Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
V. Dhammika Vagga

Sutta 50

Indriya Sanvara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Indriya-sanvare bhikkhave asati||
indriya-sanvara-vipannassa hat'upanisam hoti silam.|| ||

Sile asati||
sila-vipannassa hat'upaniso hoti samma-samadhi.|| ||

Samma-samadhimhi asati||
samma-samadhi-vipannassa hat'upanisam hoti yathabhuta nana-dassanam.|| ||

Yathabhuta nana-dassane asati||
yathabhuta nana-dassana-vipannassa hat'upaniso hoti nibbida-virago.|| ||

Nibbida-virage asati||
nibbida-viraga-vipannassa hat'upanisam hoti vimutti-nana-dassanam.|| ||

Seyyatha pi, bhikkhave, rukkho sakhapalasavipanno,||
tassa papatika pi na paripurim gacchati,||
taco pi na paripurim gacchati,||
pheggu pi na paripurim gacchati,||
saro pi na paripurim gacchati.|| ||

Evam eva kho, bhikkhave, indriya sanvare asati||
indriya-sanvara-vipannassa hat'upanisam hoti silam;||
sile asati||
sila-vipannassa hat'upaniso hoti samma-samadhi;||
samma-samadhimhi asati||
samma-samadhi-vipannassa hat'upanisam hoti yathabhuta nana-dassanam;||
yathabhuta nana-dassane asati||
yathabhuta nana-dassana-vipannassa hat'upaniso hoti nibbida-virago;||
nibbida-virage asati||
nibbida-viraga-vipannassa hat'upanisam hoti vimutti-nana-dassanam.|| ||

 


 

Indriya-sanvare bhikkhave sati||
indriya-sanvara-sampannassa||
upanisa-sampannam hoti silam.|| ||

Sile sati||
sila-sampannassa||
upanisa-sampanno hoti samma-samadhi.|| ||

Samma-samadhimhi sati||
samma-samadhi-sampannassa||
upanisa-sampannam hoti yathabhuta nana-dassanam.|| ||

Yathabhuta nana-dassane sati||
yathabhuta nana-dassana-sampannassa||
upanisa-sampanno hoti nibbida-virago.|| ||

Nibbida-virage sati||
nibbida-viraga-sampannassa||
upanisa-sampannam hoti vimutti-nana-dassanam.|| ||

Seyyatha pi, bhikkhave, rukkho sakhapalasasampanno,||
tassa papatika pi paripurim gacchati,||
taco pi paripurim gacchati,||
pheggu pi paripurim gacchati,||
saro pi paripurim gacchati.|| ||

Evam eva kho, bhikkhave, indriya-sanvare sati||
indriya-sanvara-sampannassa||
upanisa-sampannam hoti silam;||
sile sati||
sila-sampannassa||
upanisa-sampanno hoti samma-samadhi;||
samma-samadhimhi sati||
samma-samadhi-sampannassa||
upanisa-sampannam hoti yathabhuta nana-dassanam;||
yathabhuta nana-dassane sati||
yathabhuta nana-dassana-sampannassa||
upanisa-sampanno hoti nibbida-virago;||
nibbida-virage sati||
nibbida-viraga-sampannassa||
upanisa-sampannam hoti vimutti-nana-dassanam.|| ||

 


Contact:
E-mail
Copyright Statement