Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata

Sutta 58

Pacalayana suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts][ati][bd] Evam me sutam:|| ||

Ekam samayam Bhagava Bhaggesu viharati Sumsumaragire Bhesaka'avane Migadaye.|| ||

Tena kho pana samayena ayasma MahaMoggallano Magadhesu Kallava'amuttagame pacalayamano nisinno hoti.|| ||

Addasa kho Bhagava dibbena cakkhuna||
visuddhena atikkantamanusakena||
ayasmantam MahaMoggallanam Magadhesu Kallava'amuttagame pacalayamanam nisinnam.|| ||

Disva seyyatha pi nama balava puriso samminjitam va baham pasareyya,||
pasaritam va baham samminjeyya,||
evam eva Bhaggesu Sumsumaragire Bhesaka'avane Migadaye||
antarahito Magadhesu Kallava'amuttagame||
ayasmato MahaMoggallanassa pamukhe patu-r-ahosi.|| ||

Nisidi Bhagava pannatte asane.|| ||

Nisajja kho Bhagava ayasmantam MahaMoggallanam etad avoca.|| ||

'Pacalayasi no tvam Moggallana?||
Pacalayasi no tvam moggallana?' ti.|| ||

Evam bhante' ti.|| ||

[2][pts][ati][bd] Tasma ti ha tvam Moggallana,||
yatha sannissa te vivarato tam middham okkamati,||
tam sannam ma manasakasi.|| ||

[86] Tam sannam ma bahulam akasi:||
Thanam kho pan'etam vijjati,||
yam te evam viharato tam middham pahiyetha.|| ||

[3][pts][ati][bd] No ce te evam viharato tam middham pahiyetha,||
tato tvam Moggallana||
yathasutam yathapariyattam dhammam cetasa anuvitakkeyyasi,||
anuvicareyyasi,||
manasanupekkheyyasi.|| ||

Thanam kho pan'etam vijjati,||
yam te evam viharato tam middham pahiyetha.|| ||

[4][pts][ati][bd] No ce te evam viharato tam middham pahiyetha,||
tato tvam Moggallana,||
yathasutam yathapariyattam dhammam vittharena sajjhayam kareyyasi:||
Thanam kho pan'etam vijjati,||
yan te evam viharato tam middam pahiyetha.|| ||

[5][pts][ati][bd] No ce te evam viharato tam middham pahiyetha,||
tato tvam Moggallana,||
ubho kannasotani avijeyyasi panina gattani anumajjeyyasi.|| ||

Thanam kho pan'etam vijjati||
yam te evam viharato tam middham pahiyetha.|| ||

[6][pts][ati][bd] No ce te evam viharato tam middham pahiyetha,||
tato tvam Moggallana,||
utthay asana udakena akkhini anumajjitva disa anuvilokeyyasi.|| ||

Nakkhattani tarakarupani ullokeyyasi.|| ||

Thanam kho pan'etam vijjati||
yam te evam viharato tam middham pahiyetha.|| ||

[7][pts][ati][bd] No ce te evam viharato tam middham pahiyetha,||
tato tvam Moggallana,||
alokasannam manasikareyyasi,||
diva sannam adhittheyyasi.|| ||

Yatha diva tatha rattim||
yatha rattim tatha diva.|| ||

Iti vivatena cetasa apariyonaddhena sappabhasam cittam bhaveyyasi.|| ||

Thanam kho pan'etam vijjati||
yam te evam viharato tam middham pahiyetha.|| ||

[87] [8][pts][ati][bd] No ce te evam viharato tam middham pahiyetha,||
tato tvam Moggallana,||
pacchapuresanni cankamam adhittheyyasi||
antogatehi indriyehi,||
abahigatena manasena.|| ||

Thanam kho panatam vijjati||
yam te evam viharato tam middham pahiyetha.|| ||

[9][pts][ati][bd] No ce te evam viharato tam middham pahiyetha,||
tato tvam Moggallana||
dakkhinena passena sihaseyyam kappeyyasi padena padam accadhaya sato sampajano utthanasannam manasikaritva.|| ||

Patibuddhena ca te Moggallana,||
khippam yeva paccutthatabbam:||
'Na seyyasukham na phassukham na middhasukham anuyutto viharissami' ti.|| ||

Evam hi te Moggallana, sikkhitabbam.|| ||

[10][pts][ati][bd] Tasma ti ha Moggallana evam sikkhitabbam:||
'Na uccasondam paggahetva kulani upasankamissami' ti.|| ||

Evam hi te Moggallana,||
sikkhitabbam.|| ||

Sace Moggallana,||
bhikkhu uccasondam paggahetva kulani upasankamati,||
santi hi Moggallana,||
kulesu kiccakaraniyani yena manussa agatam bhikkhum na manasikaronti ti.|| ||

Tatra bhikkhussa evam hoti:||
'Ko su nama dani mam imasmim kule paribhindi,||
virattarupa'dan'ime mayi manussa?' ti.|| ||

Iti sa alabhena mankubhavo.|| ||

Mankubhutassa uddhaccam.|| ||

Uddhatassa asanvaro.|| ||

Asanvutassa ara cittam samadhimha.|| ||

Tasma ti ha Moggallana,||
evam sikkhitabbam:||
'Na viggahikakatham kathessami' ti.|| ||

