Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata
Avyakata Vaggo

Sutta 53

Tissa Brahma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] EVAM ME SUTAM.|| ||

Ekam samayam Bhagava Rajagahe viharati Gijjhakute pabbate.|| ||

Atha kho dve devata abhikkantaya rattiya abhikkantavanna kevalakappam Gijjhakutam obhasetva yena Bhagava ten'upasankamimsu.|| ||

Upasankamitva Bhagavantam abhivadetva eka-m-antam atthamsu.|| ||

Eka-m-antam thita kho eka devata Bhagavantam etad avoca:|| ||

'Eta bhante bhikkhuniyo vimutta' ti.|| ||

Apara devata Bhagavantam etad avoca:|| ||

'Eta bhante bhikkhuniyo anupadisesa suvimutta' ti.|| ||

Idam avocum ta devata.|| ||

Samanunno Sattha ahosi.|| ||

Atha kho ta devata||
'samanunno Sattha' ti||
Bhagavantam abhivadetva padakkhinam katva tatth'ev'antaradhayimsu.|| ||

Atha kho Bhagava tassa rattiya accayena bhikkhu amantesi:|| ||

'Imam bhikkhave, rattim dve devata abhikkantaya rattiya abhikkantavanna kevalakappam Gijjhakutam obhasetva yenaham ten'upasankamimsu.|| ||

Upasankamitva mam abhivadetva eka-m-antam atthamsu.|| ||

Eka-m-antam thita kho bhikkhave eka devata mam etad avoca:|| ||

'Eta bhante, bhikkhuniyo vimutta' ti.|| ||

Apara devata mam etad avoca:|| ||

'Eta bhante, bhikkhuniya anupadisesa suvimutta' ti.|| ||

Idam avocum bhikkhave, ta devata.|| ||

Idam vatva mam abhivadetva padakkhinam katva tatth'ev'antaradhayimsu' ti.|| ||

2. Tena kho pana samayena ayasma Maha Moggallano Bhagavato avidure nisinno hoti.|| ||

Atha kho ayasmato Maha Moggallanassa etad ahosi:|| ||

'Katamesanam kho devanam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti.|| ||

Tena kho pana samayena Tisso nama bhikkhu adhuna kalakato annataram Brahmalokam upapanno hoti.|| ||

Tatra pi nam evam jananti 'Tisso Brahma mahiddiko mahanubhavo' ti.|| ||

Atha kho ayasma Maha Moggallano seyyatha pi nama balava puriso samminjitam va baham pasareyya,||
pasaritam va baham samminjeyya,||
evam eva Gijjhakute pabbate antarahito tasmim Brahmaloke paturahosi.|| ||

Addasa kho Tisso Brahma ayasmantam Maha Moggallanam durato'va agacchantam,||
disva ayasmantam Maha Moggallanam etad avoca:|| ||

'Ehi kho marisa Moggallana,||
svagatam marisa Moggallana,||
cirassam kho marisa Moggallana,||
imam pariyayam akasi,||
yad idam idhagamanaya.|| ||

Nisida marisa Moggallana,||
idam asanam pannattan' ti.|| ||

Nisidi kho ayasma Maha Moggallano pannatte asane.|| ||

Tisso pi kho Brahma ayasmantam Maha Moggallanam abhivadetva eka-m-antam nisidi.|| ||

Eka-m-antam nisinnam kho Tissam Brahmanam ayasma Maha Moggallano etad avoca:|| ||

'Katamesanam kho Tissa,||
devanam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti?|| ||

'Brahmakayikanam kho marisa Moggallana,||
devanam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti.|| ||

'Sabbesam yeva kho Tissa,||
Brahmakayikanam devanam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti?|| ||

3. Na kho marisa Moggallana,||
sabbesam Brahmakayikanam devanam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti.|| ||

Ye kho te marisa Moggallana,||
Brahmakayika deva brahmena ayuna santuttha,||
brahmena vannena||
brahmena sukhena||
brahmena yasena||
brahmena adhipateyyena santuttha,||
tassa ca uttarim nissaranam yathabhutam na ppajananti,||
tesam na evam nanam hoti:|| ||

Sa upadisese va sa upadiseso ti,||
anupadisese va anupadiseso' ti.|| ||

Ye ca kho te marisa Moggallana,||
Brahmakayika deva brahmena ayuna asantuttha,||
brahmena vannena||
brahmena sukhena||
brahmena yasena||
brahmena adhipateyyena asantuttha,||
tassa ca uttarim nissaranam yathabhutam pajananti,||
tesam evam nanam hoti:|| ||

Sa upadisese va sa upadiseso ti,||
anupadisese va anupadiseso' ti.|| ||

4. Idha marisa Moggallana bhikkhu ubhato bhagavimutto hoti,||
tam enam te deva evam jananti:|| ||

Ayam kho ayasma ubhato bhagavimutto,||
yav'assa kayo thassati,||
tava nam dakkhinti deva-manussa,||
kayassa bheda na nam dakkhinti deva-manussa ti.|| ||

