Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata
23. Dighacarika Vagga

Sutta 228

Ussurabhatta Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evam me sutam.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.

Bhagava etad avoca:|| ||

"Panc'ime bhikkhave adinava ussurabhatte kule.|| ||

Katame panca?|| ||

Ye te atithi pahuna,||
te na kalena patipujenti;|| ||

ya ta balipatiggahika devata,||
ta na kalena patipujenti;|| ||

ye te samana-brahmana ekabhattika||
rattuparata virata||
vikala-bhojana,||
te na kalena patipujenti;|| ||

dasakammakaraporisa vimukha kammam karonti;|| ||

tavatakam yeva asamayena bhuttam anojavantam hoti.|| ||

Ime kho bhikkhave panca adinava ussurabhatte kule.|| ||

Panc'ime bhikkhave anisamsa samayabhatte kule.|| ||

Katame panca?|| ||

Ye te atthi pahuna,||
te kalena patipujenti;|| ||

ya ta balipatiggahika devata,||
ta kalena patipujenti;|| ||

ye te samana-brahmana ekabhattika||
rattuparata virata||
vikala-bhojana,||
te kalena patipujenti;|| ||

dasakammakaraporisa avimukha kammam karonti;|| ||

tavatakam ye va samayena bhuttam ojavantam hoti.|| ||

Ime kho bhikkhave panca anisamsa samayabhatte kule" ti.|| ||


Contact:
E-mail
Copyright Statement