Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka-Nipata
XVIII. Upasaka Vaggo

Sutta 174

Vera Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

"Atha kho Anathapindiko gahapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho Anathapindikam gahapatim Bhagava etad avoca:|| ||

2. Panca gahapati, bhayani verani appahaya dussilo iti vuccati Nirayam ca uppajjati.|| ||

Katamani panca?|| ||

Panatipatam,||
adinnadanam,||
kamesu micchacaram,||
musa-vadam,||
suramerayamajjapamadatthanam.|| ||

[205] Imani kho gahapati, panca bhayani verani appahaya dussilo iti vuccati Nirayam ca uppajjati.|| ||

 

 

3. Panca gahapati, bhayani verani pahaya silava iti vuccati Sugatim ca uppajjati.|| ||

Katamani panca?|| ||

Panatipatam,||
adinnadanam,||
kamesu micchacaram,||
musa-vadam,||
suramerayamajjapamadatthanam.|| ||

Imani kho gahapati, panca bhayani verani pahaya silava iti vuccati Sugatim ca uppajjati ti.|| ||

 


 

4. Yam gahapati, panatipati panatipatapaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Panatipata pativirato n'eva ditthadhammikam bhayam veram pasvati,||
na samparayikam bhayam veram pasvati,||
na cetasikam dukkham domanassam patisamvedeti.|| ||

Panatipata pativiratssa evam tam bhayam veram vupasantam hoti.|| ||

 

 

5. Yam gahapati, adinnadayi adinnadanapaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Adinnadana pativirato n'eva ditthadhammikam bhayam veram pasavati,||
na samparayikam bhayam veram pasavati,||
na cetayikam dukkham domanassam patisamvedeti.|| ||

Adinnadana pativiratassa evam tam bhayam veram vupasantam hoti.|| ||

 

 

6. Yam gahapati, kamesu micchacari kamesumicchacara paccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Kamesumicchacara pativirato n'eva ditthadhammikam bhayam veram pasavati,||
na samparayikam bhayam veram pasavati,||
na cetayikam dukkham domanassam patisamvedeti.|| ||

Kamesumicchacara pativiratassa evam tam bhayam veram vupasantam hoti.|| ||

 

 

7. Yam gahapati, musavadi musavadapaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanassam patisamvedeti.|| ||

Musavada pativirato n'eva ditthadhammikam bhayam veram pasavati,||
na samparayikam bhayam veram pasavati,||
na cetasikam dukkham domanassam patisamvedeti.|| ||

Musavada pativiratassa evam tam bhayam veram vupasantam hoti.|| ||

 

 

8. Yam gahapati, suramerayamajjapamadatthayi suramerayamajjapamadatthanapaccaya ditthadhammikam pi bhayam veram pasavati,||
samparayikam pi bhayam veram pasavati,||
cetasikam pi dukkham domanssam patisamvedeti.|| ||

Surameraya majjapamadatthana pativirato n'eva ditthadhammikam bhayam veram pasavati,||
na samparayikam bhayam veram pasavati,||
na cetasikam dukkhamdomanassam patisamvedeti.|| ||

Suramerayamajjapamadatthana pativiratassa evam tam bhayam veram vupasantam hoti" ti.

Yo panam atimateti musavadan ca bhasati, Loke adinnam adiyati paradaran ca gacchati, Suramerayapanam ca yo naro anuyunjati;

Appahaya panca verani dussilo iti vuccati, Kayassa bheda duppanno nirayam so upapajjati

Yo panam natipateti musa-vadam na bhasati, Loke adinnam nadiyati paradaram na gacchati, [206] Surameraya panam ca yo naro nanuyunjati;

Pahaya panca verani silava iti vuccati, Kayassa bheda sappanno sugatim so upapajjati.|| ||


Contact:
E-mail
Copyright Statement