Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
V. Dhammika Vagga

Sutta 44

Migasala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Atha kho ayasma Anando pubbanhasamayam nivasetva pattacivaram adaya yena Migasalaya upasikaya nivesanam ten'upasankami.|| ||

Upasankamitva pannatte asane nisidi.|| ||

Atha kho Migasala upasika yen'ayasma Anando ten'upasankami.|| ||

Upasankamitva ayasmantam Anandam abhivadetva eka-m-antam nisidi.|| ||

Eka-m-antam nisinna kho Migasala upasika ayasmantam Anandam etad avoca:|| ||

2. Kathamkatham namo ayam bhante Ananda Bhagavata dhammo desito anneyyo,||
yatra hi nama brahmacari ca abrahmacari ca ubho samasamagatika bhavissanti abhi- [348] samparayam?|| ||

Pita me bhante Purano brahmacari ahosi aracari virato methuna gamadhamma.|| ||

So kalakato Bhagavata vyakato||
'sakadagami satto Tusitam kayam upapanno' ti.|| ||

Petta piyo me bhante Isidatto abrahmacari ahosi sadarasantuttho,||
so pi kalakato Bhagavata vyakato||
'sakadagami satto Tusitam kayam upapanno' ti.|| ||

Kathamkatham namo ayam bhante Ananda Bhagavata dhammo desito anneyyo,||
yatra hi nama brahmacari ca abrahmacari ca ubho samasamagatika bhavissanti abhisamparayan ti?|| ||

'Evam kho pan'etam bhagini Bhagavata vyakatan' ti.|| ||

 


 

3. Atha kho ayasma Anando Migasalaya upasikaya nivesane pindapatam gahetva utthay asana pakkami.|| ||

Atha kho ayasma Anando pacchabhattam pindapatapatikkanto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

Idhaham bhante pubbanhasamayam nivasetva pattacivaram adaya yena Migasalaya upasikaya nivesanam ten'upasankami.|| ||

Upasankamitva pannatte asane nisidim.|| ||

Atha kho bhante Migasala upasika yenaham ten'upasankami.|| ||

Upasankamitva mam abhivadetva eka-m-antam nisidi.|| ||

Eka-m-antam nisinna kho bhante Migasala upasika mam etad avoca:|| ||

'Kathamkatham namo ayam bhante Ananda Bhagavata dhammo [139] desito anneyyo,||
yatra hi nama brahmacari ca abrahmacari ca ubho samasamagatika bhavissanti abhisamparayam?|| ||

Pita me bhante Purano brahmacari ahosi aracari virato methuna gamadhamma.|| ||

So kalakato Bhagavata vyakato||
'sakadagami satto Tusitam kayam upapanno' ti.|| ||

Petta piyo me bhante Isidatto abrahmacari ahosi sadarasantuttho,||
so pi kalakato Bhagavata vyakato||
'sakadagami [349] satto Tusitam kayam upapanno' ti.|| ||

Katham katham namo ayam bhante Ananda Bhagavata dhammo desito anneyyo,||
yatra hi nama brahmacari ca abrahmacari ca ubho samasamagatika bhavissanti abhisamparayan ti?|| ||

Evam vutte aham bhante Migasalam upasikam etad avocam:|| ||

'Evam kho pan'etam bhagini Bhagavata vyakatan' ti.|| ||

Ka c'Ananda Migasala upasika bala avyatta ambhaka ambhakasanna?|| ||

Ke ca purisapuggalaparopariye nane!|| ||

 


 

Cha yime Ananda puggala santo samvijjamana lokasmim.|| ||

Katame cha?|| ||

4. Idh'Ananda ekacco puggalo sorato hoti sukhasamvaso||
abhinandanti sabrahmacari ekattavasena.|| ||

Tassa savanena pi akatam hoti,||
bahusaccena pi akatam hoti,||
ditthiya pi appatividdham hoti,||
samayikam pi vimuttim na labhati.|| ||

So kayassa bheda param marana hanaya pareti||
no visesaya,||
hanagami yeva hoti||
no visesagami.|| ||

5. Idh'Ananda ekacco puggalo sorato hoti sukhasamvaso||
abhinandanti sabrahmacari ekattavasena.|| ||

Tassa savanena pi katam hoti||
bahusaccena pi katam hoti||
ditthiya pi patividdham hoti||
samayikam pi vimuttim labhati.|| ||

So kayassa bheda param marana visesaya pareti||
no hanaya||
visesagami yeva hoti||
no hanagami.|| ||

Tatr'Ananda pamanaka paminanti:|| ||

'Imassa pi te'va dhamma,||
aparassa pi te'va dhamma||
kasma tesam eko hino,||
eko panito' ti?|| ||

Tam hi tesam Ananda hoti digha-rattam ahitaya dukkhaya.|| ||

Tatr'Ananda yvayam puggalo sorato hoti sukhasamvaso||
abhinandanti sabrahmacari ekattavasena.|| ||

Tassa savanena pi katam hoti||
bahusaccena pi katam hoti||
ditthiya pi suppatividdham hoti,||
samayikam pi vimuttim labhati||
ayam pi Ananda puggalo amuna purimena puggalena abhikkantataro ca panitataro ca.|| ||

Tam kissa hetu?|| ||

Imam Ananda puggalam dhammasoto nibbahati.|| ||

Tad antaram ko janeyya annatra Tathagatena?|| ||

Tasma ti h'Ananda ma puggalesu pamanaka ahuvattha||
ma puggalesu pamanam ganhittha.|| ||

