Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
VII. Devata Vagga

Sutta 69

Devata Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Atha kho annatara devata abhikkantaya rattiya abhikkantavanna kevalakappam Jetavanam obhasetva yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thita kho sa devata Bhagavantam etad avoca:|| ||

"Cha yime bhante dhamma bhikkhuno aparihanaya samvattanti.|| ||

Katame cha?|| ||

Satthu-garavata,||
dhamma-garavata,||
sangha-garavata,||
sikkha-garavata,||
sovacassata,||
kalyanamittata.|| ||

Ime kho bhante cha dhamma bhikkhuno aparihanaya samvattanti" ti.|| ||

Idam avoca sa devata.|| ||

Samanunno Sattha ahosi.|| ||

Atha kho sa devata||
"Samanunno me Sattha", ti||
Bhagavantam abhivadetva padakkhinam katva tatth'ev'antaradhayi.|| ||

 


 

[424] 2. Atha Bhagava tassa rattiya accayena bhikkhu amantesi:|| ||

"Imam bhikkhave rattim annatara devata abhikkantaya rattiya abhikkantavanna kevalakappam Jetavanam obhasetva yenaham ten'upasankami.|| ||

Upasankamitva mam abhivadetva eka-m-antam atthasi.|| ||

Eka-m-antam thita kho bhikkhave sa devata mam etad avoca:|| ||

"Cha yime bhante dhamma bhikkhuno aparihanaya samvattanti.|| ||

Katame cha?|| ||

Satthu-garavata,||
dhamma-garavata,||
sangha-garavata,||
sikkha-garavata,||
sovacassata,||
kalyanamittata.|| ||

Ime kho bhante cha dhamma bhikkhuno aparihanaya samvattantiti" ti.|| ||

Idam avoca bhikkhave sa devata.|| ||

Idam vatva mam abhivadetva padakkhinam katva tatth'ev'antaradhayi" ti.|| ||

 


 

3. Evam vutte ayasma Sariputto Bhagavantam etad avoca:|| ||

"Imassa kho aham bhante Bhagavata sankhittena bhasitassa evam vittharena attham ajanami:|| ||

Idha bhante bhikkhu||
attana ca satthu-garavo hoti||
satthu-garavataya ca vannavadi,||
ye c'anne bhikkhu na satthu-garava,||
te ca satthu-garavataya samadapeti,||
ye canne bhikkhu satthu-garava,||
tesan ca vannam bhanati bhutam taccham kalena.|| ||

Attana ca dhamma-garavo hoti||
dhamma-garavataya ca vannavadi,||
ye c'anne bhikkhu na dhamma-garava,||
te ca dhamma-garavataya samadapeti,||
ye canne bhikkhu dhamma-garava,||
tesan ca vannam bhanati bhutam taccham kalena.|| ||

Attana ca sangha-garavo hoti||
sangha-garavataya ca vannavadi,||
ye c'anne bhikkhu na sangha-garava,||
te ca sangha-garavataya samadapeti,||
ye canne bhikkhu sangha-garava,||
tesan ca vannam bhanati bhutam taccham kalena.|| ||

Attana ca sikkha-garavo hoti||
sikkha-garavataya ca vannavadi,||
ye c'anne bhikkhu na sikkha-garava,||
te ca sikkha-garavataya samadapeti,||
ye canne bhikkhu sikkha-garava,||
tesan ca vannam bhanati bhutam taccham kalena.|| ||

Attana ca suvaco hoti[ed1]||
suvacaya ca vannavadi,||
ye c'anne bhikkhu na suvaca,||
te ca suvacaya samadapeti,||
ye canne bhikkhu suvaca,||
tesan ca vannam bhanati bhutam taccham kalena.|| ||

Attana ca kalyanamitto hoti||
kalyanamittaya ca vannavadi,||
ye c'anne bhikkhu na kalyanamitta,||
te ca kalyanamittaya samadapeti,||
ye canne bhikkhu kalyanamitta,||
tesan ca vannam bhanati bhutam taccham kalena.|| ||

Imassa kho aham bhante Bhagavata sankhitte bhasitassa evam vittharena attha ajanami" ti.

 


 

4. "Sadhu sadhu Sariputta,||
sadhu kho tvam Sariputta||
imassa maya sankhittena bhasitassa evam vittharena attham ajanasi.

Idha Sariputta bhikkhu||
attana ca satthu-garavo hoti||
satthu-garavataya ca vannavadi,||
ye c'anne bhikkhu na satthu-garava,||
te ca satthu-garavataya samadapeti,||
ye canne bhikkhu satthu-garava,||
tesan ca vannam bhanati bhutam taccham kalena.|| ||

Attana ca dhamma-garavo hoti||
dhamma-garavataya ca vannavadi,||
ye c'anne bhikkhu na dhamma-garava,||
te ca dhamma-garavataya samadapeti,||
ye canne bhikkhu dhamma-garava,||
tesan ca vannam bhanati bhutam taccham kalena.|| ||

Attana ca sangha-garavo hoti||
sangha-garavataya ca vannavadi,||
ye c'anne bhikkhu na sangha-garava,||
te ca sangha-garavataya samadapeti,||
ye canne bhikkhu sangha-garava,||
tesan ca vannam bhanati bhutam taccham kalena.|| ||

Attana ca sikkha-garavo hoti||
sikkha-garavataya ca vannavadi,||
ye c'anne bhikkhu na sikkha-garava,||
te ca sikkha-garavataya samadapeti,||
ye canne bhikkhu sikkha-garava,||
tesan ca vannam bhanati bhutam taccham kalena.|| ||

Attana ca suvaco hoti||
suvacaya ca vannavadi,||
ye c'anne bhikkhu na suvaca,||
te ca suvacaya samadapeti,||
ye canne bhikkhu suvaca,||
tesan ca vannam bhanati bhutam taccham kalena.|| ||

Attana ca kalyanamitto hoti||
kalyanamittaya ca vannavadi,||
ye c'anne bhikkhu na kalyanamitta,||
te ca kalyanamittaya samadapeti,||
ye canne bhikkhu kalyanamitta,||
tesan ca vannam bhanati bhutam taccham kalena.|| ||

Imassa kho Sariputta maya sankhittena bhasitassa evam vittharena attho datthabbo" ti.|| ||

 


[ed1] This is just a guess at the construction of this paragraph and should be checked.

 


Contact:
E-mail
Copyright Statement