Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
XXII. Akkosaka-Vagga

Sutta 213

Sila Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Panc'ime bhikkhave adinava dussilassa silavipattiya.|| ||

Katame panca?|| ||

2. Idha, bhikkhave,||
dussilo silavipanno pamadadhikaranam mahatim bhogajanim nigacchati.|| ||

Ayam bhikkhave pathamo adinavo dussilassa silavipattiya.|| ||

3. Puna ca param bhikkhave dussilassa silavipannassa papako kittisaddo abbhuggacchati.|| ||

Ayam bhikkhave dutiyo adinavo dussilassa silavipattiya.|| ||

[253] 4. Puna ca param bhikkhave dussilo silavipanno yannnad eva parisam upasankamati:||
yadi khattiya-parisam||
yadi brahmana-parisam||
yadi gahapati-parisam||
yadi samana-parisam,||
avisarado upasankamati||
mankubhuto.|| ||

Ayam bhikkhave tatiyo adinavo dussilassa silavipattiya.|| ||

5. Puna ca param bhikkhave dussilo silavipanno sammulho kalam karoti.|| ||

Ayam bhikkhave catuttho adinavo dussilassa sila vipattiya.|| ||

6. Puna ca param bhikkhave dussilo silavipanno kayassa bheda param marana apayam duggatim vinipatam nirayam uppajjati.|| ||

Ayam bhikkhave pancamo adinavo dussilassa silavipattiya.|| ||

Ime kho bhikkhave panca adinava dussilassa silavippattiya.|| ||

 


 

7. Panc'ime bhikkhave anisamsa silavato silasampadaya.|| ||

Katame panca?|| ||

8. Idha, bhikkhave,||
silava silasampanno appamadadhikaranam mahantam bhogkkhandham adhigacchati.|| ||

Ayam bhikkhave pathamo anisamso silavato silasampadaya.|| ||

9. Puna ca param bhikkhave silavato silasampannassa kalyano kittisaddo abbhuggacchati.|| ||

Ayam bhikkhave dutiyo anisamso silavato silasampadaya.|| ||

10. Puna ca param bhikkhave silava silasampanno yannadeva parisam upasankamiti||
yadi khattiya-parisam||
yadi brahmana-parisam||
yadi gahapati-parisam||
yadi samana-parisam,||
visarado upasankamati,||
amankubhuto|| ||

Ayam bhikkhave tatiyo anisamso silavato silasampadaya.|| ||

11. Puna ca param bhikkhave silava silasampanno asammulho kalam karoti.|| ||

Ayam bhikkhave catuttho anisamso silavato silasampadaya.|| ||

12. Puna ca param bhikkhave silava silasampanno kayassa bheda param marana sugatim saggam lokam uppajjati.|| ||

Ayam bhikkhave pancamo anisamso silavato silasampadaya.|| ||

[254] Ime kho bhikkhave panca anisamsa silavato silasampadaya" ti.|| ||


Contact:
E-mail
Copyright Statement