Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakka-Nipata
I. Ahuneyya-Vagga

Sutta 1

Pathama Huneyya Suttam

Namo tassa Bhagavato arahato sammasambuddhassa.

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Chahi bhikkhave dhammehi samannagato bhikkhu ahuneyyo hoti||
pahuneyyo||
dakkhineyyo||
anjalikaraniyo||
anuttaram punnakkhettam lokassa.|| ||

Katamehi chahi?|| ||

3. Idha, bhikkhave, bhikkhu cakkhuna rupam disva n'eva sumano hoti na dummano,||
upekkhako viharati sato sampajano.|| ||

Sotena saddam sutva n'eva sumano hoti na dummano,||
upekkhako viharati sato sampajano.|| ||

Ghanena gandham ghayitva n'eva sumano hoti na dummano,||
upekkhako viharati sato sampajano.|| ||

Jivhaya rasam sayitva n'eva sumano hoti na dummano,||
upekkhako viharati sato sampajano.|| ||

Kayena photthabbam phusitva n'eva sumano hoti na dummano,||
upekkhako viharati sato sampajano.|| ||

Manasa dhammam vinnaya n'eva sumano hoti na dummano,||
upekkhako viharati sato sampajano.|| ||

Imehi kho bhikkhave chahi dhammehi samannagato bhikkhu ahuneyyo hoti||
pahuneyyo||
dakkhineyyo||
anjalikaraniyo||
anuttaram punnakkhettam lokassa" ti.|| ||

Idam avoca Bhagava.|| ||

Attamana te bhikkhu Bhagavato bhasitam abhinandun ti.|| ||

 


Contact:
E-mail
Copyright Statement