Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
IV. Devata Vagga

Sutta 41

Darukkhandha suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][ati][bd] EVAM ME SUTAM

Ekam samayam ayasma Sariputto Rajagahe viharati Gijjhakute pabbate. Atha kho ayasma Sariputto pubbanhasamayam nivasetva pattacivaram adaya sambahulehi bhikkhuhi saddhim Gijjhakuta pabbata orohanto addasa annatarasmim padese mahantam darukkhandham, disva bhikkhu amantesi:
Passatha no bumhe avuso amum mahantam darukkhandhan ti?

Evam avuso ti.

[2][pts][ati][bd] Akankhamano avuso bhikkhu iddhima cetovasippatto amum darukkhandham pathavi tv eva adhimucceyya.
Tam kissa hetu?
Atthi avuso amusmim darukkhandhe pathavidhatu, yam nissaya bhikkhu iddhima cetovasippatto amum darukkhandham pathavi tv eva adhimucceyya.

[3][pts][ati][bd] Akankhamano avuso bhikkhu iddhima cetovasippatto amum darukkhandham apo tv eva adhimucceyya.
Tam kissa hetu?
Atthi avuso amusmim darukkhandhe apodhatu, yam nissaya bhikkhu iddhima cetovasippatto amum darukkhandham apo tv eva adhimucceyya.

[4][pts][ati][bd] Akankhamano avuso bhikkhu iddhima cetovasippatto amum darukkhandham tejo tv eva adhimucceyya.
Tam kissa hetu?
Atthi avuso amusmim darukkhandhe tejodhatu, yam nissaya bhikkhu iddhima cetovasippatto amum darukkhandham tejo tv eva adhimucceyya.

[5][pts][ati][bd] Akankhamano avuso bhikkhu iddhima cetovasippatto amum darukkhandham vayo tv eva adhimucceyya.
Tam kissa hetu?
Atthi avuso amusmim darukkhandhe vayodhatu, yam nissaya bhikkhu iddhima cetovasippatto amum darukkhandham vayo tv eva adhimucceyya.

[6][pts][ati][bd] Akankhamano avuso bhikkhu iddhima cetovasippatto amum darukkhandham subhan tv eva adhimucceyya.
Tam kissa hetu?
Atthi avuso amusmim darukkhandhe subhadhatu, yam nissaya bhikkhu iddhima cetovasippatto amum darukkhandham subhan tv eva adhimucceyya ti

[7][pts][ati][bd] Akankhamano avuso bhikkhu iddhima cetovasippatto amum darukkhandham asubhan tv eva adhimucceyya.
Tam kissa hetu?
Atthi avuso amusmim darukkhandhe asubhadhatu, yam nissaya bhikkhu iddhima cetovasippatto amum darukkhandham asubhan tv eva adhimucceyya ti

 


Contact:
E-mail
Copyright Statement