Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
IX. Siti Vagga

Sutta 85

Sitibhava Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Chahi bhikkhave dhammehi samannagato bhikkhu abhabbo anuttaram sitibhavam sacchikatum.|| ||

Katame chahi?|| ||

Idha, bhikkhave, bhikkhu yasmim samaye cittam niggahetabbam,||
tasmim samaye cittam na nigganhati.|| ||

Yasmim samaye cittam paggahetabbam,||
tasmim samaye cittam na pagganhati,||
yasmim samaye cittam sampahamsitabbam,||
tasmim samaye cittam na sampahamsati,||
yasmim samaye cittam ajjhupekkhitabbam,||
tasmim samaye cittam na ajjhupekkhati.|| ||

Hinadhimuttiko ca hoti sakkayadhirato ca.|| ||

Imehi kho bhikkhave chahi dhammehi samannagato bhikkhu abhabbo anuttaram sitibhavam sacchikatum.|| ||

Chahi bhikkhave dhammehi samannagato bhikkhu bhabbo anuttaram sitibhavam sacchikatum.|| ||

Katamehi chahi?|| ||

Idha, bhikkhave, bhikkhu yasmim samaye cittam niggahetabbam,||
tasmim samaye cittam na nigganhati.|| ||

Yasmim samaye cittam paggahetabbam,||
tasmim samaye cittam na pagganhati,||
yasmim samaye cittam sampahamsitabbam,||
tasmim samaye cittam na sampahamsati,||
yasmim samaye cittam ajjhupekkhitabbam,||
tasmim samaye cittam na ajjhupekkhati.|| ||

Panitadhimuttiko ca hoti nibbanadhirato ca.|| ||

Imehi kho bhikkhave chahi dhammehi samannagato bhikkhu bhabbo anuttaram sitibhavam sacchikatunti.|| ||

 


Contact:
E-mail
Copyright Statement