Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata
Avyakata Vaggo

Sutta 55

Arakkheyya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][olds] EVAM ME SUTAM.|| ||

Ekam samayam Bhagava Savatthiyam viharati.|| ||

Cattarimani bhikkhave, Tathagatassa arakkheyyani,||
tihi ca anupavajjo.|| ||

Katamani cattari Tathagatassa arakkheyyani?|| ||

2.1. Parisuddha-kaya-samacaro bhikkhave, Tathagato.|| ||

N'atthi Tathagatassa kayaduccaritam,||
yam Tathagato rakkheyya||
"ma me idam paro annasi" ti.|| ||

2.2. Parisuddha-vaci-samacaro bhikkhave, Tathagato.|| ||

N'atthi Tathagatassa vaciduccaritam,||
yam Tathagato rakkheyya||
"ma me idam paro annasi" ti.|| ||

2.3. Parisuddha-mano-samacaro bhikkhave, Tathagato.|| ||

N'atthi Tathagatassa manoduccaritam,||
yam Tathagato rakkheyya||
"ma me idam paro annasi" ti.|| ||

2.4. Parisuddha-jivo bhikkhave, Tathagato.|| ||

Natti Tathagatassa micchajivo||
yam Tathagato rakkheyya||
"ma me idam paro annasi" ti.|| ||

Imani cattari Tathagatassa arakkheyyani.|| ||

Katamehi tihi anupavajjo?|| ||

3.1. Svakkhatadhammo bhikkhave, Tathagato.|| ||

Tatra vata mam samano va brahmano va devo va Maro va Brahma va koci va lokasmim sahadhammena paticodessati:|| ||

"Iti pi te na svakkhatadhammo" ti.|| ||

Nimittam etam bhikkhave,||
na samanupassami.|| ||

Etam p'aham bhikkhave, nimittam asamanupassanto khemappatto abhayappatto vesarajjappatto viharami.|| ||

3.2. Supannatta kho pana me bhikkhave,||
savakanam nibbanagamini patipada,||
yatha patipanna mama savaka asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharanti.|| ||

Tatra vata mam samano va brahmano va devo va Maro va Brahma va koci va lokasmim sahadhammana paticodessati:|| ||

"Iti pi te na supannatta savakanam nibbanagamini patipada,||
yatha patipanna Tathagata savaka asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharanti" ti.|| ||

Nimittam etam bhikkhave,||
na samanupassami.|| ||

Etam p'aham bhikkhave, nimittam asamanupassanto khemappatto abhayappatto vesarajjappatto viharami.|| ||

3.3. Anekasata kho pana me bhikkhave,||
savakaparisa asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharanti.|| ||

Tatra vata mam samano va brahmano va devo va Maro va Brahma va koci va lokasmim sahadhammena paticodessati:|| ||

"Iti pi te na anekasata savakaparisa asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharanti" ti.|| ||

Nimittame tam bhikkhave,||
na samanupassami.|| ||

Etam p'aham bhikkhave, nimittam asamanupassanto khemappatto abhayappatto vesarajjappatto viharami.|| ||

Imehi tihi anupavajjo.|| ||

Imani kho bhikkhave, cattari Tathagatassa arakkheyyani.|| ||

Imehi tihi anupavajjo ti.|| ||

 


Contact:
E-mail
Copyright Statement