Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka-Nipata
XVIII. Upasaka Vaggo

Sutta 176

Piti Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][than][pts]Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Atha kho Anathapindiko gahapati panca-mattehi upasakasatehi parivuto yena Bhagava ten'upasankami.||
Upasankamitva Bhagavantam abhivadetva eka-m-antam nisidi.||
Eka-m-antam nisinnam kho Anathapindikam gahapatim Bhagava etad avoca:|| ||

2. Tumhe pi kho gahapati,
bhikkhu-sangham paccupatthita civara-pindapata-sena-sanagilana-paccay-abhesajja-parikkharena.
Na kho gahapati,
tavataken'eva tutthi karaniya:
'mayam bhikkhu-sangham paccupatthita
civara-pindapata-sena-sanagilana-paccay-abhesajja-parikkharena' ti.|| ||

Tasma ti ha gahapati,
evam sikkhitabbam:|| ||

[207]3."Kinti mayam kalena kalam pavivekam pitim upasampajja vihareyyama" ti.|| ||

Evam hi vo gahapati sikkhitabban ti.|| ||

4. Evam vutte ayasma Sariputto Bhagavantam etad avoca:|| ||

Acchariyam bhante! Abbhutam bhante!
Yava subhasitatan c'idam bhante, Bhagavata:-|| ||

"Tumhe kho gahapati,
bhikkhu-sangham paccupatthita
civara-pindapata-sena-sanagilana-paccay-abhesajja-parikkharena.
Na kho gahapati tavataken'eva tutthi karaniya:
'Mayam bhikkhu-sangham paccupatthita
civara-pindapata-sena-sanagilana-paccay-abhesajja-parikkharena' ti.
Tasma ti ha gahapati,
evam sikkhitabbam:||
"Kinti mayam kalena kalam pavivekam pitim upasampajja vihareyyama' ti.
Evam hi vo gahapati,
sikkhitbban' ti.|| ||

Yasmim bhante,
samaye ariyasavako pavivekam pitim upasampajja viharati.
Panc'assa thanani tasmim samaye na honti:|| ||

Yam pi'ssa kamupasamhitam dukkham domanassam,
tam pi'ssa tasmim samaye na hoti.
Yam pi'ssa kamupasamhitam sukham somanassam,
tam pi'ssa tasmim samaye na hoti.
Yam pi'ssa akusalupasamhitam dukkham domanassam,
tam pi'ssa tasmim samaye na hoti.
Yam pi'ssa akusalupasamhitam sukham somanassam,
tam pi'ssa tasmim samaye na hoti.
Yam pi'ssa kusalupasamhitam dukkham domanassam,
tam pi'ssa tasmim samaye na hoti.|| ||

Yasmim bhante,
samaye ariyasavako pavivekam pitim upasampajja viharati.
Imani'ssa panca thanani tasmim samaye na honti ti.|| ||

Sadhu! Sadhu! Sariputta.
Yasmim Sariputta, samaye [208] ariyasavako pavivekam pitim upasampajja viharati,
panc'assa thanani tasmim samaye na honti:|| ||

Yam pi'ssa kamupasamhitam dukkham domansasam,
tam pi'ssa tasmim samaye na hoti.
Yam pi'ssa kamupasamhitam sukham somanassam,
tam pi'ssa tasmim samaye na hoti.
Yam pi'ssa akusalupasamhitam dukkham domanassam,
tam pi'ssa tasmim samaye na hoti.
Yam pi'ssa akusalupasamhitam sukham somanassam,
tam pi'ssa tasmim samaye na hoti.
Yam pi'ssa kusalupasamhitam dukkham domanassam,
tam pi'ssa tasmim samaye na hoti.|| ||

Yasmim Sariputta samaye ariyasavako pavivekam pitim upasampajja viharati,
imani'ssa panca thanani tasmim samaye na honti ti.|| ||


Contact:
E-mail
Copyright Statement