Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
VI. Maha Vagga

Sutta 57

Chalabhijati Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Rajagahe viharati Gijjhakute pabbate.|| ||

Atha kho ayasma Anando yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

2. "Puranena bhante Kassapena chalabhijatiyo pannatta:||
kanhabhijati pannatta,||
nilabhijati pannatta,||
lohitabhijati pannatta,||
haliddahijati pannatata,||
sukkabhijati pannatta,||
paramasukkabhijati pannatta.|| ||

Tatr'idam bhante Puranena Kassapena kanhabhijati pannatta:||
orabhika sukarika sakunika magavika ludda macchaghataka cora coraghataka bandhanagarika,||
ye va pan'anne pi keci kururakammanta.|| ||

Tatr'idam bhante Puranena Kassapena nilabhijati pannatta:||
bhikkhu kantakavuttika,||
ye va pan'anne pi keci kammavada kiriyavada.|| ||

Tatr'idam bhante Puranena Kassapena lohitabhijati pannatta:||
nigantha ekasa- [384] taka.|| ||

Tatr'idam bhante Puranena Kassapena haliddabhijati pannatta:||
gihi odatavasana acelakasavaka.|| ||

Tatr'idam bhante Puranena Kassapena sukkabhijati pannatta:||
ajivaka ajivikiniyo.|| ||

Tatr'idam bhante Puranena Kassapena paramasukkabhijati pannatta:||
Nando Vaccho,||
Kiso Sankicco,||
Makkhali Gosalo.|| ||

Puranena bhante Kassapena ima chalabhijatiyo pannatta" ti.|| ||

3. "Kim pan'Ananda Puranassa Kassapassa sabbo loko etad abhanujanati ima chalabhijatiyo pannapetun" ti?|| ||

"No h'etam bhante."|| ||

"Seyyatha pi Ananda puriso daliddo assako anallikyo,||
tassa akamakassa bilam olaggeyyum,|| ||

'Idam te ambho purisa mamsam ca khaditabbam mulan ca anuppadatabban' ti.|| ||

Evam eva kho Ananda Puranena Kassapena appatinnaya etasam samana-brahmananam ima chalabhijatiyo pannatta yatha tam balena avyattena akhettannuna akusalena.|| ||

 


 

Aham kho pan'Ananda chalabhijatiyo pannapemi.|| ||

Tam sunahi,||
sadhukam manasikarohi,||
bhasissami" ti.|| ||

"Evam bhante",||
ti kho ayasma Anando Bhagavato paccassosi.|| ||

Bhagava etad avoca:|| ||

"Katama c'Ananda chalabhijatiyo?|| ||

4. Idh'Ananda ekacco kanhabhijatiyo samano||
kanham dhamma abhijayati.|| ||

Idh'Ananda ekacco kanhabhijatiyo samano||
sukkam dhammam abhijayati.|| ||

Idh'Ananda ekacco kanhabhijatiyo samano||
akanham asukkam nibbanam abhijayati.|| ||

Idh'Ananda ekacco [385] sukkabhijatiyo samano||
kanham dhamma abhijayati.|| ||

Idh'Ananda ekacco sukkabhijatiyo samano||
sukkam dhammam abhijayati.|| ||

Idh'Ananda ekacco sukkabhijatiyo samano||
aknham asukkam nibbanam abhijayati.|| ||

5. Kathan c'Ananda kanhabhijatiyo samano||
kanham dhammam abhijayati?|| ||

Idh'Ananda ekacco nice kule paccajato hoti||
candala kule va||
nesadakule va||
venakule va||
rathakarakale va||
pukkusa kule va,||
dalidde appannapanabhojane kasiravuttike yattha kasirena ghasacchado labbhati.|| ||

So ca hoti dubbanno duddasiko okotimako,||
bavhabadho kano va||
kuni va||
khanjo va||
pakkhahato va,||
na labhi annassa panassa vatthassa yanassa malagandhavilepanassa seyyavasathapadipeyyassa.|| ||

So kayena duccaritam carati,||
vacaya duccaritam carati,||
manasa duccaritam carati.|| ||

So kayena duccaritam caritva,||
vacaya duccaritam caritva,||
manasa duccaritam caritva,||
kayassa bheda param marana||
apayam duggatim vinipatam nirayam upapajjati.|| ||

Evam kho Ananda kanhabhijatiyo samano||
kanham abhijayati.|| ||

6. Katham c'Ananda kanhabhijatiyo samano||
sukkam dhammam abhijayati?|| ||

Idh'Ananda ekacco nice kule paccajato hoti||
candala kule va||
nesadakule va||
venakule va||
rathakarakale va||
pukkusa kule va,||
dalidde appannapanabhojane kasiravuttike yattha kasirena ghasacchado labbhati.|| ||

So ca hoti dubbanno duddasiko okotimako,||
bavhabadho kano va||
kuni va||
khanjo va||
pakkhahato va,||
na labhi annassa panassa vatthassa yanassa malagandhavilepanassa seyyavasathapadipeyyassa.|| ||

