Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Sattaka Nipata

Sutta 65

Paricchattaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

 


 

[1][pts] EVAM ME SUTAM.|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi bhikkhavo ti.|| ||

Bhadante ti te bhikkhu Bhagavato paccassosum.|| ||

Bhagava etad avoca:|| ||

2. Yasmim bhikkhave, samaye devanam Tavatimsanam paricchattako kovilaro pandupalaso hoti,||
attamana bhikkhave, deva Tavatimsa tasmim samaye honti:|| ||

"Pandupalaso dani paricchattako kovilaro,||
na cirass'eva dani sattapalaso bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro sattapalaso hoti,||
attamana bhikkhave, deva Tavatimsa tasmim samaye honti:|| ||

"Sattapalaso dani paricchattako kovilaro,||
na cirass'eva dani jalakajato bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro jalakajato hoti,||
attamana bhikkhave, deva Tavatimsa tasmim samaye honti:|| ||

"Jalakajato dani paricchattako kovilaro,||
na cirass'eva dani kharakajato bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro kharakajato hoti,||
attamana bhikkhave, deva Tavatimsa tasmim samaye honti:|| ||

"Kharakajato dani paricchattako kovilaro,||
na cirass'eva dani kudumalakajato bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro kudumakajato hoti,||
attamana bhikkhave, deva Tavatimsa tasmim samaye honti:|| ||

"Kudumakajato dani paricchattako kovilaro,||
na cirass'eva dani kokasakajato bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro kokasakajato hoti,||
attamana bhikkhave, deva Tavatimsa honti:

"Kokasakajato dani paricchattako kovilaro,||
na cirass'eva dani sabbapaliphullo bhavissati" ti.|| ||

Yasmim bhikkhave, samaye devanam Tavatimsanam paricchattako kovilaro sabbapaliphullo hoti,||
attamana bhikkhave, deva Tavatimsa paricchattakassa kovilarassa mule dibba cattaro mase pancahi kama-gunehi samappita samangibhuta paricarenti.|| ||

Sabbapaliphullassa kho pana bhikkhave,||
paricchattakassa kovilarassa samanta pannasa yojanani abhaya phutam hoti.|| ||

Anuvatam yojanasatam gandho gacchati.|| ||

Ayam anubhavo paricchattakassa kovilarassa.|| ||

3. Evam eva kho bhikkhave, yasmim samaye ariyasavako agarasma anagariyam pabbajjaya ceteti,||
pandupalaso bhikkhave, ariyasavako tasmim samaye hoti devanam va Tavatimsanam paricchattako kovilaro.|| ||

Yasmim bhikkhave, samaye ariyasavako kesamassum oharetva kasayani vatthani acchadetva agarasma anagariyam pabbajito hoti,||
sattapalaso bhikkhave ariyasavako tasmim samaye hoti devanam va Tavatimsanam paricchattako kovilaro.|| ||

Yasmim bhikkhave, samaye ariyasavako vivicc'eva kamehi
vivicca akusalehi dhammehi
savitakkam savicaram
vivekajam piti-sukham
pathamam-jhanam upasampajja viharati,||
jalakajato bhikkhave, ariyasavako tasmim samaye hoti devanam va Tavatimsanam paricchattako kovilaro.|| ||

Yasmim bhikkhave samaye ariyasavako vitakka-vicaranam vupasama
ajjhattam sampasadanam||
cetaso ekodibhavam||
avitakkam avicaram||
samadhijam piti-sukham||
dutiyam-jhanam upasampajja viharati,||
kharakajato bhikkhave, ariyasavako tasmim samaye hoti devanam va Tavatimsanam paricchattako kovilaro.|| ||

Yasmim bhikkhave, samaye ariyasavako pitiya ca viraga upekkhako ca viharati||
sato ca sampajano,||
sukhan ca kayena patisamvedeti||
yam tam ariya acikkhanti:|| ||

'Upekkhako satima sukha-vihari' ti,|| ||

tatiyam-jhanam upasampajja viharati||
kudumalakajato bhikkhave, ariyasavako tasmim samaye hoti devanam ca Tavatimsanam paricchattako kovilaro.|| ||

Yasmim bhikkhave, samaye ariyasavako sukhassa ca pahana||
dukkhassa ca pahana||
pubb'eva somanassa-domanassanam atthangama||
adukkham-asukham||
upekkha-sati-parisuddhim||
catuttam jhanam upasampajja viharati,||
kokasakajato bhikkhave ariyasavako tasmim samaye hoti devanam va Tavatimsanam paricchattako kovilaro.|| ||

Yasmim bhikkhave, samaye ariyasavako asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati,||
sabbapaliphullo bhikkhave,||
ariyasavako tasmim samaye hoti devanam va Tavatimsanam paricchattako kovilaro.|| ||

Tasmim bhikkhave, samaye Bhumma deva saddam anussaventi:|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Bhummanam devanam saddam sutva Catummaharajika deva saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Catummaharajikanam devanam saddam sutva Tavatimsa deva saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Tavatimsanam devanam saddam sutva Yama deva saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Yamanam devanam saddam sutva Tusita deva saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Tusitanam devanam saddam sutva Nimmanarati devanam saddam anussaventi,|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Nimmanaratinam devanam saddam sutva Paranimmitavasavatti devanam saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Paranimmitavasavattinam devanam saddam sutva Brahmakayika deva saddam anussaventi|| ||

"Eso itthannamo ayasma itthinnamassa asasmato saddhivihariko amukamha gama va nigama va agarasma anagariyam pabbajito asavanam khaya||
anasavam ceto-vimuttim||
panna-vimuttim||
ditthe va dhamme sayam abhinna sacchikatva upasampajja viharati" ti.|| ||

Iti ha tena khanena tena muhuttena yava brahmaloka saddo abbhuggacchati.|| ||

Ayam anubhavo khinasavassa bhikkhuno ti.|| ||

 


Contact:
E-mail
Copyright Statement