Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
16. Saddhamma Vaggo

Sutta 155

Dutiya Saddhammasammosa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Panc'ime bhikkhave dhamma saddhammassa sammosaya antaradhanaya samvattanti.|| ||

Katame panca?|| ||

Idha, bhikkhave, bhikkhu dhammam na pariyapunnti suttam geyyam veyyakaranam gatham udanam itivuttakam jatakam abbhutadhammam vedallam.|| ||

Ayam bhikkhave, pathamo dhammo saddhammassa sammosaya antaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam na vittharena paresam desenti.|| ||

Ayam bhikkhave, dutiyo dhammo saddhammassa sammosaya antaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam na vittharena paresam vacenti.|| ||

Ayam bhikkhave, tatiyo dhammo saddhammassa sammosaya antaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam na vittharena sajjhayam karonti.|| ||

Ayam bhikkhave, catuttho dhammo saddhammassa sammosaya antaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam na cetasa anuvitakkenti, anuvicarenti, manasanupekkhanti.|| ||

Ayam bhikkhave, pancamo dhammo saddhammassa sammosaya antaradhanaya samvattati.|| ||

Ime kho bhikkhave, panca dhamma saddhammassa sammosaya antaradhanaya samvattanti.|| ||

 


 

Panc'ime bhikakhave, dhamma saddhammassa thitiya asammosaya anantaradhanaya samvattanti.|| ||

Katame panca?|| ||

Idha, bhikkhave, bhikkhu dhammam pariyapunnti suttam geyyam veyyakaranam gatham udanam itivuttakam jatakam abbhutadhammam vedallam.|| ||

Ayam bhikkhave, [178] pathamo dhammo saddhammassa thitiya asammosaya anantaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam vittharena paresam desenti.|| ||

Ayam bhikkhave, dutiyo dhammo saddhammassa thitiya asammosaya anantaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam vittharena paresam vacenti.|| ||

Ayam bhikkhave, tatiyo dhammo saddhammassa thitiya asammosaya anantaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam vittharena sajjhayam karonti.|| ||

Ayam bhikkhave, catuttho dhammo saddhammassa thitiya asammosaya anantaradhanaya samvattati.|| ||

Puna ca param bhikkhave, bhikkhu yathasutam yathapariyattam dhammam cetasa anuvitakkenti anuvicarenti manasanupekkhanti.|| ||

Ayam bhikkhave, pancamo dhammo saddhammassa thitiya asammosaya anantaradhanaya samvattati.|| ||

Ime kho bhikkhave, panca dhamma saddhammassa thitiya asammosaya anantaradhanaya samvattanti" ti.|| ||


Contact:
E-mail
Copyright Statement