Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata
25. Duccarita Vagga

Sutta 249

Sivathika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evam me sutam.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.

Bhagava etad avoca:|| ||

"Panc'ime bhikkhave adinava sivathikaya.|| ||

Katame panca?|| ||

Asuci,||
duggandha,||
sappatibhaya,||
valanam amanussanam avaso,||
bahuno janassa arodana.|| ||

Ime kho bhikkhave panca adinava sivathikaya.|| ||

 

 

Evam eva kho bhikkhave pancime adinava sivathikupame puggale.|| ||

Katame panca?|| ||

[269] Idha, bhikkhave, ekacco puggalo||
asucina kayakammena samannagato hoti,||
asucina vacikammena samannagato hoti,||
asucina manokammena samannagato, hoti,||
idam assa asucitaya vadami.|| ||

Seyyatha pi sa bhikkhave, sivathika asuci,||
tathupamaham bhikkhave imam puggalam vadami.|| ||

 

 

Tassa asucina kayakammena samannagatassa||
asucina vacikammena samannagatassa||
asucina manokammena samannagatassa||
papako kittisaddo abbhuggacchati,||
idam assa duggandhataya vadami.|| ||

Seyyatha pi sa bhikkhave sivathika duggandha,||
tathupamaham bhikkhave imam puggalam vadami.|| ||

 

 

Tam enam asucina kayakammena samannagatam||
asucina vacikammena samannagatam||
asucina manokammena samannagatam||
pesala sabrahmacari araka parivajjenti||
idam assa sappatibhayasmim vadami.|| ||

Seyyatha pi sa bhikkhave sivathika sappatibhaya,||
tathupamaham bhikkhave imam puggalam vadami.|| ||

 

 

So asucina kayakammena samannagato||
asucina vacikammena samannagato||
asucina manokammena samannagato||
sabhagehi puggalehi saddhim samvasati||
idam assa valavasasmim vadami.|| ||

Seyyatha pi sa bhikkhave sivathika valanam amanussanam avaso,||
tathupamaham bhikkhave imam puggalam vadami.|| ||

 

 

Tam enam asucina kayakammena samannagatam||
asucina vacikammena samannagatam||
asucina manokammena samannagatam||
pesala sabrahmacari disva khiyanadhammam apajjanti:|| ||

'Aho vata no dukkham ye mayam evarupehi puggalehi saddhim samvasama' ti,|| ||

idam assa arodanaya vadami.|| ||

Seyyatha pi sa bhikkhave sivathika bahuno janassa arodana,||
tathupamaham bhikkhave imam puggalam vadami.|| ||

Ime kho bhikkhave panca adinava sivathikupame puggale' ti.|| ||


Contact:
E-mail
Copyright Statement