Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
15. Tikandaki Vaggo

Sutta 148

Sappurisa-Dana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][olds]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Pancimani bhikkhave sappurisadanani.|| ||

Katamani panca?|| ||

Saddhaya danam deti,||
sakkaccam danam deti,||
kalena danam deti,||
anaggahitacitto 1danam deti,||
attanam ca param ca anupabhacca danam deti.|| ||

Saddhaya kho pana bhikkhave danam datva yattha yattha tassa danassa vipako nibbattati,||
addho ca hoti mahaddhano mahabhogo.|| ||

Abhirupo ca hoti dassaniyo pasadiko paramaya vannapokkharataya samannagato.|| ||

Sakkaccam kho pana bhikkhave danam datva yattha yattha tassa danassa vipako nibbattati,||
addho ca hoti mahaddhano mahabhogo.|| ||

Yepissa te honti puttati va darati va dasati va pessati va kammakarati va,||
tepi sussusanti,||
sotam odahanti,||
anna-cittam upatthapenti.|| ||

Kalena kho pana bhikkhave danam datva yattha yattha tassa danassa vipako nibbattati,||
addho ca hoti mahaddhano mahabhogo.|| ||

Kalagata c'assa attha pacura honti.|| ||

Anaggahitacitto khopana bhikkhave danam datva yattha yattha tassa danassa vipako nibbattati,||
addho ca hoti mahaddhano mahabhogo.|| ||

U'aresu ca pancasu kamagunesu bhogaya cittam namati.|| ||

[173] Attanan ca paran ca anupahac ca kho pana bhikkhave danam datva yattha yattha tassa danassa vipako nibbattati,||
addho ca hoti mahaddhano mahabhogo.|| ||

Na c'assa kutoci bhoganam upaghato agacchati aggito va udakato va rajato va corato va appiyadayadato va.|| ||

Imani kho bhikkhave panca sappurisadanani" ti.|| ||


Contact:
E-mail
Copyright Statement