Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakka-Nipata
II: Saraniya-Vagga

Sutta 11

Pathama Saraniya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cha yime bhikkhave dhamma saraniya.|| ||

Katame cha?|| ||

2. Idha, bhikkhave, bhikkhuno mettam kayakammam paccupatthitam hoti sabrahmacarisu avi c'eva raho ca:|| ||

Ayam pi dhammo saraniyo.|| ||

3. Puna ca param bhikkhave bhikkhuno mettam vacikammam paccupatthitam hoti sabrahmacarisu avi c'eva raho ca:|| ||

Ayam pi dhammo saraniyo.|| ||

4. Puna ca param bhikkhave bhikkhuno mettam manokammam paccupatthitam hoti sabrahmacarisu avi c'eva raho ca:|| ||

Ayam pi dhammo saraniyo.|| ||

[289] 5. Puna ca param bhikkhave bhikkhu ye te labha dhammika dhammaladdha antamaso pattapariyapannamattam pi,||
tatharupehi labhehi appativibhattabhogi hoti,||
silavantehi sabrahmacarihi sadharanabhogi.|| ||

Ayam pi dhammo saraniyo.|| ||

6. Puna ca param bhikkhave bhikkhu yani tani silani akhandani acchiddani asabalani akammasani bhujissani vinnuppasatthani aparamatthani samadhisamvattanikani,||
tatharupehi silehi silasamannagato viharati sabrahmacarihi avi c'eva raho ca:|| ||

Ayam pi dhammo saraniyo|| ||

7. Puna ca param bhikkhave bhikkhu yayam ditthi ariya niyyanika niyati takkarassa sammadukkhakkhayaya,||
tatharupaya ditthiya ditthisamannagato viharati sabrahmacarisu avi c'eva raho ca:|| ||

Ayam pi dhammo saraniyo.|| ||

Ime kho bhikkhave cha dhamma saraniyati.|| ||

 


Contact:
E-mail
Copyright Statement