Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
V. Dhammika Vagga

Sutta 43

Naga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evam me sutam.|| ||

Ekam samayam Bhagava Savatthiyam viharati Jetavane anatha pindikassa arame.|| ||

Atha kho Bhagava pubbanhasamayam nivasetva patta civaram adaya Savatthiyam pindaya pavisi.|| ||

Savatthiyam pindaya caritva pacchabhattam pindapata patikkanto ayasmantam Anandam amantesi:|| ||

"Ayam Ananda, yena pubbaramo Migaramatu pa- [345] sado ten'upasankamissama divaviharaya" ti.|| ||

"Evam bhante" ti kho ayasma Anando Bhagavato paccassosi.|| ||

Atha kho Bhagava ayasmata Anandena saddhim yena pubbaramo Migaramatu pasado ten'upasankami.|| ||

Atha kho Bhagava sayanhasamayam patisallana vutthito ayasmantam Anandam amantesi:|| ||

"Ayam Ananda, yena pubbakotthako ten'upasankamissama gattani parisincitum" ti.|| ||

"Evam bhante", ti kho ayasma Anando Bhagavato paccassosi".|| ||

Atha kho Bhagava ayasmata Anandena saddhim yena pubbakotthako ten'upasankami gattani parisincitum.|| ||

Pubbakotthake gattani parisincitva paccuttaritva ekacivaro atthasi gattatani pubbapayamano.|| ||

2. Tena kho pana samayena ranno Pasenadi-Kosalassa "Seto" nama nago mahaturiyatalitavaditena pubbakotthaka paccuttarati.|| ||

Api'ssu tam jano disva evam aha:|| ||

"Abhirupo vata bho ranno nago,||
dassaniyo vata bho ranno nago,||
pasadiko vata bho ranno nago,||
kayupapanno vata bho ranno nago" ti.|| ||

Evam vutte ayasma Udayi Bhagavantam etad avoca:|| ||

"Hatthim eva nu kho bhante mahantam brahantam kayupapannam jano disva evam aha:|| ||

'Nago vata bho nago' ti?|| ||

udahu annam pi kanci mahantam brahantam kayupapannam jano disva evam aha:|| ||

'Nago vata bho nago' ti?"|| ||

Hatthim pi kho Udayi,||
mahantam brahantam kayupapannam jano disva evam aha:|| ||

"Nago vata bho nago" ti.|| ||

Assam pi kho Udayi,||
mahantam brahantam kayupapannam jano disva evam aha:|| ||

"Nago vata bho nago" ti.|| ||

Gonam pi kho Udayi,||
mahantam brahantam kayupapannam jano disva evam aha:|| ||

"Nago vata bho nago" ti.|| ||

Uragam pi kho Udayi,||
mahantam brahantam kayupapannam jano disva evam aha:|| ||

"Nago vata ho nago" ti.|| ||

Rukkham pi kho [346] Udayi,||
mahantam brahantam kayupapannam jano disva evam aha:|| ||

"Nago vata bho nago" ti.|| ||

Manussam pi kho Udayi,||
mahantam brahantam kayupapannam jano disva evam aha:|| ||

"Nago vata bho nago" ti.|| ||

Api c'Udayi,||
yo sadevake loke samarake sabrahmake,||
sassamanabrahmaniya pajaya sadeva-manussaya,||
agum na karoti kayena vacaya manasa,||
'tam aham nago' ti brumi" ti.|| ||

"Acchariyam bhante,||
ababhutam bhante,||
yava subhasitan c'idam bhante, Bhagavata:|| ||

'Api ca Udayi,||
yo sadevake loke samarake sabrahmake,||
sassamanabrahmaniya pajaya sadeva-manussaya,||
agum na karoti kayena vacaya manasa,||
"tam aham nago" ti brumi' ti.|| ||

Idan ca panaham bhante,||
Bhagavato subhasitam imahi gathahi anumodami:|| ||

Manussabhutam sambuddham attadantam samahitam||
Iriyamanam brahmapathe cittassupasame ratam.|| ||

Yam manussa namassanti sabbadhammana paragum,||
Deva pi nam namassanti: iti me arahato sutam.|| ||

Sabbasannojanatitam vana nibbanam agatam||
Kamehi nekkhammaratam muttam sela va kancanam.|| ||

Sabbe accaruci nago Himava'nne siluccaye||
Sabbesam naganamanam saccanamo anuttaro.|| ||

Nagam vo kittayissami, na hi agum karoti so||
Soraccam avihimsa ca pada nagassa te duve.|| ||

Tapo ca brahmacariyam carana nagassa tyapare||
Saddhahattho mahanago upekkhasetadantava.|| ||

Sati giva, siro panna, vimamsa dhammacittana,||
Dhammakucchi samavapo, viveko tassa valadhi.|| ||

So jhayi assasarato ajjhattam susamahito,||
Gaccham samahito nago, thito nago samahito.|| ||

Seyyam samahito nago, nisinno pi samahito||
[347] Sabbattha samvuto nago, esa nagassa sampada|| ||

Bhunjati anavajjani, savajjani na bhunjati||
Ghasam acchadanam laddha, sannidhim parivajjayam.|| ||

Sannojanam anum thulam sabbam chetvana bandhanam||
Yena yen'eva gacchati, anapekkho'va gacchati.|| ||

Yatha pi udake jatam pundarikam pavaddhati,||
Na upalippati toyena sucigandham manoramam.|| ||

Tath'eva loke sujato buddho loke virajjati||
Na upalippati lokena toyena padumam yatha.|| ||

Mahaggini pajjalito anaharupasammati||
Sankharesupasantesu nibbuto ti pavuccati.|| ||

Atth'assayam vinnapani upama vinnuhi desita,||
Vinnassanti mahanaga nagam nagena desitam.|| ||

Vitarago vitadoso vitamoho anasavo,||
Sariram vijaham nago parinibbati'nasavo" ti.

 


Contact:
E-mail
Copyright Statement