Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
16. Saddhamma Vaggo

Sutta 159

Udayi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Anguttara-Nikaya edited by Professor E. Hardy, Ph.D., D.D.

 


 

[1][pts][than] Evam me sutam:|| ||

Ekam samayam Bhagava Kosambiyam viharati Ghositarame.|| ||

Tena kho pana samayena ayasma Udayi mahatiya gihiparisaya parivuto dhammam desento nisinno hoti.|| ||

Addasa kho ayasma Anando ayasmantam Udayim mahatiya gihiparisaya parivutam dhammam desentam nisinnam.|| ||

Disvana yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

'Ayasma bhante Udayi mahatiya gihiparisaya parivuto dhammam deseti' ti.|| ||

Na kho Ananda sukaram paresam dhammam desetum.|| ||

Paresam Ananda dhammam desentena panca dhamme ajajhattam upatthapetva paresam dhammo desetabbo.|| ||

Katame panca?|| ||

2. Anupubbikatham kathessami ti paresam dhammo desetabbo.|| ||

Pariyayadassavi katham kathessami ti paresam dhammo desetabba.|| ||

Anuddayatam paticca katham kathessami ti paresam dhammo desetabbo.|| ||

Na amisantaro katham kathessami ti paresam dhammo desetabbo.|| ||

Attanam ca param ca anupahacca katham kathessami ti paresam dhammo desetabbo.|| ||

Na kho Ananda sukaram paresam dhammam desetum.|| ||

Paresam Ananda dhammam desentena ime panca dhamme ajajhattam upatthapetva paresam dhammo desetabbo ti.|| ||

 


Contact:
E-mail
Copyright Statement