Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata
Avyakata Vaggo

Sutta 54

Siha Senapati Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] EVAM ME SUTAM.|| ||

Ekam samayam Bhagava Vesaliyam viharati Mahavane Kutagarasalayam.|| ||

Atha kho Siho senapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Siho senapati Bhagavantam etad avoca:|| ||

'Sakka nu kho bhante sanditthikam danaphalam pannapetun' ti?|| ||

2. Tenhi Siha, tam yev'ettha patipucchissami.|| ||

Yatha te khameyya tatha nam vyakareyyasi.|| ||

Tam kim mannasi Siha?|| ||

Idh'assa dve purisa,||
eko puriso assaddho macchari kadariyo paribhasako,||
eko puriso saddho danapati anuppadanarato.|| ||

Tam kim mannasi Siha?|| ||

Kam nu kho arahanto pathamam anukampanta anukampeyyum:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante, puriso assaddho macchari kadariyo paribhasako,||
kin tam arahanto pathamam anukampanta anukampessanti?|| ||

Yo ca kho so bhante, puriso saddho danapati anuppadanarato,||
tam yeva arahanto pathamam anukampanta anukampeyyum.|| ||

3. Tam kim mannasi Siha?|| ||

Kam nu kho arahanto pathamam upa sankamanta upasankameyyum:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante, puriso assaddho machchari kadariyo paribhasako,||
kim tam arahanto pathamam upasankamanta upasankamissanti?|| ||

Yo ca kho so bhante, puriso saddho danapati anuppadanarato,||
tam yeva arahanto pathamam upasankamanta upasankameyyum'.|| ||

4. Tam kim mannasi Siha?|| ||

Kassa nu kho arahanto pathamam patiganhanta patiganheyyum:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante, puriso assaddho machchari kadariyo paribhasako,||
kim tassa arahanto pathamam upasankamanta upasankamissanti?|| ||

Yo ca kho so bhante, puriso saddho danapati anuppadanarato,||
tass'eva arahanto pathamam patiganhanta patiganheyyum'.|| ||

5. Tam kim mannasi Siha?|| ||

Kassa nu kho arahanto pathamam dhammam desenta deseyyum:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante, puriso assaddho machchari kadariyo paribhasako,||
kim tassa arahanto pathamam dhammam desenta desissanti?|| ||

Yo ca kho so bhante, puriso saddho danapati anuppadanarato,||
tass'eva arahanto pathamam dhammam desenta deseyyum'.|| ||

6. Tam kim mannasi Siha?|| ||

Kassa nu kho kalyano kittisaddo abbhuggaccheyya:||
yo va so puriso assaddho machchari kadariyo parihasako,||
yo va puriso saddho danapati anuppadanarato' ti?|| ||

'Yo so bhante, puriso assaddho macchari kadariyo paribhasako,||
kim tassa kalyano kittisaddo abbhuggacchissati?|| ||

Yo ca kho so bhante, puriso saddho danapati anuppadanarato,||
tass'eva kalyano kittisaddo abbhuggaccheyya.'|| ||

7. Tam kim mannasi Siha?|| ||

Ko nu kho yan nad eva parisam upasankameyya,||
yadi khattiyaparisam||
yadi brahmanaparisam||
yadi gahapatiparisam||
yadi samanaparisam,||
visarado upasankameyya amankubhuto:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante, puriso assaddho macchari kadariyo paribhasako,||
kim so yan nad eva parisam upasankamissati,||
yadi khattiyaparisam||
yadi brahmanaparisam||
yadi gahapatiparisam||
yadi samanaparisam,||
visarado upasankamati amankubhuto?|| ||

Yo ca kho so bhante, puriso saddho danapati anuppadanarato,||
so yan nad eva parisam upasankameyya||
yadi khattiyaparisam||
yadi brahmanaparisam||
yadi gahapatiparisam||
yadi samanaparisam,||
visarado upasankameyya amankubhuto'.|| ||

8. Tam kim mannasi Siha?|| ||

Ko nu ko kayassa bheda param marana sugatim saggam lokam upapajjeyya:||
yo va so puriso assaddho macchari kadariyo paribhasako,||
yo va puriso saddho danapati anuppadanarato' ti?|| ||

'Yo so bhante puriso assaddho macchari kadariyo paribhasako,||
kim so kayassa bheda param marana sugatim saggam lokam upapajjissati?|| ||

Yo ca ko so bhante, puriso danapati anuppadanarato,||
so kayassa bheda param marana sugatim saggam lokam upapajjeyya.'|| ||

9. 'Yanimani bhante, Bhagavata cha sanditthikani danaphalani akkhatani,||
naham ettha Bhagavato saddhaya gacchami -||
Aham p'etani janami.|| ||

Aham bhante, dayako danapati.|| ||

Mam arahanto pathamam anukampanta anukampanti.|| ||

Aham bhante, dayako danapati.|| ||

Mam arahanto pathamam upasankamanta upasankamanti.|| ||

Aham bhante, dayako danapati.|| ||

Mayham arahanto pathamam patiganhanta patiganhanti.|| ||

Aham bhante, dayako danapati.|| ||

Mayham arahanto pathamam dhammam desenta desenti.|| ||

Aham bhante, dayako danapati.|| ||

Mayham kalyano kitatisaddo abbhuggato:|| ||

"Siho senapati dayako karako sanghupatthako," ti.|| ||

Aham bhante, dayako danapati.|| ||

Yan nad eva parisam upasankamami,||
yadi khattiyaparisam,||
yadi brahmanaparisam,||
yadi gahapatiparisam||
yadi samanaparisam,||
visarado upasankamami amankubhuto.|| ||

Yanimani bhante, Bhagavata cha sanditthikani danaphalani akkhatani,||
naham ettha Bhagavato saddhaya gacchami -||
aham petani janami.|| ||

Yam ca kho mam bhante, Bhagava evam aha:|| ||

"Dayako Siha, danapati kayassa bheda param marana sugatim saggam lokam upapajjati" ti|| ||

etaham na janami.|| ||

Ettha ca panaham Bhagavato saddhaya gacchami' ti.|| ||

Evam etam Siha,||
evam etam Siha,||
dayako Siha, danapati kayassa bheda param marana sugatim saggam lokam upapajjati ti.|| ||

 


Contact:
E-mail
Copyright Statement