Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata Kimbila Vagga

Sutta 206

U-N-A-B-R-I-D-G-E-D

Vinibandha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][bd] EVAM ME SUTAM.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

'Bhikkhavo' ti.|| ||

'Bhadante' ti te bhikkhu Bhagavato paccassosum.|| ||

Bhagava etad avoca:|| ||

Panc'ime bhikkhave, cetaso vinibandha.|| ||

Katame panca?|| ||

Idha, bhikkhave, bhikkhu kamesu avitarago hoti,||
avigatacchando avigatapemo avigatapipaso avigataparilaho avigatatanho.|| ||

Yo so bhikkhave, bhikkhu kamesu avigatarago hoti||
avigatacchando avigatapemo avigatapipaso avigataparilaho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam pathamo cetaso vinibandho.|| ||

 


 

Puna ca param bhikkhave, bhikkhu kaye avigatarago hoti,||
avigatacchando avigatapemo avigatapipaso avigataparilaho avigatatanho.|| ||

Yo so bhikkhave, bhikkhu kayesu avigatarago hoti,||
avigatacchando avigatapemo avigatapipaso avigataparilaho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam dutiyo cetaso vinibandho.|| ||

 


 

Puna ca param bhikkhave, bhikkhu rupe avigatarago hoti,||
avigatacchando avigatapemo avigatapipaso avigataparilaho avigatatanho.|| ||

Yo so bhikkhave, bhikkhu rupesu avigatarago hoti,||
avigatacchando avigatapemo avigatapipaso avigataparilaho avigatatanho,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam tatiyo cetaso vinibandho.|| ||

 


 

Puna ca param bhikkhave bhikkhu yavadattham udaravadehakam bhunjitva seyyasukham passasukham middhasukham anuyutto viharati.|| ||

Yo so bhikkhave, bhikkhu yavadattham udaravadehakam bhunjitva seyyasukham passasukham middhasukham anuyutto viharati||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam catuttho cetaso vinibandho.|| ||

 


 

Annataram devanikayam [250] panidhaya brahmacariyam carati:|| ||

'Iminaham silena va vatena va tapena va brahmacariyena va devo va bhavissami devannataro va' ti|| ||

Yo so bhikkhave, bhikkhu annataram devanikayam panidhaya brahmacariyam carati,|| ||

'Iminaham silena va vatena va tapena va brahmacariyena va devo va bhavissami devannataro va' ti,||
tassa cittam na namati atappaya anuyogaya sataccaya padhanaya.|| ||

Yassa cittam na namati atappaya anuyogaya sataccaya padhanaya,||
ayam pancamo cetaso vinibandho.|| ||

Ime kho bhikkhave, panca cetaso vinibandhati.|| ||


Contact:
E-mail
Copyright Statement