Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka-Nipata
XX. Brahmana Vaggo

Sutta 192

Dona Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Atha kho Dono brahmano yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Dono brahmano Bhagavantam etad avoca:|| ||

2. "Sutam me tam bho Gotama:|| ||

'Na Samano Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti' ti.|| ||

Tayidam bho Gotama tath'eva,||
na hi bhavam Gotamo brahmane jinne vuddhe mahallake addhagate vayo-anuppatte abhivadeti va paccuttheti va asanena va nimanteti.|| ||

Tayidam bho Gotama na sampannam eva" ti.|| ||

"Tvam pi no Dona, brahmano patijanasi" ti?|| ||

"Yam hi tam bho Gotama samma vadamano vadeyya:|| ||

'Brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena,||
ajjhayako mantadharo,||
tinnam vedanam paragu sanighanduketubhanam sakkharappabhedanam itihasapancamanam,||
padako veyyakarano,||
lokayata mahapurisalakkhanesu anavayo" ti|| ||

mam'eva tam bho Gotama samma vadamano vadeyya.|| ||

Aham hi bho Gotama brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena,||
ajjhayako mantadharo,||
tinnam vedanam paragu sanighanduketubhanam sakkharappabhedanam itihasapancamanam,||
padako veyyakarano,||
lokayata mahapurisalakkhanesu anavayo" ti.|| ||

"Ye kho te Dona, brahmananam pub- [224]baka isayo||
mantanam kattaro mantanam pavattaro,||
yesan c'idam etarahi brahmana poranam mantapadam gitam pavuttam samihitam tad anugayanti,||
tad anubhasanti,||
bhasitam anubhasanti,||
sajjhayitam anusajjhayanti,||
vacitam anuvacenti,||
seyyathidam:||
Attako,||
Vamako,||
Vamadevo,||
Vessamitto,||
Yamadaggi,||
Angiraso,||
Bharadvajo,||
Vasettho,||
Kassapo,||
Bhagu||
tyassu me panca brahmane pannapenti:||
brahmasamam,||
devasamam,||
mariyadam,||
sambhinnamariyadam,||
brahmana candalam yeva pancamam.|| ||

Tesam tvam Dona katamo" ti?|| ||

"Na kho mayam bho Gotama,||
ime panca brahmane janama||
atha kho mayam brahmana tv eva janama.|| ||

Sadhu me bhavam Gotamo tatha dhammam desetu,||
yatha aham ime panca brahmane janeyyan" ti.|| ||

"Tena hi brahmana sunahi,||
sadhukam manasikarohi,||
bhasissami" ti.|| ||

"Evam bho" ti kho Dono brahmano Bhagavato paccassosi.|| ||

Bhagava etad avoca:|| ||

 

 

3. "Kathan ca Dona, brahmano brahmasamo hoti?|| ||

Idha Dona brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

So atthacattalisa vassani komara-brahmacariyam carati mante adhiyamano,||
atthacattalisa vassani komara-brahmacariyam caritva mante adhiyitva acariyassa acariyadhanam pariyesati dhammen'eva,||
no adhammena.|| ||

Tattha ca Dona ko dhammo?|| ||

[225] N'eva kasiya,||
na vanijjaya,||
na gorakkhena,||
na issatthena||
na rajaporisena||
na sippannnatarena,||
kevalam bhikkhacariyaya kapalam anatimannamano.|| ||

So acariyassa acariya dhanam niyyadetva kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano metta-sahagatena cetasa ekam disam pharitva viharati,||
tatha dutiyam,||
tatha tatiyam,||
tatha catutthim.|| ||

Iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena avyapajjhena pharitva viharati.|| ||

Karuna-sahagatena cetasa ekam disam pharitva viharati,||
tatha dutiyam,||
tatha tatiyam,||
tatha catutthim.|| ||

Iti uddham-adho tiriyam sabbadhi sabbattataya sabbavantam lokam karuna-sahagatena cetasa vipulena mahaggatena appamanena averena avyapajjhena pharitva viharati.|| ||