Khannati h'Ananda puggalesu pamanam ganhanto.|| ||

Aham va Ananda puggalesu pamanam ganheyyam yo va pan'assa madiso.|| ||

 


 

7. Idha pan'Ananda ekaccassa puggalassa kodhamano adhigato hoti,||
samayena samayan c'assa lobhadhamma uppajjanti.|| ||

Tassa savanena pi akatam hoti,||
bahusaccena pi akatam hoti,||
ditthiya pi appatividdham hoti,||
samayikam pi vimuttim na labhati.|| ||

So kayassa bheda param marana hanaya pareti||
no visesaya,||
hanagami yeva hoti||
no visesagami.|| ||

Idha pan'Ananda ekaccassa puggalassa kodhamano adhigato hoti,||
samayena samayan c'assa lobhadhamma uppajjanti.|| ||

Tassa savanena pi katam hoti||
bahusaccena pi katam hoti||
ditthiya pi patividdham hoti||
samayikam pi vimuttim labhati.|| ||

So kayassa bheda param marana visesaya pareti||
no hanaya||
visesagami yeva hoti||
no hanagami.|| ||

Tatr'Ananda pamanaka paminanti:|| ||

'Imassa pi te'va dhamma,||
aparassa pi te'va dhamma||
kasma tesam eko hino,||
eko panito' ti?|| ||

Tam hi tesam Ananda hoti digha-rattam ahitaya dukkhaya.|| ||

Tatr'Ananda yvayam puggalo kodhamano adhigato hoti,||
samayena samayan c'assa lobhadhamma uppajjanti.|| ||

Tassa savanena pi katam hoti||
bahusaccena pi katam hoti||
ditthiya pi suppatividdham hoti,||
samayikam pi vimuttim labhati||
ayam pi Ananda puggalo amuna purimena puggalena abhikkantataro ca panitataro ca.|| ||

Tam kissa hetu?|| ||

Imam Ananda puggalam dhammasoto nibbahati.|| ||

Tad antaram ko janeyya annatra Tathagatena?|| ||

Tasma ti h'Ananda ma puggalesu pamanaka ahuvattha||
ma puggalesu pamanam ganhittha.|| ||

Khannati h'Ananda puggalesu pamanam ganhanto.|| ||

Aham va Ananda puggalesu pamanam ganheyyam yo va pan'assa madiso.|| ||

 


 

Idha pan'Ananda ekaccassa puggalassa kodhamano adhigato hoti||
samayena samayan c'assa vacisankhara uppajjanti.|| ||

Tassa savanena pi akatam hoti,||
bahusaccena pi akatam hoti,||
ditthiya pi appatividdham hoti,||
samayikam pi vimuttim na labhati.|| ||

So kayassa bheda param marana hanaya pareti||
no visesaya,||
hanagami yeva hoti||
no visesagami.|| ||

Idha pan'Ananda ekacssa puggalassa kodhamano adhigato hoti||
samayena samayanc'assa vacisankhara uppajjanti.

Tassa savanena pi katam hoti||
bahusaccena pi katam hoti||
ditthiya pi patividdham hoti||
samayikam pi vimuttim labhati.|| ||

So kayassa bheda param marana visesaya pareti||
no hanaya||
visesagami yeva hoti||
no hanagami.|| ||

Tatr'Ananda pamanaka paminanti:|| ||

'Imassa pi te'va dhamma,||
aparassa pi te'va dhamma||
kasma tesam eko hino,||
eko panito' ti?|| ||

Tam hi tesam Ananda hoti digha-rattam ahitaya dukkhaya.|| ||

Tatr'Ananda yvayam puggalo kodhamano adhigato hoti||
samayena samayan c'assa vacisankhara uppajjanti.|| ||

Tassa savanena pi katam hoti||
bahusaccena pi katam hoti||
ditthiya pi suppatividdham hoti,||
samayikam pi vimuttim labhati||
ayam pi Ananda puggalo amuna purimena puggalena abhikkantataro ca panitataro ca.|| ||

Tam kissa hetu?|| ||

Imam Ananda puggalam dhammasoto nibbahati.|| ||

Tad antaram ko janeyya annatra Tathagatena?|| ||

Tasma ti h'Ananda ma puggalesu pamanaka ahuvattha||
ma puggalesu pamanam ganhittha.|| ||

Khannati h'Ananda puggalesu pamanam ganhanto.|| ||

Aham va Ananda puggalesu pamanam ganheyyam yo va pan'assa madiso.|| ||

Ka c'Ananda Migasala upasika bala avyatta ambhaka ambakapanna,||
ke ca purisapuggalaparopariye nane?|| ||

Ime kho Ananda dasa puggala santo samvijjamana lokasmi.|| ||

Yatharupena Ananda silena Purano samannagato ahosi,||
tatharupena silena Isidatto samannagato abhavissa||
na yidha Purano Isidattassa gatim pi annassa.|| ||

Yatharupaya ca Ananda pannaya Isidatto samannagato ahosi,||
tatharupaya pannaya Purano samannagate abhavissa,||
na yidha Isidatto Puranassa gatim pi annassa.|| ||

Iti kho Ananda ime puggala ubho ekangahina ti.|| ||

 


Contact:
E-mail
Copyright Statement