Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
VIII. Arahatta Vagga

Sutta 84

Ratatidivasa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Chahi bhikkhave dhammehi samannagatassa bhikkhuno ya ratti va divaso va agacchati,||
haniyeva patikankha kusalesu dhammesu||
no vuddhi.|| ||

Katamehi chahi?|| ||

Idha, bhikkhave, bhikkhu||
mahiccho hoti vighatava asantuttho itaritara-civara-pindapata-senasana-gilana-paccaya-bhesajja-parikkharena;||
assaddho hoti;||
dussilo hoti;||
kusito hoti;||
mutthassati hoti;||
duppanno hoti.|| ||

Imehi kho bhikkhave chahi dhammehi samannagatassa bhikkhuno ya rattiva divaso va agacchati,||
haniyeva patikankha kusalesu dhammesu||
no vuddhi.|| ||

 


 

Chahi bhikkhave dhammehi samannagatassa bhikkhuno ya ratti va divaso va agacchati,||
vuddhiyeva patikankha kusalesu dhammesu||
no parihani.|| ||

Katamehi chahi?|| ||

Idha, bhikkhave, bhikkhu||
na mahiccho hoti na vighata va santuttho itaritara-civara-pindapata-senasana-gilana-paccaya-bhesajja-parikkharena;||
saddho hoti;||
silava hoti;||
araddhaviriyo hoti;||
satima hoti;||
pannava hoti.|| ||

Imehi kho bhikkhave chahi dhammehi samannagatassa bhikkhuno ya ratti va divaso va agacchati,||
vuddhiyeva patikankha kusalesu dhammesu||
no parihani" ti.|| ||

 


Contact:
E-mail
Copyright Statement