Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
VI. Maha Vagga

Sutta 61

Majjhe Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][olds] EVAM ME SUTAM

Ekam samayam Bhagava Baranasiyam viharati Isipatane Migadaye.|| ||

Tena kho pana samayena sambahulanam theranam bhikkhunam pacchahattam pindapata-patikkantanam manadalamale sannisinnanam sannipatitanam ayam antara-katha udapadi:||
"Vuttam idam avuso Bhagavata parayane Metteyyapanhe:|| ||

"Yo ubh'ante viditvana majjhe manta na limpati,||
tam brumi maha puriso ti, so'dha sibbanim accaga" ti|| ||

Katamo nu kho avuso eko anto||
katamo dutiyo anto,||
kim majjhe,
ka sibbani ti?|| ||

 

[2][pts][bd] Evam vutte annataro bhikkhu there bhikkhu etad avoca:|| ||

"Phasso kho avuso eko anto,||
phassasamudayo dutiyo [400] anto,||
phassanirodho majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[3][pts][bd] Evam vutte annataro bhikkhu there bhikkhu etad avoca:||
"atitam kho avuso eko anto,||
anagatam dutiyo anto,||
paccuppannam majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[4][pts][bd] Evam vutte annataro bhikkhu there bhikkhu etad avoca:|| ||

"sukha kho avuso vedana eko anto,||
dukkha vedana dutiyo anto,||
adukkhamasukha vedana majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[5][pts][bd] Evam vutte annataro bhikkhu there bhikkhu etad avoca:|| ||

"namam kho avuso eko anto,||
rupam dutiyo anto,||
vinnanam majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[6][pts][bd] Evam vutte annataro bhikkha) there bikku etavoca:|| ||

"Cha kho avuso ajjhattikani ayatanani eko anto,||
bahirani ayatanani dutiyo anto,||
vinnanam majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhin- [401] neyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[7][pts][bd] Evam vutte annataro bhikkhu there bhikkhu etad avoca:|| ||

"sakkayo kho avuso eko anto,||
sakkayasamudayo dutiyo anto,||
sakkayanirodho majjhe,||
tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 

[8][pts][bd] Evam vutte annataro bhikkhu there bhikkhu etad avoca:|| ||

"Vyakatam kho avuso amhesi sabbeh'eva yathasakam patihanam.|| ||

Ayamavuso yena Bhagava ten'upasankamissama,||
upasankamitva Bhagavato etam attham arovessama.|| ||

Yatha no Bhagava vyakarissati,||
tatha nam dharessama" ti.|| ||

'Evam avuso' ti kho thera bhikkhu tassa bhikkhuno paccassosum.|| ||

Atha kho thera bhikkhu yena Bhagava ten'upasankamimsu, upasankamitva Bhagavantam abhivadetva eka-m-antam nisidimsu.|| ||

Eka-m-antam nisinna kho thera bhikkhu yavatako ahosi sabbeh'eva saddhim kathasallapo, tam sabbam Bhagavato arocesum:||
'Kassa nu kho bhante subhasitan' ti?|| ||

'Sabbesam vo bhikkhave subhasitam pariyayena,||
api ca yam maya sandhaya bhasitam parayane Mettayyapanhe:|| ||

"Yo ubh'ante viditvana majjhe manta na lippati,||
tam brumi maha puriso ti, so'dha sibbanim accaga" ti|| ||

tam sunatha sadhukam manasikarotha, bhasissami' ti.|| ||

'Evam bhante' ti kho thera bhikkhu Bhagavato paccassosum.||
Bhagava etada voca:|| ||

Phasso kho bhikkhave eko [402] anto,||
phassasamudayo dutiyo anto.||
Phassanirodho majjhe.||
Tanha sibbani.|| ||

Tanha hi nam sibbati tassa tass'eva bhavassa abhinibbattiya.|| ||

Ettavata kho avuso bhikkhu abhinneyyam abhijanati,||
parinneyyam parijanati.|| ||

Abhinneyyam abhijananto parinneyyam parijananto ditthe va dhamme dukkhassa antakaro hoti, ti.|| ||

 


Contact:
E-mail
Copyright Statement