Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata

Sutta 37

Patisambhida Suttam[ed1]

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] EVAM ME SUTAM.|| ||

Ekam samayam Bhagava Savatthiyam viharati.|| ||

Sattahi bhikkhave, dhammehi samannagato bhikkhu na cirass'eva catasso patisambhida sayam abhinna sacchikatva upasampajja vihareyya.|| ||

Katamehi sattahi?|| ||

2. Idha, bhikkhave, bhikkhu 'idam me cetaso linattan' ti yathabhutam pajanati.|| ||

Ajjhattam sankhittam va cittam 'ajjhattam me sankhittam cittan' ti yathabhutam pajanati.|| ||

Bahiddha vikkhittam va cittam 'bahiddha me vikkhittam cittan' ti yathabhutam pajanati.|| ||

Tassa vidita vedana uppajjanti, vidita upatthahanti, vidita abbhattham gacchanti.|| ||

Vidita sanna uppajjanti, vidita upatthahanti, vidita abbhattham gacchanti.|| ||

Vidita vitakka uppajjanti, vidita upatthahanti, vidita abbhaththam gacchanti.|| ||

Sappayasappayesu kho pan'assa dhammesu hinappanitesu kanhasukkasappatibhagesu nimittam suggahitam hoti sumanasikatam supadharitam suppatividitam pannaya.|| ||

Imehi kho bhikkhave, sattahi dhammehi samannagato bhikkhu na cirass'eva catasso patisambhida sayam abhinna sacchikatva upasampajja vihareyya" ti.|| ||

Sattahi bhikkhave, dhammehi samannagato Sariputto catasso patisamrabhida sayam abhinna sacchikatva upasamjja viharati.|| ||

Katamehi sattahi?|| ||

Idha, bhikkhave, bhikkhu 'idam me cetaso linattan' ti yathabhutam pajanati.|| ||

Ajjhattam sankhittam va cittam 'ajjhattam me sankhittam cittan' ti yathabhutam pajanati.|| ||

Bahiddha vikkhittam va cittam 'bahiddha me vikkhittam cittan' ti yathabhutam pajanati.|| ||

Tassa vidita vedana uppajjanti, vidita upatthahanti, vidita abbhattham gacchanti.|| ||

Vidita sanna uppajjanti, vidita upatthahanti, vidita abbhattham gacchanti.|| ||

Vidita vitakka uppajjanti, vidita upatthahanti, vidita abbhaththam gacchanti.|| ||

Sappayasappayesu kho pan'assa dhammesu hinappanitesu kanhasukkasappatibhagesu nimittam suggahitam hoti sumanasikatam supadharitam suppatividitam pannaya.|| ||

Imehi kho bhikkhave sattahi dhammehi samannagato Sariputto catasso patisambhida sayam abhinna sacchikatva upasampajja viharati" ti.

 


[ed1] BJT has this as two suttas.

 


Contact:
E-mail
Copyright Statement