Evam pi kho marisa Moggallana,||
tesam devanam evam nanam hoti:|| ||

Sa upadisese va sa upadiseso ti,||
anupadiseseva anupadiseso' ti.|| ||

5. Idha pana marisa Moggallana, bhikkhu pannavimutto hoti||
tam enam te deva evam jananti:|| ||

Ayam kho ayasma pannavimutto,||
yav'assa kayo thassati,||
tava nam dakkhinti deva-manussa,||
kayassa bheda na nam dakkhinti deva-manussa ti.|| ||

Evam pi kho marisa Moggallana,||
tesam devanam nanam hoti:|| ||

Anupadiseseva anupadiseso' ti.|| ||

6. Idha pana marisa Moggallana bhikkhu kayasakkhi hoti||
tam enam te deva evam jananti:|| ||

Ayam ko ayasma kayasakkhi,||
app eva nama ayam ayasma anulomikani senasanani patisevamano kalyanamitte bhajamano indriyani samannanayamano,||
yass'atthaya kulaputta samma-d-eva agarasma anagariyam pabbajanti,||
tad anuttaram brahmacariyapariyosanam ditthe va dhamme sayam abhinna sacchikatva upasampajja vihareyya ti.|| ||

Evam pi kho marisa Moggalana,||
tesam devanam nanam hoti:|| ||

Sa upadiseseva sa upadiseso' ti.|| ||

7. Idha pana marisa Moggallana bhikkhu ditthappatto hoti||
Tam enam te deva evam jananti:|| ||

Ayam ko ayasma ditthappatto,||
app eva nama ayam ayasma anulomikani senasanani patisevamano kalyanamitte bhajamano indriyani samannanayamano,||
yass'atthaya kulaputta samma-d-eva agarasma anagariyam pabbajanti,||
tad anuttaram brahmacariyapariyosanam ditthe va dhamme sayam abhinna sacchikatva upasampajja vihareyya ti.|| ||

Evam pi kho marisa Moggalana,||
tesam devanam nanam hoti:|| ||

Sa upadiseseva sa upadiseso' ti.|| ||

8. Idha pana marisa Moggallana bhikkhu saddhavimutto hoti||
tam enam te deva evam jananti:|| ||

Ayam ko ayasma saddhavimutto,||
app eva nama ayam ayasma anulomikani senasanani patisevamano kalyanamitte bhajamano indriyani samannanayamano,||
yass'atthaya kulaputta samma-d-eva agarasma anagariyam pabbajanti,||
tad anuttaram brahmacariyapariyosanam ditthe va dhamme sayam abhinna sacchikatva upasampajja vihareyya ti.|| ||

Evam pi kho marisa Moggalana,||
tesam devanam nanam hoti:|| ||

Sa upadiseseva sa upadiseso' ti.|| ||

9. Idha pana marisa Moggallana bhikkhu dhammanusari hoti||
tam enam te deva evam jananti:|| ||

Ayam ko ayasma dhammanusari,||
app eva nama ayam ayasma anulomikani senasanani patisevamano kalyanamitte bhajamano indriyani samannanayamano,||
yass'atthaya kulaputta samma-d-eva agarasma anagariyam pabbajanti,||
tad anuttaram brahmacariyapariyosanam ditthe va dhamme sayam abhinna sacchikatva upasampajja vihareyya ti.|| ||

Evam pi kho marisa Moggalana,||
tesam devanam nanam hoti:|| ||

Sa upadiseseva sa upadiseso' ti.|| ||

10. Atha kho ayasma Maha Moggallano Tissassa Brahmuno bhasitam abhinanditva anumoditva,||
seyyatha pi nama balava puriso samminjitam va baham pasareyya,||
pasaritam va baham samminjeyya,||
evam eva Brahmaloke antarahito Gijjhakute pabbate paturahosi.|| ||

Atha kho ayasma Maha Moggallano yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Maha Moggallano,||
yavatako ahosi Tissena Brahmuna saddim kathasallapo,||
tam sabbam Bhagavato arocesi.|| ||

'Na hi pana te Moggallana Tisso Brahma sattamam animittaviharim puggalam desesi' ti.|| ||

'Etassa Bhagava kalo,||
etassa sugata kalo,||
yam Bhagava sattamam animittaviharim puggalam deseyya,||
Bhagavato sutva bhikkhu dharessanti' ti.|| ||

'Tena hi Moggallana sunahi,||
sadhukam||
manasikarohi,||
bhasissami ti.|| ||

'Evam bhante' ti kho ayasma Maha Moggallano Bhagavato paccassosi.|| ||

Bhagava etad avoca:|| ||

11. Idha Moggallana, bhikkhu sabbanimittanam amanasikara||
animittam ceto-samadhim upasampajja viharati||
tam enam te deva evam jananti:|| ||

Ayam kho ayasma sabbanimittanam amanasikara animittam ceto-samadhim upasampajja viharati||
app eva nama ayam ayasma anulomikani senasanani patisevamano kalyanamitte bhajamano indriyani samannanayamano,||
yass'atthaya kulaputta samma-d-eva agarasma anagariyam pabbajanti,||
tad anuttaram brahmacariyapariyosanam ditthe va dhamme sayam abhinna sacchikatva upasampajja vihareyya ti.|| ||

Evam kho Moggallana, tesam devanam nanam hoti:|| ||

Sa upadisese va sa upadiseso' ti.|| ||

 


Contact:
E-mail
Copyright Statement