Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka-Nipata
XX. Brahmana Vaggo

Sutta 194

Karanapali Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[236]

[1][pts]Evam me sutam:|| ||

Ekam samayam Bhagava Vesaliyam viharati Mahavane Kutagarasalayam.|| ||

Tena kho pana samayena Karanapali brahmano Licchavinam kammantam kareti.|| ||

Addasa kho Karanapali brahmano Pingiyanim brahmanam durato [237] va agacchantam,||
disva Pingiyanim brahmanam etad avoca:|| ||

"Handa kuto nu bhavam Pingiyani agacchati divadivassa" ti.|| ||

"Ito'ham bho agacchami,||
samanassa Gotamassa santika" ti.|| ||

"Tam kim mannati bhavam Pingiyani samanassa Gotamassa pannaveyyattiyam,||
pandito manne" ti?|| ||

"Ko caham bho,||
ko ca samanassa Gotamassa pannaveyyattiyam janissami?|| ||

So pi nun'assa tadiso'va,||
yo samanassa Gotamassa pannaveyyattiyam janeyya" ti.|| ||

"Ularaya khalu bhavam Pingiyani samanam Gotamam pasamsaya pasamsati" ti.|| ||

"Ko caham bho,||
ko ca samanam Gotamam pasamsissami?|| ||

Pasattha-pasattho'va so bhavam Gotamo settho deva-manussanan" ti.|| ||

"Kim pana bhavam Pingiyani atthavasam sampassamano samane Gotame evam abhippasanno" ti?|| ||

"Seyyatha pi bho puriso aggarasaparititto na annesam hinanam rasanam piheti,||
evam eva kho bho,||
yato yato tassa bhoto Gotamassa dhammam sunati,||
yadi suttaso,||
yadi geyyaso,||
yadi veyyakaranaso,||
yadi abbhutadhammaso,||
tato tato na annesam puthusamana-brahmana-ppavadanam piheti.|| ||

Seyyatha pi bho puriso jighacchadubbalyapareto madhupindikam adhigaccheyya,||
so yato yato sayetha,||
labhat'eva sadhu rasam asecanakam,||
evam eva kho bho,||
yato yato tassa bhoto Gotamassa dhammam sunati,||
yadi suttaso,||
yadi geyyaso,||
yadi veyyakaranaso,||
yadi abbhutadhammaso,||
tato tato labhat'eva attamanatam,||
labhati cetaso pasadam.|| ||

Seyyatha pi bho puriso candanaghatikam adhigaccheyya haricandanassa va lohitacandanassa va,||
so yato yato ghayetha,||
yadi mulato.||
yadi majjhato,||
yadi aggato,||
adhigac [238] chateva surabhigandham asecanakam,||
evam eva kho bho,||
yato yato tassa bhoto Gotamassa dhammam sunati,||
yadi suttaso,||
yadi geyyaso,||
yadi veyyakaranaso,||
yadi abbhutadhammaso,||
tato tato adhigacchati pamojjam,||
adhigacchati somanassam.|| ||

Seyyatha pi bho puriso abadhiko dukkhito balhagilano,||
tassa kusalo bhisakko thanaso abadham nihareyya,||
evam eva kho bho,||
yato yato tassa bhoto Gotamassa dhammam sunati,||
yadi suttaso,||
yadi geyyaso,||
yadi veyyakaranaso,||
yadi abbhutadhammaso,||
tato tato soka-parideva-dukkha-domanass'upayasa abbhattham gacchanti.|| ||

Seyyatha pi bho pokkharani acchodaka||
satodaka||
sitodaka||
setodaka||
supatittha ramaniya,||
atha puriso agaccheyya ghammabhitatto ghammapareto kilanto tasito pipasito,||
so tam pokkharanam ogahetva nahatva ca pitva ca sabba-daratha-kilamatha-parilaham patippassambheyya,||
evam eva kho bho,||
yato yato tassa bhoto Gotamassa dhammam sunati,||
yadi suttaso,||
yadi geyyaso,||
yadi veyyakaranaso,||
yadi abbhutadhammaso,||
tato tato sabba-daratha-kilamatha-parilaha patippassambhanti" ti.|| ||

2. Evam vutte Karanapali brahmano utthay asana ekamsam uttarasangam karitva dakkhinajanumandalam pathaviyam nihantva yena Bhagava ten'anjalim panametva tikkhattum udanam udanesi:|| ||

"Namo tassa Bhagavato arahato sammasambuddhassa.|| ||

Namo tassa Bhagavato arahato sammasambuddhassa.|| ||

Namo tassa Bhagavato arahato sammasambuddhassa.|| ||

Abhikkantam bho Pingiyani, abhikkantam bho Pingiyani.|| ||

Seyyatha pi bho Pingiyani,||
nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
[239] andhakare va telapajjotam dhareyya||
'cakkhumanto rupani dakkhinti' ti,||
evam evam bhota Pingiyanina aneka-pariyayena dhammo pakasito.|| ||

Esaham bho Pingiyani tam bhavantam Gotamam saranam gacchami,||
dhammam ca||
bhikkhusamghan ca.|| ||

Upasakam mam bhavam Pingiyani dharetu ajja-t-agge panupetam saranam gatan" ti.|| ||


Contact:
E-mail
Copyright Statement