Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka-Nipata
XX. Brahmana Vaggo

Sutta 196

Mahasupina Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Tathagatassa bhikkhave,||
arahato sammasambuddhassa pubb'eva sambodha anabhisambuddhassa bodhisattass'eva sato panca mahasupina patu-r-ahesum.|| ||

Katame panca?|| ||

2. Tathagatassa bhikkhave,||
arahato sammasambuddhassa pubb'eva sambodha anahisambuddhassa bodhisattass'eva sato||
ayam mahapathavi mahasayanam ahosi,||
Himava pabbataraja bimbohanam ahosi,||
puratthime samudde vamo hattho ohito ahosi,||
pacchime samudde dakkhino hattho ohito ahosi,||
dakkhine samudde ubho pada ohita ahesum.|| ||

Tathagatassa bhikkhave arahato sammasambuddhassa pubb'eva sambodha anabhisambuddhassa bodhisattass'eva sato ayam pathamo mahasupino patu-r-ahosi.|| ||

 

 

3. Puna ca param bhikkhave Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
tiriya nama tinajati nabhiya uggantva nabham ahacca thita ahosi.|| ||

Tathagatassa [241] bhikkhave,||
arahato sammasambuddhassa pubb'eva sambodha anabhisambuddhassa bodhisattass'eva sato ayam dutiyo mahasupino patu-r-ahosi.|| ||

 

 

4. Puna ca param bhikkhave Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
seta kimi kanhasisa padehi ussakkitva yava janumandalam paticchadesum.|| ||

Tathagatassa bhikkhave,||
arahato sammasambuddhassa pubb'eva sambodha anabhisambuddhassa bodhisattass'eva sato ayam tatiyo mahasupino patu-r-ahosi.|| ||

 

 

5. Puna ca param bhikkhave Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
cattaro sakuna nanavanna catuhi disahi agantva padamule nipatitva sabbaseta sampajjimsu.|| ||

Tathagatassa bhikkhave,||
arahato sammasambuddhassa pubb'eva sambodha anabhisambuddhassa bodhisattass'eva sato ayam catuttho mahasupino patu-r-ahosi.|| ||

 

 

6. Puna ca param bhikkhave Tathagatassa araham sammasambuddhassa pubb'eva sambodha anabhisambuddho bodhisatto'va||
samano mahato milhapabbatassa uparupari cankamati alippamano milhena.|| ||

Tathagatassa bhikkhave,||
arahato sammasambuddhassa pubb'eva sambodha anabhisambuddhassa bodhisattass'eva sato ayam pancamo mahasupino patu-r-ahosi.|| ||

 


 

7. Yam pi bhikkhave,||
Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
ayam mahapathavi mahasayanam ahosi,||
Himava pabbataraja bimbohanam ahosi,||
puratthime samudde vamo hattho ohito ahosi,||
pacchime samudde dakkhino hattho ohito ahosi,||
dakkhine samudde ubho pada ohita ahesum,||
Tathagatena bhikkhave,||
arahata sammasambuddhena anuttara sammasambodhi abhisambuddha.|| ||

Tassa abhisambodhaya ayam pathamo mahasupino patu-r-ahosi.|| ||

 

 

[242] 8. Yam pi bhikkhave,||
Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
tiriya nama tina jati nabhiya uggantva nabham ahacca thita ahosi,||
tathagatena bhikkhave,||
arahata samma-sambuddhena ariyo atthangiko maggo abhisambujjhitva yava deva-manussehi suppakasito.|| ||

Tassa abhisambodhaya ayam dutiyo mahasupino patu-r-ahosi.|| ||

 

 

9. Yam pi bhikkhave,||
Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
seta kimi kanhasisa padehi ussakkitva yava janumandala paticchadesum,||
bahu bhikkhave,||
gihi odatavasana Tathagatam panupetam saranam gata.|| ||

Tassa abhisambodhaya ayam tatiyo mahasupino patu-r-ahosi.|| ||

 

 

10. Yam pi bhikkhave,||
Tathagatassa arahato sammasambuddhassa pubb'eva sambodha anabhisambuddhassa bodhisattass'eva sato||
cattaro sakuna nanavanna catuhi disahi agantva padamule nipatitva sabbaseta sampajjimsu,||
cattaro'me bhikkhave, vanna:||
khattiya,||
brahmana,||
vessa,||
sudda,||
te Tathagatappavedite dhamma-vinaye agarasma anagariyam pabbajitva anuttaram vimuttim sacchikaronti.|| ||

Tassa abhisambodhaya ayam catuttho mahasupino patu-r-ahosi.|| ||

 

 

11. Yam pi bhikkhave,||
Tathagato araham sammasambuddho pubb'eva sambodha anabhisambuddho bodhisatto'va samano mahato milhapabbatassa uparupari cankmati alippamano milhena,||
labhi bhikkhave, Tathagato||
civara-pindapata-senasana-gilana-paccaya-bhesajja-parikkharanam,||
tattha ca Tathagato agadhito amucchito anajjhopanno adinavadassavi nissaranapanno paribhunjati.|| ||

Tassa abhisambodhaya ayam pancamo maha supino patu-r-ahosi.|| ||

Tathagatassa bhikkhave arahato sammasambuddhassa pubb'eva sambodha anahisambuddhassa bodhisattass'eva sato ime panca maha supina paturahesun" ti.|| ||


Contact:
E-mail
Copyright Statement