Evam hi te Moggallana, sikkhitabbam.|| ||

Viggahikaya Moggallana kathaya sati katabahullam patikankham.|| ||

Kathabahulle sati uddhaccam.|| ||

Uddhatassa asanvaro.|| ||

Asamvutassa ara cittam samadhimha.|| ||

Naham Moggallana, sabbe h'eva sansaggam vannayami, na [88] panaham Moggallana sabbe h'eva sansaggam na vannayami.|| ||

Sagahatthapabbajitehi kho aham Moggallana sansaggam na vannayami.|| ||

Yani ca kho tani senasanani appasaddani appanigghosani vijanavatani manussarahaseyyakani patisallanasaruppani, tatharupehi senasanehi sansaggam vannayami' ti.|| ||

[11][pts][ati][bd] Evam vutte ayasma MahaMoggallano Bhagavantam etad avoca:||
'Kittavata nu kho bhante,||
bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho deva-manussanan' ti?|| ||

'Idha Moggallana, bhikkhuno sutam hoti||
sabbe dhamma nalam abhinivesaya ti.|| ||

Evam c'etam Moggallana, bhikkhuno sutam hoti||
sabbe dhamma nalam abhinivesaya ti.|| ||

So sabbam dhammam abhijanati,
so sabbam dhammam abhinnaya||
sabbam dhammam parijanati,
sabbam dhammam parinnaya yam kinci vedanam vediyati sukham va dukkham va adukkha-m-asukham va.|| ||

So tasu vedanasu aniccanupassi viharati,||
viraganupassi viharati,||
nirodhanupassi viharati,||
patinissagganupassi viharati.|| ||

So tasu vedanasu aniccanupassi viharanto,||
viraganupassi viharanto,||
nirodhanupassi viharanto,||
patinissagganupassi viharanto na ca kinci loke upadiyati.|| ||

Anupadiyam na paritassati.|| ||

Aparitassam paccattam yeva parinibkhayati.|| ||

Khina jati||
vusitam brahmacariyam||
katam karaniyam||
naparam itthattaya' ti pajanati.|| ||

Ettavata kho Moggallana, bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano. Settho deva-manussanan' ti.|| ||

 

§

 

Sutta 59a

Mapunnabhayi Suttam[1]

Ma bhikkhave, punnanam bhayittha.|| ||

Sukhassetam bhikkhave,||
adhivacanam yad idam punnanti.|| ||

1. Abhijanami kho panaham bhikkhave, digha-rattam katanam punnanam digha-rattam ittham kantam manapam vipakam paccanubhutam.|| ||

Sattavassani mettam cittam bhavesim.|| ||

Sattavassani mettam cittam bhavetva sattasamvatthavivattakappe nayimam lokam punaragamasim. Samvattamanassudaham bhikkhave,||
loke abhassarupago homi.|| ||

Vivattamane loke sunnam Brahma-vimanam upapajjami.|| ||

Tatra sudam bhikkhave,||
(sattakkhattum) Brahma homi Maha-Brahma abhibhu anabhibhuto annadatthu daso vasavatti.|| ||

Chattimsakkhattum kho panaham bhikkhave Sakko ahosim devanam indo.|| ||

Anekasatakkhattum raja ahosim cakkavatti dhammiko dhammaraja caturanto vijitavi janapadatthavariyappatto sattaratanasamannagato.|| ||

Tassa mayham bhikkhave,||
imani sattaratanani ahesum.|| ||

Seyyathidam:||
cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam.|| ||

Parosahassam kho pana me bhikkhave,||
putta ahesum sura virangarupa parasenappamaddana.|| ||

Soham imam pathavim sagarapariyan tam adandena asatthena dhammena ahivijiya ajjhavasinti.|| ||

 

Passa punnanam vipakam kusalanam sukhesino||
Mettam cittam vibhavetva sattavassani bhikkhave,||
Satta samvatta- vivattakappe nayimam lokam punagamam.|| ||

Samvattamane lokambhi homi abhassarupago,||
Vivattamane lokambhi sunnam brahmupago ahum.|| ||

Sattakkhattum Maha-Brahma vasavatti tada ahum.||
Chattimsakkhattum devindo devarajjamakarayim|| ||

Cakkavatti ahum raja Jambudipassa issaro||
Muddhavasitto khattiyo manussadhipati ahum.|| ||

Adandena asatthena vijeyya pathavim imam||
Asahasena dhammena samena anusasiyam.|| ||

Dhammena rajjam karetva asmim pathavimandale||
Mahaddhane mahabhoge addhe ajayisam kule|| ||

Sabbakamehi sampanno ratanehi ca sattahi,||
Buddha sangahaka loke tehi etam1 sudesitam.|| ||

Esa hetumahantassa pathavyo yena vuccati.||
Pahutavittupakarano raja homi patapava|| ||

Iddhima yasava homi jambusandassa issaro.||
Ko sutva nappasideyya api kanhabhijatiyo.|| ||

Tasma hi atthakamena mahattamabhikankhata||
Saddhammo garukatabbo saram buddhana sasanam.|| ||

 


[1] From here to the end as a separate sutta in BJT.

 


Contact:
E-mail
Copyright Statement