Mudita-sahagatena cetasa ekam disam pharitva viharati,||
tatha dutiyam,||
tatha tatiyam,||
tatha catutthim.|| ||

Iti uddham-adho tiriyam sabbadhi sabbattataya sabbavantam lokam mudita-sahagatena cetasa vipulena mahaggatena appamanena averena avyapajjhena pharitva viharati.|| ||

Upekkha-sahagatena cetasa ekam disam pharitva viharati,||
tatha dutiyam,||
tatha tatiyam,||
tatha catutthim.|| ||

Iti uddham-adho tiriyam sabbadhi sabbattataya sabbavantam lokam upekkha-sahagatena cetasa vipulena mahaggatena appamanena averena avyapajjhena pharitva viharati.|| ||

So ime cattaro brahmavihare bhavetva kayassa bheda param marana sugatim brahmalokam uppajjati.|| ||

Evam kho Dona brahmano brahmasamo hoti.|| ||

 

 

4. Katan ca Dona brahmano devasamo hoti?|| ||

Idha Dona brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

So atthacattalisa vassani komara-brahmacariyam carati mante adhiyamano,||
atthacattalisa vassani komara-brahmacariyam caritva mante adhiyitva acariyassa acariyadhanam pariyesati dhammen'eva,||
no adhammena.|| ||

Tattha ca Dona ko dhammo?|| ||

N'eva kasiya,||
na vanijjaya,||
na gorakkhena,||
na issatthena||
na rajaporisena||
na sippannnatarena,||
kevalam bhikkhacariyaya [226] kapalam anatimannamano.|| ||

So acariyassa acariyadhanam niyadetva daram pariyesati dhammen'eva no adhammena.|| ||

Tattha ca Dona ko dhammo?|| ||

N'eva kayena,||
na vikkayena,||
brahmanim yeva udakupassattham.|| ||

So brahmanim yeva gacchati||
na khattiyim,||
na vessim,||
na suddim,||
na candalim,||
na nesadim,||
na venim,||
na rathakarim,||
nna pukkusim gacchati,||
na gabbhinim gacchati,||
na payamanam gacchati,||
na anutunim gacchati.|| ||

Kasma ca Dona brahmano na gabbhinim gacchati?|| ||

Sace Dona brahmano gabhinim gacchati,||
atimilhajo nama so hoti manavako va manavika va,||
tasma Dona brahmano na gabbhinim gacchati.|| ||

Kasma ca Dona brahmano na payamanam gacchati?|| ||

Sace Dona brahmano payamanam gacchati,||
asuci-patipito nama so hoti manavako va manavika va,||
tasma Dona brahmano na payamanam gacchati.|| ||

Kasma ca Dona brahmano na anutunim gacchati?|| ||

Sace Dona brahmano anutunim gacchati,||
tassa sa hoti brahmani n'eva kamattha na davattha na ratattha,||
pajattha'va brahmanassa brahmani hoti.|| ||

So mithunam uppadetva kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano||
vivicc'eva kamehi||
vivicca akusalehi dhammehi||
savitakkam savicaram||
vivekajam piti-sukham||
pathamam jhanam upasampajja viharati,|| ||

Vitakka-vicaranam vupasama||
ajjhattam sampasadanam||
cetaso ekodibhavam||
avitakkam avicaram||
samadhijam piti-sukham||
dutiyam jhanam upasampajja viharati,|| ||

Pitiya ca viraga||
upekkhako ca viharati||
sato ca sampajano||
sukham ca kayena patisamvedeti||
yam tam ariya acikkhanti||
'upekkhako satima sukhavihari' ti||
tatiyam jhanam upasampajja viharati,|| ||

Sukhassa ca pahana||
dukkhassa ca pahana||
pubbe'va somanassa-domanassanam atthangama||
adukkha-m-asukham upekkha-sati-parisuddhim||
catuttham jhanam upasampajja viharati.|| ||

So ime cattaro jhane bhavetva kayassa [227] bheda param marana sugatim saggam lokam upapajjati.|| ||

Evam kho Dona brahmano devasamo hoti.|| ||

 

