Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
IX. Siti Vagga

Sutta 95

Catuttha Abhabbatthana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cha yimani bhikkhave abhabbatthanani.|| ||

Katamani cha?|| ||

Abhabbo ditthisampanno puggalo||
sayamkatam sukhadukkham paccagantum;||
abhabbo ditthisampanno puggalo||
paramkatam sukhadukkham paccagantum;||
abhabbo ditthisampanno puggalo||
sayamkatan ca paramkatan ca sukhadukkham paccagantu;||
abhabbo ditthisampanno puggalo||
asayamkaram adhicca-samuppannam sukhadukkham paccagantum;||
abhabbo ditthisampanno puggalo||
aparamkaram adhicca-samuppannam sukhadukkham paccagantu;||
abhabbo ditthisampanno puggalo||
asayamkaran ca aparamkaran ca adhicca-samumpannam sukhadukkham paccagantum.|| ||

Tam kissa hetu?|| ||

Tatha hi'ssa bhikkhave ditthisampannassa puggalassa hetu ca sudittho.||
hetusamuppanna ca dhamma.|| ||

Imani kho bhikkhave cha abhabbatthanani" ti.|| ||

 


Contact:
E-mail
Copyright Statement