Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Chakkanipata
X. Anisamsa Vagga

Suttas 102-104

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

Sutta 102

Anisamsa Suttam

[102.1][pts][than]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cha bhikkhave anisamse sampassamanena alam eva bhikkhuna sabbasankharesu anodhim karitva aniccasannam upatthapetum.|| ||

Katame cha?|| ||

Sabbasankhara ca me anavatthitato khayissanti,||
sabbaloke ca me mano nabhiramissati,||
sabbaloka ca me mano vutthahi'ssati.|| ||

Nibbanaponam ca me manasam bhavissati,||
samyojana ca me pahanam gacchanti,||
paramena ca samannena samannagato bhavissati ti.|| ||

Ime kho bhikkhave cha anisamse sampassamanena alam eva bhikkhuna sabbasankharesu anodhim karitva aniccasannam upatthapetun ti.|| ||

 

§

 

Sutta 103

Ukkhittasika Suttam

[103.1][pts][than]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cha bhikkhave anisamse sampassamanena alam eva bhikkhuna sabbasankharesu anodhim karitva dukkhasannam upatthapetum.|| ||

Katame cha?|| ||

Sabbasankharesu ca me nibbidasanna paccupatthita bhavissati seyyatha pi ukkhittasike vadhake.|| ||

Sabbaloka ca me mano vutthahi'ssati.|| ||

Nibbane ca santadassavi bhavissami.|| ||

Anusaya ca me samugghatam gacchanti.|| ||

Kiccakari ca bhavissami.|| ||

Sattha ca me paricinno bhavissati mettavatayati.|| ||

Ime kho bhikkhave cha anisamse sampassamanena alam eva bhikkhuna sabbasankharesu anodhim karitva dukkhasannam upatthapetunti.

 

§

 

Sutta 104

Atammaya Suttam

[104.1][pts][than]Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cha bhikkhave anisamse sampassamanena alam eva bhikkhuna sabbasankharesu anodhim karitva anattasannam upatthapetum|| ||

Katame cha?|| ||

Sabbaloke ca atammayo bhavissami.|| ||

Ahankara ca me uparujjhi'ssanti.|| ||

Mamankara ca me uparujjhi'ssanti.|| ||

Asadharanena ca nanena samannagato bhavissami.|| ||

Hetuca me sudittho bhavissati,||
hetusamuppanna ca dhamma.|| ||

Ime kho bhikkhave cha anisamse sampassamanena alam eva bhikkhuna sabbasankharesu anodhim karitva anattasannam upatthapetunti.|| ||

 


Contact:
E-mail
Copyright Statement