Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
VI. Maha Vagga

Sutta 62

Purisindriyanana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts] EVAM ME SUTAM|| ||

Ekam samayam Bhagava Kosalesu carikam caramano mahata bikkhusanghena saddhim yena Dandakappakam nama Kosalanam nigamo tad avasari.|| ||

Atha kho Bhagava magga okkamma annatarasmim rukkhamule pannatte asane nisidi,||
te ca bhikkhu Dandakappakam pavisimsu avasatham pariyesitum.|| ||

Atha kho ayasma Anando sambahulehi bhikkhuhi saddhim yena Aciravati nadi ten'upasankami gattani parisincitum.|| ||

Aciravatiya nadiya gattani parisincitva paccuttaritva ekacivaro atthasi gattani pubbapayamano.|| ||

2. Atha kho annataro bhikku yanayasma Anando ten'upasankami.|| ||

Upankamitva ayasmantam Anandam etad avoca:|| ||

"Kim nu ko avuso Ananda sabbam cetaso samannaharitva nu kho Devadatto Bhagavata vyakato|| ||

'Apayiko Devadatto nerayiko kappattho atekiccho' ti.|| ||

udahu kenaci deva pariyayena" ti?|| ||

"Evam kho pan'etam avuso Bhagavata vyakatan" ti.|| ||

3. Atha ko ayasma Anando yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Anando Bhagavantam etad avoca:|| ||

"Idhaham bhante sambahulehi bhikkhuhi saddhim yena Aciravati nadi ten'upasankamim gattani parisincitum.|| ||

Aciravatiya nadiya gattani parisincitva paccuttaritva ekacivaro atthasim gattani pubbapaya- [403] mano.|| ||

Atha kho bhante annataro bhikkhu yenaham ten'upasankami.|| ||

Upasankamitva mam etad avoca:|| ||

'Kim nu kho avuso Ananda sabbam cetaso samannaharitva nu kho Devadatto Bhagavata vyakato:|| ||

"Apayiko Devadatto nerayiko kappattho atekiccho, ti,

udahu kenaci deva pariyayena" ti?|| ||

Evam vutte aham bhante tam bhikkhu etad avocam:|| ||

'Evam ko pan'etam avuso Bhagavata vyakatan' ti."|| ||

"So va kho Ananda bhikkhu navo bhavissati acirapabbajito,||
thero va pana balo avyatto.|| ||

Katham hi nama yam maya ekamsena vyakatam,||
tattha dvejjham apajjissati?|| ||

Naham Ananda annam ekapuggalam pi samanupassami,||
yo evam maya sabbam cetaso samannaharitva vyakato,||
yathayidam Devadatto.|| ||

Yavakivan caham Ananda Devadattassa valaggakotinittuddanamattam pi sukkam dhammam addasam,||
n'eva tavaham Devadattam vyakasim:|| ||

'Apayiko Devadatto nerayiko kappattho atekiccho' ti.|| ||

Yato ca ko aham Ananda Devadattassa valaggakotinittuddanamattam pi sukkam dammam na addasam,||
athaham Devadattam vyakasim:|| ||

'Apayiko Devadatto nerayiko kappattho atekiccho' ti.|| ||

Yato ca kho aham Ananda Devadattassa valaggakotinittuddanamattam pi sukkam dhammam na addasam,||
athaham Devadattam vyakasim:|| ||

'Apayiko Devadatto nerayiko kappattho atekiccho' ti.|| ||

Seyyatha pi Ananda guthakupo sadhikaporiso puro guthassa samatittiko,||
tatra puriso sasisako nimuggo assa.|| ||

Tassa koci-d-eva puriso uppajjeyya atthakamo hitakamo yogakkhemakamo tamha guthakupa uddharitukamo,||
so tam guthakupam samantanuparigacchanto na passeyya tassa purisassa valaggakotinittuddanamattam pi guthena amakkhitam,||
yattha [404] tam gahetva uddhareyya.|| ||

Evam eva kho aham Ananda yato Devadattassa valaggakotinittuddanamattam pi sukkam dhammam na addasam,||
athaham Devadattam vyakasim:|| ||

'Apayiko Devadatto nerayiko kappattho atekiccho' ti.|| ||

 


 

"Sace tumhe Ananda suneyyatha Tathagatassa purisinadriyananani vibhajantassa" ti?|| ||

"Etassa Bhagava kalo,||
etassa Sugata kalo,||
yam Bhagava purisindriyananani vibhajeyya,||
Bhagavato sutva bhikkhu dharessanti" ti.|| ||

