Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
IV. Devata Vagga

Sutta 40

Kimbila Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] EVAM ME SUTAM.|| ||

Ekam samayam Bhagava Kimbilayam viharati, Veluvane.|| ||

Atha kho ayasma Kimbilo yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma kimbilo Bhagavantam etad avoca:|| ||

2. 'Ko nu kho bhante hetu, ko paccayo,||
yena Tathagate parinibbute saddhammo na ciratthitiko hoti' ti?|| ||

3. Idha kimbila, Tathagate parinibbute bhikkhu bhikkhuniyo upasaka upasikayo||
Satthari agarava viharanti appatissa,||
Dhamme agarava viharanti appatissa,||
Sanghe agarava viharanti appatissa,||
sikkhaya agarava viharanti appatissa,||
appamade agarava viharanti appatissa,||
patisanthare agarava viharanti appatissa.|| ||

Ayam kho kimbila hetu, ayam paccayo yena Tathagate parinibbute saddhammo na ciratthitiko hoti.|| ||

'Ko pana bhante hetu, ko paccayo, yena Tathagate parinibbute saddhammo ciratthitiko hoti' ti?|| ||

Idha kimbila Tathagate parinibbute bhikkhu bhikkhuniyo upasaka upasikayo||
Satthari sagarava viharanti sappatissa,||
Dhamme sagarava viharanti sappatissa,||
Sanghe sagarava viharanti sappatissa,||
sikkhaya sagarava viharanti sappatissa,||
appamade sagarava viharanti sappatissa,||
patisanthare sagarava viharanti sappatissa.|| ||

Ayam kho kimbila, hetu ayam paccayo, yena Tathagate parinibbute saddhammo ciratthitiko hoti ti.|| ||

 


Contact:
E-mail
Copyright Statement