Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata

Sutta 48

Samyogavisamyoga Dhammapariyaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][ati][upal] EVAM ME SUTAM.|| ||

Ekam samayam Bhagava Savatthiyam viharati.|| ||

Samyogavisamyogam vo bhikkhave,||
dhamma-pariyayam desissami.|| ||

Tam sunatha sadhukam manasikarotha bhasissamiti.|| ||

Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

Katamo ca so bhikkhave samyogavisamyogo dhamma-pariyayo?|| ||

Itthi bhikkhave ajjhattam itthindriyam manasikaroti itthikuttam itthakappam itthividham itthicchandam itthi'ssaram itthalankaram sa tattha rajjati, tatrabhiramati.|| ||

Sa tattha ratta tatrabhirata bahiddha purisindriyam manasikaroti purisakuttam purisakappam purisavidham purisacchandam purisassaram purisalankaram.|| ||

Sa tattha rajjati tatrabhiramati.|| ||

Sa tattha ratta tatrabhirata bahiddha sa yogam akankhati.|| ||

Yan c'assa samyogapaccaya uppajjati sukham menassa, tan ca akankhati.|| ||

Itthatte bhikkhave, abhirata satta purisesu samyogam gata.|| ||

Evam kho bhikkhave, itthi itthattam nativattati.|| ||

Puriso bhikkhave, ajjhattam purisindriyam manasikaroti purisakuttam purisakappam purisavidham purisacchandam purisassaram purisalankaram.|| ||

So tattha rajjati tatrabhiramati.|| ||

So tattha ratto tatrabhirato bahiddha itthindriyam manasikaroti ittikuttam itthakappam itthividham itthicchandam itthi'ssaram itthalankaram.|| ||

So tattha rajjati tatrabhiramati.|| ||

So tattha ratto tatrabhirato bahiddha samyogam akankhati.|| ||

Yan c'assa samyogapaccaya uppajjati sukham somanassam, tan ca akankhati.|| ||

Purisatte bhikkhave, abhirata satta itthisu samyogam gata.|| ||

Evam kho bhikkhave, purise purisattam nativattati.|| ||

Evam kho bhikkhave, samyogo hoti.|| ||

Kathan ca bhikkhave, visamyogo hoti?|| ||

Itti bhikkhave, ajhattam itthindriyam na manasikaroti ittikuttam itthakappam itthividham itthicchandam itthi'ssaram itthalankaram.|| ||

Sa tattha na rajjati.|| ||

Tattha nabhiramati.|| ||

Sa tattha aratta tatra anabhirata bahiddha purisindriyam na manasikaroti purisakuttam purisakappam purisavidham purisacchandam purisassaram purisalankaram.|| ||

Sa tattha na rajjati, tattha nabhiramati.|| ||

Sa tattha aratta tatra anabhirata bahiddha samyogam nakankhati.|| ||

Yam vassa samyogapaccayauppajjati sukham somanassam, tan ca nakankhati.|| ||

Itthatte kho bhikkhave, anabhirata satta purisesu visamyogam gata.|| ||

Evam kho bhikkhave, itthi itthattam ativattati.|| ||

Puriso bhikkhave, ajjhattam purisindriyam na manasikaroti purisakuttam purisakappam purisavidham purisacchandam purisassaram purisalankaram.|| ||

So tattha na rajjati tatrabhiramati.|| ||

So tattha ratto tatra anabhirato bahiddha itthindriyam namanasikaroti ittikuttam itthakappam itthividham itthicchandam itthi'ssaram itthalankaram.|| ||

So tattha na rajjati, tatrabhiramati.|| ||

So tattha aratto tatrabhirato bahiddha samyogam akankhati.|| ||

Yan c'assa samyogapaccaya uppajjati sukham somanassam, tan ca nakankhati.|| ||

Purisatte bhikkhave, anabhirata satta itthisu visamyogam gata.|| ||

Evam kho bhikkhave, purise purisattam ativattati.|| ||

Evam kho bhikkhave, visamyogo hoti.|| ||

Ayam kho bhikkhave, samyoga visamyogo dhamma-pariyayo ti.|| ||

 


Contact:
E-mail
Copyright Statement