"Tenah'Ananda,||
sunahi||
sadhukam manasikarohi,||
bhasissami" ti.|| ||

"Evam bhante" ti||
kho ayasma Anando Bhagavato paccassosi.|| ||

Bhagava etad avoca:|| ||

3. "Idhaham Ananda ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa kusala dhamma antarahita,||
akusala dhamma sammukhibhuta,||
atthi ca khavassa kusalamulam asamucchinnam,||
tamha tassa kusala kusalam patubhavissati.|| ||

Evam ayam puggalo ayatim aparihanadhammo bhavissati' ti.|| ||

Seyyatha pi Ananda,||
bijani akhandani aputini avatatapahatani saradani sukhasayitani sukhette suparikammakataya bhumiya nikkhittani;||
janeyyasi tvam Ananda|| ||

'Imani bijani vuddhim virulhim vepullam apajjissanti' ti?|| ||

"Evam bhante."|| ||

"Evam eva kho aham Ananda,||
idh'ekaccam puggalam evam cetasa ceto paricca pajanami:|| ||

"Imassa kho puggalassa vijjamana kusala pi [405] dhamma akusala pi dhamma" ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa kusala dhamma antarahita,||
akusala dhamma sammukhibhuta,||
atthi ca khavassa kusalamulam asamucchinnam,||
tamha tassa kusala kusalam patubhavissati.|| ||

Evam ayam puggalo ayatim aparihanadhammo bhavissati' ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti.|| ||

4. Idha panaham Ananda,||
ekaccam puggalam evam cetasa ceto paricca pajanami.|| ||

'Imassa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto pericca pajanami.|| ||

'Imassa kho puggalassa akusala dhamma antarahita,||
kusala dhamma sammukhibhuta,||
atti ca khavassa akusalamulam asamucchinnam,||
tamha tassa akusala akusalam patubhavissati.|| ||

Evam ayam puggalo ayatim parihana dhammo bhavissati" ti.|| ||

Seyyatha pi Ananda bijani akhandani aputini avatatapahatani saradani sukhasayitani puthusilaya nikkhittani;||
janeyyasi tva Ananda:|| ||

'Na yimani bijani vuddhim virulhim vepullam apajjassanti' ti?"|| ||

"Evam bhante."|| ||

"Evam eva kho aham Ananda idh'ekaccam puggalam eva cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto pericca pajanami.|| ||

'Imassa kho puggalassa akusala dhamma antarahita,||
kusala dhamma sammukhibhuta,||
atti ca khavassa akusalamulam asamucchinnam,||
tamha tassa akusala akusalam patubhavissati.|| ||

Evam ayam puggalo [406] ayatim parihana dhammo bhavissati" ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti.|| ||

5. Idha panaham Ananda ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma" ti.|| ||

Tam enam aparena samayena evam cetasa ceto paricca pajanami:|| ||

'N'atthi imassa puggalassa valaggakotinittuddanamatto pi sukko dhammo||
samannagato'yam puggalo ekantakalakehi akusalehi dhammehi,||
kayassa bheda param marana apayam duggatim vinipatam nirayam upapajjissati' ti.|| ||

Seyyatha pi Ananda bijani khanadani putini vatatapahatani sukhette suparikammakataya bhumiya nikkhittani;||
janeyyasi tvam Ananda:|| ||

'Na yimani bijani vuddhim virulhim vepullam apajjissanti' ti?"|| ||

"Evam ha bhante."|| ||

"Evam eva kho aham Ananda idh'ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma" ti.|| ||

Tam enam aparena samayena evam cetasa ceto paricca pajanami:|| ||

'N'atthi imassa puggalassa valaggakotinittuddanamatto pi sukko dhammo||
samannagato'yam puggalo ekantakalakehi akusalehi dhammehi,||
kayassa bheda param marana apayam duggatim vinipatam nirayam upapajjissati' ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti."|| ||

 


 

Evam vutte ayasma Anando Bagavantam etad avoca:|| ||

[407] "Sakka nu kho bhante imesam tinnam puggalanam apare pi tayo puggala sappatibhaga pannapetun" ti?|| ||

"Sakka Ananda" ti Bhagava avoca:|| ||

6. "Idhaham Ananda ekaccam puggala evam cetasa ceto paricca pajanami:|| ||

'Imsa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa kusala dhamma antarahita,||
akusala dhamma sammukhibhuta,||
atthi ca khvassa kusalamulam asamucchinnam,||
tam pi sabbena sabbam samugghatam gacchati.|| ||

Evam ayam puggalo ayatim parihanadhammo bhavissati' ti.|| ||

Seyyatha pi Ananda angarani adittani sampajjalitani sajotibhutani puthusilaya nikkhittani;||
janeyyasi tvam Ananda:|| ||

