Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata
Avyakata Vaggo

Sutta 51

Avyakatavatthu Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][bd] EVAM ME SUTAM.||
Ekam samayam Bhagava Savatthi|| ||

Atha kho annataro bhikkhu yena Bhagava ten'upasankami.||
Upasankamitva Bhagavantam abhivadetva [68] eka-m-antam nisidi.|| ||

Eka-m-antam nisinno kho so bhikkhu Bhagavantam etad avoca:|| ||

'Ko nu kho bhante, hetu ko paccayo, yena sutavato ariyasavakassa vicikiccha n'uppajjati avyakatavatthusu' ti?|| ||

[2][pts][bd] Ditthinirodha kho bhikkhu, sutavato ariyasavakassa vicikiccha n'uppajjati avyakatavatthusu.|| ||

"Hoti Tathagato param marana" ti||
kho bhikkhu, ditthigatam etam.|| ||

"Na hoti Tathagato param marana" ti||
kho bhikkhu ditthigatam etam.|| ||

"Hoti ca na hoti ca Tathagato param marana" ti||
kho bhikkhu, ditthigatam etam.|| ||

"N'eva hoti na na hoti Tathagato param marana" ti||
kho bhikkhu ditthigatam etam.|| ||

Assutava bhikkhu, puthujjano dittim nappajanati,||
ditthisamudayam nappajanati,||
dittinirodham nappajanati,||
dittinirodhagaminim patipadam nappajanati.|| ||

Tassa sa ditti pavaddhati.|| ||

So na parimuccati jatiya jaraya maranena sokehi paridevehi dukkhehi domanassehi upayasehi,||
na parimuccati dukkhasmati vadami.|| ||

Sutava va kho bhikkhu, ariyasavako ditthim pajanati,||
ditthisamudayam pajanati,||
dittinirodham pajanati,||
ditthinirodhagaminim patipadam pajanati.|| ||

Tassa sa ditthi nirujjhati.|| ||

So parimuccati jatiya jaraya maranena sokehi paridevehi dukkhehi domanassehi upayayehi,||
parimuccati dukkhasmati vadami.|| ||

Evam janam kho bhikkhu, sutava ariyasavako evam passam||
"Hoti Tathagato param marana" ti pi na vyakaroti.|| ||

"Na hoti Tathagato param marana" ti pi na vyakaroti.|| ||

"Hoti ca na hoti ca Tathagato param marana" ti pi na vyakaroti.|| ||

"N'eva hoti na na hoti Tathagato param marana" ti pi na vyakaroti.|| ||

Evam janam kho bhikkhu, sutava ariyasavako evam passam evam avyakaranadhammo hoti avyakatavatthusu.|| ||

Evam janam kho bhikkhu, sutava ariyasavako evam passam nacchamhati, na kampati, na calati, na vedhati, na santasam apajjati avyakatavatthusu.|| ||

"Hoti Tathagato param marana" ti||
kho bhikkhu,||
tanhagatam etam,||
sanna- [69] gatam etam,||
mannitam etam,||
papancitam etam,||
upadanagatam etam,||
vippatisaro eso.|| ||

"Na hoti Tathagato param marana" ti||
kho bhikkhu tanhagatam etam,||
sannagatam etam,||
mannitam etam,||
papancitam etam,||
upadanagatam etam,||
vippatisaro eso.|| ||

"Hoti ca na hoti ca Tathagato param marana" ti||
kho bhikkhu tanhagatam etam,||
sannagatam etam,||
mannitameta,||
papancitam etam,||
upadanagatam etam vippatisaro eso.|| ||

"N'eva hoti na na hoti Tathagato param marana" ti||
kho bhikkhu tanhagatam etam||
sannagatam etam,||
mannitam etam,||
papancitam etam,||
upadanagatam etam||
vippatisaro eso.|| ||

Assutava bhikkhu, puthujjano vippatisaram nappajanati.|| ||

Vippatisara samudayam nappajanati,||
vippatisaranirodham nappajanati,||
vippatisaranirodha gaminim patipadam nappajanati.|| ||

Tassa so vippatisaro pavaddhati.|| ||

So na parimuccati jatiya jaraya maranena sokehi paridevehi dukkhehi domanassehi upayasehi.|| ||

Na parimuccati dukkhasma ti vadami.|| ||

Sutava ca kho bhikkhu, ariyasavako vippatisaram pajanati.|| ||

Vippatisara samudayam pajanati,||
vippatisaranirodham pajanati,||
vippatisaranirodha gaminim patipadam pajanati.|| ||

Tassa so vippatisaro nirujjhati.|| ||

So parimuccati jatiya jaraya maranena sokehi paridevehi dukkhehi domanassehi upayasehi.|| ||

Parimuccati dukkhasma ti vadami.|| ||

Evam janam kho bhikkhu, sutava ariyasavako evam passam||
"Hoti Tathagato param marana" ti||
pi na vyakaroti.|| ||

"Na hoti Tathagato param marana" ti||
pi na vyakaroti.|| ||

"Hoti ca na ca hoti Tathagato param marana" ti||
pi na vyakaroti.|| ||

"N'eva hoti na na hoti Tathagato param marana" ti||
pi na vyakaroti.|| ||

Evam janam kho bhikkhu, sutava ariyasavako evam passam evam avyakaranadhammo hoti avyakatavatthusu.|| ||

Evam janam kho bhikkhu, sutava ariyasavako evam passam nacchambhati, na kampati na calati, na vedhati, na santasam apajjati avyakatavatthusu.|| ||

[70] Ayam kho bhikkhu, hetu ayam paccayo yena sutavato ariyasavakassa vicikiccha n'uppajjati avyakatavatthusu' ti.|| ||

 


Contact:
E-mail
Copyright Statement