Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakka-Nipata
III: Anuttariya-Vagga

Sutta 26

Maha Kaccana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam ayasma Maha Kaccano Savatthiyam viharati.|| ||

Tatra kho ayasma Maha Kaccano bhikkhu amantesi:|| ||

"Avuso bhikkhavo" ti.|| ||

"Avuso" ti te bhikkhu Bhagavato paccassosum.|| ||

Ayasma Maha Kaccano etad avoca:|| ||

2. "Acchariyam avuso||
abbhutam avuso||
yavan c'idam tena Bhagavata janata passata arahata samma-sambuddhena sambadhe okasadhigamo anubuddho sattanam visuddhiya sokapariddavanam samatikkamaya dukkhadomanassanam atthangamaya nayassa adhigamaya,||
Nibbanassa sacchikiriyaya,||
yad idam cha anussatitthanani.|| ||

Katamani cha?|| ||

3. Idh'avuso ariyasavako Tathagatam anussarati:|| ||

'Iti pi so Bhagava araham sammasambuddho vijjacarana-sampanno sugato lokavidu anuttaro purisadammasarathi Sattha deva-manussanam buddho Bhagava' ti.|| ||

Yasmim avuso samaye ariyasavako Tathagatam anussarati,||
nev'assa tasmim samaye ragapariyutthitam cittam hoti,||
na dosapariyutthitam cittam hoti,||
na [315] mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho avuso pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso arammanam karitva evam idh'ekacce satta visuddhi-dhamma bhavanti.|| ||

4. Puna ca param bhikkhave ariyasavako dhammam anussarati:|| ||

'Svakkhato Bhagavata dhammo sanditthiko akaliko ehipassiko opanayiko paccattam veditabbo vinnuhi' ti.|| ||

Yasmim bhikkhave samaye ariyasavako Dhammo anussarati,||
nev'assa tasmim samaye ragapariyutthitam cittam hoti,||
na dosapariyutthitam cittam hoti,||
na mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho bhikkhave pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso arammanam karitva evam idh'ekacce satta visuddhi-dhamma bhavanti.|| ||

Puna ca param bhikkhave ariyasavako sangham anussarati:|| ||

'Supatipanno Bhagavato savakasangho ujupatipanno Bhagavato savakasangho, nayapatipanno Bhagavato savakasangho,||
samicipatipanno Bhagavato savakasangho,||
yad idam cattari purisayugani attha purisapuggala,||
esa Bhagavato savakasangho ahuneyyo,||
pahuneyyo,||
dakkhineyyo||
anjalikaraniyo,||
anuttaram punnakkhettam lokassa' ti.|| ||

Yasmim bhikkhave samaye ariyasavako sangham anussarati,||
nev'assa tasmim samaye ragapariyutthitam cittam hoti,||
na dosapariyutthitam cittam hoti,||
na mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho bhikkhave pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso [316] arammanam karitva evam idh'ekacce satta visuddhi-dhamma bhavanti.|| ||

5. Puna ca param bhikkhave ariyasavako attano silani anussarati:|| ||

Akhandani acchiddani asabalani akammasani bhujissani vinnuppasatthani aparamatthani samadhisamvattanikani.|| ||

Yasmim bhikkhave samaye ariyasavako silam anussarati,||
nev'assa tasmim samaye ragapariyutthitam cittam hoti,||
na dosapariyutthitam cittam hoti,||
na mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho bhikkhave pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso arammanam karitva evam idh'ekacce satta visuddhi-dhamma bhavanti.|| ||

6. Puna ca param bhikkhave ariyasavako attano cagam anussarati:|| ||

'Labha vata me,||
suladdham vata me,||
yo'ham maccheramalapariyutthitaya pajaya vigatamalamaccherena cetasa agaram ajjhavasami muttacago payatapani vossaggarato yacayogo danasamvibhagarato' ti.|| ||

Yasmim bhikkhave samaye ariyasavako cagam anussarati,||
nev'assa tasmim samaye ragapariyutthitam cittam hoti,||
na dosapariyutthitam cittam hoti,||
na mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho bhikkhave pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso arammanam karitva evam idh'ekacce satta visuddhi-dhamma bhavanti.|| ||

7. Puna ca param bhikkhave ariyasavako devata anussarati:|| ||

'Santi deva Catummaharajika,||
santi deva Tavatimsa,||
santi deva Yama,||
santi deva Tusita,||
santi deva Nimmanaratino,||
santi deva Paranimmita Vasavattino,||
santi deva [314] Brahmakayika,||
santi deva Taduttarim.|| ||

Yatharupaya saddhaya samannagata ta devata||
ito cuta tattha uppanna,||
mayham pi tatharupa saddha sam- [317] vijjati.|| ||

Yatharupena silena samannagata ta devata||
ito cuta tattha uppanna,||
mayham pi tatharupam silam samvijjati.|| ||

Yatharupena sutena samannagata ta devata||
ito cuta tattha uppanna,||
mayham pi tatharupam sutam samvijjati.|| ||

Yatharupena cagena samannagata ta devata||
ito cuta tattha uppanna,||
mayham pi tatharupo cago samvijjati.|| ||

Yatharupaya pannaya samannagata ta devata||
ito cuta tattha uppanna,||
mayham pi tatharupa panna samvijjati' ti.|| ||

Yasmim bhikkhave samaye ariyasavako attano ca tasam ca devatanam saddhan ca||
silan ca||
sutan ca||
cagan ca||
pannan canev'assa||
tasmim samaye ragapariyutthitam cittam hoti,||
na dosapariyutthitam cittam hoti,||
na mohapariyutthitam cittam hoti,||
ujugatam ev'assa tasmim samaye cittam hoti,||
nikkhantam muttam vutthitam gedhamha,||
gedho ti kho bhikkhave pancann'etam kamagunanam adhivacanam.|| ||

Sa kho so avuso ariyasavako sabbaso akasasamena cetasa viharati,
vipulena mahaggatena appamanena averena avyapajjhena.|| ||

Idam pi kho avuso arammanam karitva evam idh'ekacce satta visuddhi-dhamma bhavanti.|| ||

Acchariyam avuso||
abbhutam avuso||
yavan c'idam tena Bhagavata janata passata arahata samma-sambuddhena sambadhe okasadhigamo anubuddho sattanam visuddhiya sokapariddavanam samatikkamaya dukkhadomanassanam atthangamaya nayassa adhigamaya,||
Nibbanassa sacchikiriyaya,||
yad idam cha anussatitthanani" ti.|| ||

 


Contact:
E-mail
Copyright Statement