So kayena sucaritam carati||
vacaya sucaritam carati||
manasa sucaritam carati.|| ||

So kayena sucaritam caritva||
vacaya sucaritam caritva||
manasa sucaritam caritva||
kayassa bheda param marana||
sugatim saggam lokam upapajjati.|| ||

Evam kho Ananda kanhabhijatiyo samano||
sukkam dhammam abhijayati.|| ||

7. Katham c'Ananda kanhabhijatiyo samano||
akanham asukkam nibbanam abhijayati?|| ||

Idh'Ananda ekacco nice kule paccajato hoti||
candala kule va||
nesadakule va||
venakule va||
rathakarakale va||
pukkusa kule va,||
dalidde appannapanabhojane kasiravuttike yattha kasirena ghasacchado labbhati.|| ||

So ca hoti dubbanno duddasiko [386] okotimako.|| ||

So kesamassam oharetva kasayani vatthani acchadetva agarasma anagariyam pabbajati.|| ||

So evam pabbajito samano||
panca nivarane pahaya||
cetaso upakkilese pannaya dubbalikarane,||
catusu satipatthanesu suppatitthitacitto||
sattabojjhange yathabhutam bhavetva||
akanham asukkam nibbanam abhijayati.|| ||

Evam kho Ananda kanhabhijatiyo samano||
akanham asukkam nibbanam abhijayati.|| ||

8. Kathan c'Ananda sukkabhijatiyo samano||
kanham dhammam abhijayati?|| ||

Idh'Ananda ekacco ucce kule paccajato hoti: khattiya-maha-sarakule va||
brahmana-maha-sarakule va||
gahapati-maha-sarakule va||
addhe mahaddhane mahabhoge||
pahuta-jataruparajate||
pahuta-vittupakarane||
pahuta-dhanadhanne.|| ||

So ca hoti abhirupo dassaniyo pasadiko paramaya vannapokkharataya samannagato,||
labhi annassa panassa vatthassa yanassa malagandhavilepanassa seyyavasathapadipeyyassa.|| ||

So kayena duccaritam carati,||
vacaya duccaritam carati,||
manasa duccaritam carati.|| ||

So kayena duccaritam caritva||
vacaya duccaritam caritva||
manasa duccaritam caritva||
kayassa bheda param marana||
apayam duggatim vinipatam nirayam upapajjati.|| ||

Evam kho Ananda sukkabhijatiyo samano||
kanham dhammam abhijayati.|| ||

9. Kathan c'Ananda sukkabhijatiyo samano||
sukkam dhammam abhijayati?|| ||

Idh'Ananda ekacco ucce kule paccajato hoti: khattiya-maha-sarakule va||
brahmana-maha-sarakule va||
gahapati-maha-sarakule va||
addhe mahaddhane mahabhoge||
pahuta-jataruparajate||
pahuta-vittupakarane||
pahuta-dhanadhanne.|| ||

So ca hoti abhirupo dassaniyo pasadiko paramaya vannapokkharataya samannagato,||
labhi annassa panassa vatthassa yanassa malagandhavilepanassa seyyavasathapadipeyyassa.|| ||

So ca hoti abhirupo dassaniyo pasadiko paramaya vannapokkharataya samannagato, labhi annassa panassavatthassa yanassa malagandhavilepanassa yyovasathapadipeyyassa.|| ||

So kayena sucaritam carati,||
vacaya sucaritam carati,||
manasa sucaritam carati.|| ||

So kayena sucaritam caritva||
vacaya sucaritam caritva||
manasa sucaritam caritva||
kayassa bheda param marana||
sugatim saggam lokam upapajjati.|| ||

Evam kho Ananda sukkabhijatiyo samano||
sukkam dhammam abhijayati.|| ||

10. Katham c'Ananda sukkabhijatiyo samano akanham asukkam nibbanam abhijayati?|| ||

[387] Idh'Ananda ekacco ucce kule paccajato hoti: khattiya-maha-sarakule va||
brahmana-maha-sarakule va||
gahapati-maha-sarakule va||
addhe mahaddhane mahabhoge||
pahuta-jataruparajate||
pahuta-vittupakarane||
pahuta-dhanadhanne.|| ||

So ca hoti abhirupo dassaniyo pasadiko paramaya vannapokkharataya samannagato,||
labhi annassa panassa vatthassa yanassa malagandhavilepanassa seyyavasathapadipeyyassa.|| ||

So kesamassum oharetva kasayani vatthani acchadetva agarasma anagariyam pabbajati.|| ||

So evam pabbajito samano||
panca nivarane pahaya||
cetaso upakkilese pannaya dubbalikarane,||
catusu satipatthanesu suppatitthitacitto||
sattabojjhange yathabhutam bhavetva||
akanham asukkam nibbanam abhijayati.|| ||

Evam kho Ananda sukkabhijatiyo samano||
akanham asukkam nibbanam abhijayati.|| ||

Ima kho Ananda chalabhijatiyo" ti.

 


Contact:
E-mail
Copyright Statement