 

5. Kathan ca Dona, brahmano mariyado hoti?|| ||

Idha Dona brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

So atthacattalisa-vassani komara-brahmacariyam carati mante adhiyamano,||
atthacattalisa-vassani komara-brahmacariyam caritva mante adhiyitva acariyassa acariyadhanam pariyesati dhammen'eva,||
no adhammena.|| ||

Tattha ca Dona ko dhammo?|| ||

N'eva kasiya,||
na vanijjaya,||
na gorakkhena,||
na issatthena||
na rajaporisena||
na sippannnatarena,||
kevalam bhikkhacariyaya kapalam anatimannamano.|| ||

So acariyassa acariyadhanam niyadetva daram pariyesati dhammen'eva no adhammena.|| ||

Tattha ca Dona ko dhammo?|| ||

N'eva kayena,||
na vikkayena,||
brahmanim yeva udakupassattham.|| ||

So brahmanim yeva gacchati||
na khattiyim,||
na vessim,||
na suddim,||
na candalim,||
na nesadim,||
na venim,||
na rathakarim,||
nna pukkusim gacchati,||
na gabbhinim gacchati,||
na payamanam gacchati,||
na anutunim gacchati.|| ||

Kasma ca Dona brahmano na gabbhinim gacchati?|| ||

Sace Dona brahmano gabhinim gacchati,||
atimilhajo nama so hoti manavako va manavika va,||
tasma Dona brahmano na gabbhinim gacchati.|| ||

Kasma ca Dona brahmano na payamanam gacchati?|| ||

Sace Dona brahmano payamanam gacchati,||
asuci-patipito nama so hoti manavako va manavika va,||
tasma Dona brahmano na payamanam gacchati.|| ||

Kasma ca Dona brahmano na anutunim gacchati?|| ||

Sace Dona brahmano anutunim gacchati,||
tassa sa hoti brahmani n'eva kamattha na davattha na ratattha,||
pajattha'va brahmanassa brahmani hoti.|| ||

So mithunam uppadetva tam eva puttassadam nikamayamano kutumbam ajjhavasati,||
na agarasma anagariyam pabbajati.|| ||

Yava porananam brahmananam mariyada,||
tattha titthati,||
tam na vitikkamati.|| ||

'Yava porananam brahmananam mariyado tattha brahmano thito tam na vitikkamati' ti kho Dona,||
tasma 'brahmano mariyado' ti vuccati.|| ||

Evam kho Dona brahmano mariyado hoti.|| ||

 

 

6. Kathan ca Dona, brahmano sambhinnamariyado hoti?|| ||

[228] Idha Dona brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

So atthacattalisa-vassani komara-brahmacariyam carati mante adhiyamano,||
atthacattalisa-vassani komara-brahmacariyam caritva mante adhiyitva acariyassa acariyadhanam pariyesati,||
dhammen'eva no adhammena.|| ||

Tattha ca Dona ko dhammo?|| ||

N'eva kasiya,||
na vanijjaya,||
na gorakkhena,||
na issatthena||
na rajaporisena||
na sippannnatarena,||
kevalam bhikkhacariyaya kapalam anatimannamano.|| ||

So acariyassa acariyadhanam niyadetva daram pariyesati||
dhammena pi||
adhammena pi||
kayena pi||
vikkayena pi||
brahmanim pi udakupassattham.|| ||

So brahmanim pi gacchati,||
khattiyim pi gacchati,||
vessim pi gacchati,||
suddim pi gacchati,||
candalim pi gacchati,||
nesadim pi gacchati,||
venim pi gacchati,||
rathakarim pi gacchati,||
pukkusim pi gacchati,||
gabhinim pi gacchati,||
payamanam pi gacchati,||
utunim pi gacchati,||
anutunim pi gacchati.|| ||

Tassa sa hoti brahmani kamattha pi davattha pi ratattha pi,||
pajattha pi brahmanassa brahmani hoti.|| ||

Yava porananam brahmananam mariyada,||
tattha na titthati,||
tam vitikkamati.|| ||

