivajjetva upakkhako vihareyya sato sampajano' ti.|| ||


Contact:
E-mail
Copyright Statement