'Na yimani angarani vuddhim virulhim vepullam apajjissanti' ti?"|| ||

"Evam bhante."|| ||

"Seyyatha pi va pan'Ananda sayanhasamayam suriye ogacchante;||
janeyyasi tvam Ananda:|| ||

'Aloko antaradhayissati,||
andhakaro patubhavissati' ti?"|| ||

"Evam bhante."|| ||

"Seyyatha pi va pan'Ananda abhidose addharattam bhattakalasamaye;||
janeyyasi tvam Ananda:|| ||

'Aloko antarahito andhakaro patubhuto' ti?"|| ||

"Evam bhante."|| ||

"Evam eva kho aham Ananda idh'ekaccam puggalam eva cetasa ceto paricca janami:|| ||

'Imsa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa kusala dhamma antarahita,||
akusala dhamma sammukhibhuta,||
atthi ca khvassa kusalamulam asamucchinnam,||
tam pi sabbena sabbam samugghatam gacchati.|| ||

Evam ayam puggalo ayatim parihanadhammo bhavissati' ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda [408] Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti."|| ||

7. Idha panaham Ananda ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma kusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa akusala dhamma antarahita,||
kusala dhamma sammukhibhuta,||
atthi ca khvassa akusalamulam asamucchinnam,||
tam pi sabbena sabbam samugghatam gacchati.|| ||

Evam ayam puggalo ayatim aparihana dhammo bhavissati" ti.|| ||

Seyyatha pi Ananda angarani adittani sampajjalitani sajotibhutani sukkhe tinapunje va katthapunje va nikkhittani;||
janeyyasi tvam Ananda:|| ||

'Imani angarani vuddhim virulhim vepullam apajjissanti' ti?"|| ||

"Evam bhante."|| ||

"Seyyatha pi va pan'Ananda rattiya paccusa-samayam suriye uggacchante;||
janeyyasi tvam Ananda:|| ||

'Andhakaro antaradhayissati,||
aloko patubhavissati' ti?"|| ||

"Evam bhante."|| ||

"Seyyatha pi va pan'Ananda abhidose majjhantike bhattakalasamaye;||
janeyyasi tvam Ananda:|| ||

'Andhakaro antarahito,||
aloko patubhuto' ti?"|| ||

"Evam bhante."|| ||

"Evam eva kho aham Ananda idh'ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma kusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'Imassa kho puggalassa akusala dhamma antarahita,||
kusala dhamma sammukhibhuta,||
atthi ca khvassa akusalamulam asamucchinnam,||
tam pi sabbena sabbam samugghatam gacchati.|| ||

Evam ayam puggalo ayatim aparihana dhammo bhavissati" ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti."|| ||

8. Idha panaham Ananda ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'N'atthi imassa puggalassa valaggakotinittuddanamatto pi akusalo dhammo,||
samannagato'yam puggalo ekantasukkehi anavajjehi dhammehi,||
ditthe va dhamme parinibbayissati' ti.|| ||

Seyyatha pi Ananda angarani sitani nibbutani sukkhe tinapunje va katthapunje va nikkhittani;||
janeyyasi tvam Ananda:|| ||

'Na yimani angarani vuddhim virulhim vepullam apajjissanti' ti?"|| ||

"Evam bhante."|| ||

"Evam eva kho aham Ananda idh'ekaccam puggalam evam cetasa ceto paricca pajanami:|| ||

'Imassa kho puggalassa vijjamana kusala pi dhamma akusala pi dhamma' ti.|| ||

Tam enam aparena samayena evam cetasa ceto paricca pajanami:|| ||

'N'atthi imassa puggalassa valaggakotinittuddanamatto pi akusalo dhammo,||
samannagato'yam puggalo ekantasukkehi anavajjehi dhammehi,||
ditthe va dhamme parinibbayissati' ti.|| ||

Evam ayam puggalo ayatim aparihana dhammo bhavissati" ti.|| ||

Evam pi kho Ananda Tathagatassa purisapuggalo cetasa ceto paricca vidito hoti.|| ||

Evam pi kho Ananda Tathagatassa purisindriyananam cetasa ceto paricca viditam hoti.|| ||

Evam pi kho Ananda Tathagatassa ayatim dhamma samuppado cetasa ceto paricca vidito hoti."|| ||

Tatr'Ananda ye te purima tayo puggala,||
tesam tinnam puggalanam eko aparihanadhammo,||
eko parihanadhammo,||
eko apayiko nerayiko.|| ||

Tatr'Ananda ye'me pacchima tayo puggala,||
imesam tinnam puggalanam eko parihanadhammo,||
eko aparihanadhammo,||
eko parinibbanadhammo ti.|| ||

 


Contact:
E-mail
Copyright Statement