'Yava porananam brahmananam mariyada,||
tattha brahmano na thito tam vitikkamati' ti kho Dona,||
tasma "brahmano sambhinnamariyado" ti vuccati.|| ||

Evam kho Dona brahmano sambhinnamariyado hoti.|| ||

 

 

7. Kathan ca Dona, brahmano brahmana-candalo hoti?|| ||

Idha Dona brahmano ubhato sujato matito ca pitito ca,||
samsuddhagahaniko yava sattama pitamahayuga,||
akkhitto anupakkuttho jativadena.|| ||

So atthacattalisa vas- [229] sani komaram brahmacariyam carati mante adhiyamano,||
atthacattalisa-vassani komaram brahmacariyam caritva mante adhiyitva acariyassa acariyadhanam pariyesati||
dhammena pi||
adhammena pi||
kasiya pi||
vanijjaya pi||
gorakkhena pi||
issatthena pi||
rajaporisena pi||
sippannatarena pi||
kevalam pi||
bhikkhacariyaya kapalam anatimannamano.|| ||

So acariyassa acariyadhanam niyadetva daram pariyesati||
dhammena pi||
adhammena pi||
kayena pi||
vikkayena pi||
udakupassattham.|| ||

So brahmanim pi gacchati,||
khattiyim pi gacchati,||
vessim pi gacchati,||
suddim pi gacchati,||
candalim pi gacchati,||
nesadim pi gacchati,||
venim pi gacchati||
rathakarim pi gacchati,||
pukkusim pi gacchati,||
gabhinim pi gacchati,||
payamanam pi gacchati,||
utunim pi gacchati,||
anutunim pi gacchati.|| ||

Tassa sa hoti brahmani||
kamattha pi,||
davattha pi,||
ratattha pi,||
pajattha pi,||
brahmanassa brahmani hoti.|| ||

So sabbakammehi jivikam kappeti.|| ||

Tam enam brahmana evam ahamsu:|| ||

'Kasma bhavam brahmano patijanamano sabbakammehi jivikam kappeti' ti?|| ||

So evam aha:|| ||

'Seyyatha pi bho aggi sucim pi dahati,||
asucim pi dahati||
na ca tena aggi upalippati,||
evam eva kho bho sabbakammehi ce pi brahmano jivikam kappeti,||
na ca tena brahmano upalippa' ti.|| ||

'Sabbakammehi jivikam kappeti' ti kho Dona,||
tasma brahmano 'brahmana-candalo' ti vuccati.|| ||

Evam kho Dona brahmano brahmana-candalo hoti.|| ||

 

 

8. Ye kho Dona brahmananam pubbaka isayo||
mantanam kattaro mantanam pavattaro,||
yesan c'idam etarahi brahmana poranam mantapadam gitam pavuttam samihitam tad anugayanti,||
tad anubhasanti,||
bhasitam anubhasanti,||
sajjhayitam anusajjhayanti,||
vacitam anuvacenti,||
seyyathidam:||
Attako,||
Vamako,||
Vamadevo,||
Vessamitto,||
Yamadaggi,||
Angiraso,||
[230] Bharadvajo,||
Vasettho,||
Kassapo,||
Bhagu||
tyassu me panca brahmane pannapenti:||
brahmasamam,||
devasamam,||
mariyadam,||
sambhinnamariyadam,||
brahmana candalam yeva pancamam.|| ||

Tesam tvam Dona katamo" ti?|| ||

"Evam sante mayam bho Gotama brahmana-candalam pi na purema.|| ||

Abhikkantam bho Gotama||
abhikkantam bho Gotama,||
seyyatha pi bho Gotama nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
tela pajjotam va dhareyya,||
'cakkhumanto rupani dakkhinti' ti.|| ||

Evam evam bhota Gotamena aneka-pariyayena dhammo pakasito.|| ||

Esaham bhavantam Gotamam saranam gacchami dhammanca bhikkhu-sanghan ca:||
upasakam mam bhavam Gotamo dharetu ajjatagge panupetam saranam gatanti.|| ||


Contact:
E-mail
Copyright Statement