Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakka-Nipata
III: Anuttariya-Vagga

Sutta 21

Samagamaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[309]

[1][pts]Evam me sutam:|| ||

Ekam samayam Bhagava Sakkesu viharati Samagamake pokkharaniyayam.|| ||

Atha kho annatara devata abhikkantaya rattiya abhikkantavanna kevalakappam pokkharaniyam obhasetva yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thita kho sa devata Bhagavantam etad avoca:|| ||

"Tayo'me bhante dhamma bhikkhuno parihanaya samvattanti.|| ||

Katame tayo?|| ||

Kammaramata,||
bhassaramata,||
niddaramata.|| ||

Ime kho bhante tayo dhamma bhikkhuno parihanaya samvattanti" ti.|| ||

Idam avoca sa devata.|| ||

Samanunno Sattha ahosi.|| ||

Atha kho sa devata 'samanunno me Sattha' ti.|| ||

Bhagavantam abhivadetva padakkhinam katva tatth'ev'antaradhayi.|| ||

 


 

2. Atha kho Bhagava tassa rattiya accayena bhikkhu amantesi.|| ||

"Imam bhikkhave rattim annatara devata abhikkantaya rattiya abhikkantavanna kevalakappam pokkharaniyam obhasetva yenaham ten'upasankami.|| ||

Upasankamitva mam abhivadetva eka-m-antam atthasi.|| ||

Eka-m-antam thita kho bhikkhave sa devata mam etad avoca:|| ||

'Tayo'me bhante dhamma bhikkhuno parihanaya samvattanti.|| ||

Katame tayo?|| ||

Kammaramata,||
bhassaramata,||
niddaramata.|| ||

Ime kho bhante tayo dhamma bhikkhuno parihanaya samvattanti' ti.|| ||

Idam avoca bhikkhave sa devata.|| ||

Idam vatva mam abhivadetva padakkhinam katva tatth'ev'antaradhayi.|| ||

Tesam vo bhikkhave alabha tesam dulladdham,||
ye vo devata pi jananti kusalehi dhammehi parihanaya samvattamane.|| ||

Apare pi bhikkhave tayo parihaniye dhamme desissami,||
tam sunatha sadhukam manasikarotha,||
bhasissami" ti.|| ||

Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

[310] 3. "Katame ca bhikkhave tayo parihaniya dhamma?|| ||

Samganikaramata,||
dovacassata,||
papamittata.|| ||

Ime kho bhikkhave tayo parihaniya dhamma.|| ||

4. Ye hi keci, bhikkhave, atitam addhanam parihayimsu kusalehi dhammehi,||
sabbe te ime h'eva chahi dhammehi parihayimsu kusalehi dhammehi.|| ||

Ye hi keci bhikkhave anagatam addhanam parihayissanti kusalehi dhammehi.|| ||

Sabbe te ime h'eva chahi dhammehi parihayissanti kusalehi dhammehi.|| ||

Ye hi keci bhikkhave etarahi parihayanti kusalehi dhammehi,||
sabbe te ime h'eva chahi dhammehi parihayanti kusalehi dhammehi" ti.|| ||

 


Contact:
E-mail
Copyright Statement